FELIZ ANO 2O12!

XA ESTAMOS NAS VACACIÓNS!
AS NENAS E OS NENOS DO COLE ELABORARON DEBUXOS PARA UNHA TARXETA DE NADAL E TAMÉN CADA CLASE REMITIU O SEU DESEXO. VELAQUÍ O RESULTADO...

Feliz ano 2012 con 1

View more presentations from xianadecide.

DENTRO DE NADA ENTRAREMOS NUN NOVO ANO.
OGALLÁ SEXA UN FANTÁSTICO ANO PARA TODAS E TODOS.
VÉMONOS O DÍA 9!

De nadal 1

UNHA CHOCOLATADA PARA REMATAR ESTE ANO

A ANPA DO COLE, COMA TODOS OS ANOS,AGASALLA AO ALUMNADO CUNHA FANTÁSTICA CHOCOLATADA.AS FAMILIAS CHEGAN Á PRIMEIRA HORA E TRABALLAN ARREO PARA TER O CHOCOLATE PREPARADO E QUENTIÑO PARA O RECREO. É UNHA ANPA ESTUPENDA!
ACOMPAÑAMOS O CHOCOLATE CON ROSCAS (QUE ESTÁN, DITO SEXA DE PASO, MOI SABROSAS).
O ALUMNADO DE 6º, POR SER AS E OS MAIORES DO COLE, AXUDAN EN TODO: CO ALUMNADO CATIVO, SERVINDO AS MESAS,... E CLARO COMENDO NA ROSCA MOLLADA CON CHOCOLATE!(SERÍA UNHA MÁGOA QUE SOBRASE ALGUNHA MIGUIÑA).

A ANPA TAMÉN ESCRIBIU AOS REIS MAGOS E CHEGARON ALGÚNS AGASALLOS POR ANTICIPADO.






TAMÉN VIÑERON VISITARNOS AS EX-ALUMNAS E OS EX-ALUMNOS PARA CONTARNOS COMO LLES FOI NO IES E... PARA TOMAR UN VASIÑO DE CHOCOLATE.
ATA O VINDEIRO TRIMESTRE!!!

OS "CONSELLIÑOS" DE LAMPI PARA ESTAS FESTAS

LAMPI ACABA DE ATOPAR NA BIBLIOTECA UNHA CHEA DE SUPERSTICIÓNS RELACIONADAS COAS DATAS QUE CHEGAN, ASÍ QUE NOLAS DEIXA NUNHA CARTIÑA...

De lampi supersticioso

PODES LER ALGUNHA SUPERSTICIÓN MÁIS SE CLICAS AQUÍ

UNHA VISITA DAS NENAS E NENOS DE 3º DO COLEXIO PRÍNCIPE FELIPE

HOXE VIÑERON AGASARLLOS CANTANDO. ERAN AS NENAS E NENOS DO COLEXIO PRÍNCIPE FELIPE. FOI PRECIOSO. CANTÁRONLLE AO ALUMNADO DE INFANTIL DE 5 ANOS E AO DE 3º.
NO NOSO COLE CONTÁMOSLLE O QUE ESTABAMOS A FACER.
OGALLÁ NOS VISITEN DE NOVO. GRAZAS POR VIR.

RECOLLENDO AGASALLOS NO CITA

Nenas e nenos do colexio foron hoxe recoller os agasallos grazas aos traballos realizados sobre o dereito das nenas e dos nenos a ter unha familia. Aquí están

UN CADRO ELABORADO EN CINCO ANOS PRESIDE A ENTRADA DO COLEXIO

AS AULAS DE INFANTIL DE CINCO ANOS REMATARON O PROXECTO SOBRE VELÁZQUEZ COA SÚA INTERPRETACIÓN DO CADRO DAS MENINAS. COLOCARON A OBRA DE ARTE NA ENTRADA DO CENTRO. VELAQUÍ UNHAS IMAXES

NA CLASE DE RELIXIÓN CATÓLICA ELABÓRASE O BELÉN

Como todos os anos, na clase de Relixión o alumnado e as mestras elaboran o Belén, este ano está quedando  tamén moi bonito, ide vendo un pouquiño:

E agora mirade o traballo e como quedou rematado

COLOCAMOS A EXPOSICIÓN CON TODO O ELABORADO NO PROXECTO OUTONO

Xa todas as aulas remataron a investigación sobre o outono, as froitas, os bodegóns. Xa elaboraron os libros xigantes e os bodegóns usando técnicas diversas.
Así que xa puidemos facer a expsoción colectiva con todo. Podedes vela na planta baixa do cole...
Aquí vai un adianto:
LIBROS XIGANTES


BODEGÓNS

NAS CLASES DE INGLÉS TAMÉN TRABALLAMOS SOBRE A FESTA DO NADAL

Coas mestras de inglés estivemos a aprender moitas cousas sobre estas festas nos países de fala inglesa, aprendemos vocabulario e elaboramos murais. Tamén preparamos os nosos calcetíns coa axuda das familias e as súas ideas.

UNS PREMIOS PARA O COLEXIO

ESTE ANOS PRESENTAMOS MOITOS TRABALLOS DE INFANTIL, 1º CICLO E 5ºA AO CONCURSO DO CONCELLO E A FUNDACIÓN MENIÑOS SOBRE OS DEREITOS DA INFANCIA, E MÁIS CONCRETAMENTE O DEREITO A TER UNHA FAMILIA.  O CONCURSO TITULÁBASE "PLANTANDO UN ARCO DA VELLA".
COMO A CALIDADE DOS TRABALLOS PRESENTADOS ERA MOI BOA DECIDIRON FACER UNHA EXPOSICIÓN QUE ESTARÁ NO EDIFICIO DO CONCELLO E NO CHALÉ DE FONTOIRA DURANTE AS DATAS DO NADAL. ALÍ PODEREMOS VISITAR OS 50 TRABALLOS SELECCIONADOS.
ADEMAIS UN TRABALLO DE INFANTIL DE TRES ANOS, ELABORADO POR ADRIANA NEIRA E OUTRO DE 5ºA ELABORADO POR FERNANDO, ESTRELA, PAULA E DAVID TEÑEN UN PREMIO ESPECIAL QUE RECOLLERÁN NO CONCELLO O VINDEIRO DÍA 20. NORABOA!

UNHA EXPOSICIÓN SOBRE A NOSA LINGUA

AO COLEXIO CHEGOU UNHA EXPOSICIÓN SOBRE A NOSA LINGUA, SOBRE O GALEGO. LEVA POUQUIÑOS DÍAS NO CORREDOR.
CADA CLASE VAI FACER UNHA VISITA A ELA, TEMOS PREPARADOS UNS CADERNIÑOS CON APARTADOS PARA FACER ANOTACIÓNS... CANTO IMOS APRENDER!
ADEMAIS VANNOS AGASALLAR CUN FOLLETO QUE FALA DE POR QUE É BO APRENDER GALEGO, ESE FOLLETO VÉN ACOMPAÑADO DUN MAPA MENTAL QUE NOS AXUDARÁ A LEMBRAR A MENSAXE DO FOLLETO.

ELABORANDO TARXETAS DE NADAL

HOXE TODO O CENTRO ANDA MOTIVADO ELABORANDO TARXETAS DE NADAL.
AS NENAS E OS NENOS DE INFANTIL DE TRES FAN UN PROXECTO NOVO AO REDOR DELAS.
TEÑEN UNHAS MASCOTAS NOVIÑAS, CHÁMANSE TITÍ E KICO E ACABAN DE REGALARLLES UNHA PRESENTACIÓN SOBRE AS TARXETAS. O RESTO DO COLE PUIDEMOS VER ESA PRESENTACIÓN E AXUDOUNOS A FACER TARXETAS DIFERENTES.
IMOS ELABORAR ENTRE TODAS E TODOS UNHA TARXETA PARA QUE O NOSO COLEXIO FELICITE AS FESTAS, CADA CLASE ESTÁ TRABALLANDO SOBRE UNHA MENSAXE QUE VAI POÑER NA TARXETA CONXUNTA, SERÁ UN DESEXO!

E TAMÉN NO OUTONO... 25 DE NOVEMBRO: TODAS E TODOS CONTRA O MALTRATO DE XÉNERO

Hoxe algunhas clases lerán o libro "El monstruo" (de Daniel Martín e Ramón Trigo) e comentarano detidamente.

Outras traballarán co VÍDEO
O mellor remedio contra o maltrato é a IGUALDADE:

PROXECTOS QUE VAN REMATANDO... PROXECTOS QUE VAN COMEZANDO...

• NO COLE UNS PROXECTOS REMATARON

Sobre... SUDÁN
Sobre... O OUTONO

• OUTROS REMATAN NESTES DÍAS

EN 1º...  sobre... O CORPO HUMANO
EN INFANTIL DE TRES ANOS... sobre ... AS MASCOTAS
EN INFANTIL DE 5 ANOS... sobre... VELÁZQUEZ
EN 6º... sobre... A TERRA, OS CONTINENTES,...

• OUTROS ESTÁN TRABALLÁNDOSE INDA

EN INFANTIL DE TRES ANOS... sobre... AS TARXETAS
EN INFANTIL DE CATRO ANOS... sobre... ONDE HAI NÚMEROS
EN 3º... sobre... AS MEDIDAS

NOS BLOGS DE NIVEL VAN IR APARECENDO NOTICIAS SOBRE A SÚA EVOLUCIÓN, FOTOS, ET.

OUTRA DAS CELEBRACIÓNS DO OUTONO

OUTRA DAS CELEBRACIÓNS QUE TEÑEN LUGAR NO OUTONO É A CONMEMORACIÓN DA APROBACIÓN DOS DEREITOS DA INFANCIA. ESTA APROBACIÓN TIVO LUGAR NUN OUTONO DE HAI 52 ANOS.
INTRODUCIMOS ESTE ANO O TRABALLO CON ESTE VÍDEO...

FAREMOS UN XOGO COOPERATIVO PARA ATOPAR OS ARTIGOS DA DECLARACIÓN...

E LEREMOS UNHA HISTORIA QUE SE RELACIONE CUN DESES ARTIGOS.




PARA APRENDER MÁIS PODEMOS CLICAR AQUÍ
TAMÉN PODEMOS VER VÍDEOS COMO

Pocoyó y sus amigos nos enseñan los derechos de la infancia. Protección from Enrédate con UNICEF on Vimeo.


Pocoyó y sus amigos nos enseñan los derechos de la infancia. Juego from Enrédate con UNICEF on Vimeo.
E CANTAR COS LUNNIS

CELEBRAMOS O MAGOSTO NO COLEXIO

DESPOIS DE TANTO TRABALLAR SOBRE O OUTONO E AS SÚAS CELEBRACIÓNS (MAGOSTO, ESFOLLADAS, SAMAÍN, VENDIMA,...), SOBRE O OUTONO E OS FROITOS, SOBRE O OUTONO E A ARTE, SOBRE O OUTONO E AS MATEMÁTICAS... DESPOIS DE LER PÁXINAS WEB SOBRE O TEMA, DE COMENTAR NOTICIAS VARIADAS DE XORNAL, DE TRABALLAR CON CANTIGAS, DE LER POEMAS, DE VISUALIZAR PRESENTACIÓNS EN POWER POINT...
DESPOIS DE CANTAR, BAILAR, ESCOITAR CANCIÓNS RELACIONADAS, DE XOGAR CON XOGOS TÍPICOS,...
DE ELABORAR LIBROS XIGANTES QUE RECOLLAN A INVESTIGACIÓN EN CADA NIVEL
DE PARTICIPAR NA EXPOSICIÓN DE BODEGÓNS (PINTADOS, REAIS, FOTOGRAFADOS,...)...

POR FIN... CELEBRAMOS O MAGOSTO!!!
ESTE ANO:
-  FIXEMOS UN CIRCUÍTO CON ACTIVIDADES VARIADAS, AS NENAS E OS NENOS DE 6º ERAN AS MONITORAS E OS MONITORES. 1º AXUDAMOS NA ORGANIZACIÓN E NA COLOCACIÓNS DOS MATERIAIS

COLABORAMOS NO RECUNCHO DA POESÍA:

TAMÉN NO DE MÚSICA

E NO DE "CUIDADÍN"

AXUDAMOS NA ELABORACIÓN DO MACROBODEGÓN, DENDE AS CLASES ELABORARON AS FROITAS E DESPOIS FOISE PEGANDO NA BASE-MURAL

NO XOGO CHAPA-CASTAÑA TAMÉN BOTAMOS UNHA MAN

- FIXEMOS FOGUEIRA E ASAMOS CASTAÑAS, AQUÍ PACO, COMO TODOS OS ANOS FOI O XEFE, INDA QUE TAMÉN AS NENAS E NENOS DE 6º AXUDARON.

- DESPOIS DEGUSTAMOS AS CASTAÑAS NAS AULAS, O PATIO ESTABA MOLLADO POLA INTENSA CHUVIA. AS NENAS E OS NENOS DE 6º AXUDARON ÁS MÁIS CATIVAS E AOS MÁIS CATIVOS A DESCASCAR...

ESTIVO XENIAL!! ATA A CHUVIA NON QUIXO PERDERSE A CELEBRACIÓN!!!

UNHA SORPRESA POR SAMAÍN

O ESQUELETO DO COLEXIO, FARTO DE QUE POR SAMAÍN TODA A XENTE FAGA CAVEIRAS E SE DISFRACE DE ESQUELETO, DECIDIU DAR UNHA SORPRESA:
APARECEU DISFRAZADO DE VELÁZQUEZ!
SABE QUE AS NENAS E OS NENOS DE 5 ANOS ESTÁN A FACER UN PROXECTO SOBRE EL E DEULLES UNHA SORPRESA...
DIXO QUE ASÍ TAMÉN SE DISFRAZABA COMO ANTÍO, DE PINTOR, EN HOMENAXE ÁS OBRAS DE ARTE QUE SE ESTÁN PINTANDO NESTE OUTONO EN TODAS AS CLASES DO COLE.

INVESTIGAMOS SOBRE O SAMAÍN /HALLOWEEN

No outono temos moitas celebracións: a vendima, as esfolladas, a mata do porco, o samaín,...
O Samaín é unha festa de orixe celta, a mesma orixe que ten o Halloween. É unha festa que ten lugar ao redor do 1 de novembro e as cabazas teñen nela moito protagonismo. As e os celtas celebraban o ano novo o 1 de novembro e comezaban ese festexo na noite do 31 de outubro, noite na que encendían fogatas e facían bruxerías en honor do cabaleiro da morte, Samhain. Por medo e para que non viñeran os espíritos ás súas casas enchíanas de ósos e caveiras para que os espíritos se asustasen e marchasen. Por iso se poñen as cabazas simulando caveiras.
Este ano no colexio investigamos sobre esta celebración, realizamos actividades variadas

e temos un concurso de cabazas

Fixemos varias actividades relacionadas co Samaín e Halloween: lecturas, murais, libriños, esquemas,... incluídas no proxecto de outono que estamos a desenvolver. Xa aparecerán cousiñas deste traballo nos blog de nivel.

ANTÍO VÉN DISFRAZADO DE PINTOR

ESTE ANO ANTÍO, CHEGOUNOS DENDE O SOUTO CUN DISFRACE, VÉN DISFRAZADO DE PINTOR. SEGURO QUE É PORQUE ESTÁ DESEÑANDO O SEU BODEGÓN PARA A EXPOSICIÓN DE BODEGÓNS DE OUTONO QUE ESTAMOS A PREPARAR NAS CLASES.
ALGUNHAS NENAS E ALGÚNS NENOS TAMÉN O DEBUXARON A EL PARA POÑELO NO SEU CADERNO SOBRE "OS BODEGÓNS DE OUTONO"
MIRADE AS FOTOS

INDA QUE FAI MOITA CALOR... ESTAMOS NO OUTONO

O OUTONO É UNHA ESTACIÓN DO ANO QUE INSPIRA A TODO TIPO DE ARTISTAS:

• A QUEN SE DEDICA Á LITERATURA,

OUTONO
HAI UN TEMPO
ENTRE AGOSTO E DECEMBRO
QUE ENCHE DE FOLLAS
O VAL E O OUTEIRO.
HAI UN TEMPO,
NO QUE FAI TANTO VENTO,
QUE TIRA AS CASTAÑAS
DO MEU CASTIÑEIRO.
...
REFRÁN
Moito ten que saber, quen cogomelos queira comer.
 Castañas, noces e viño son a alegría do camiño.

 

• A QUEN FAI PINTURA,

• A QUEN COMPÓN MÚSICA,...

• A QUEN SE DEDICA Á GASTRONOMÍA

TAMÉN É UNHA ESTACIÓN DO ANO NA QUE CONVERXEN FESTAS E CELEBRACIÓNS: SAMAÍN, MAGOSTO, VENDIMAS, ESFOLLADAS,...
NOUTROS PAÍSES TAMÉN CELEBRAN FESTAS NO OUTONO. MOI COÑECIDAS SON AS DE Halloween (FESTA DE ORIXE CELTA).

SE QUEREDES PODEDES VER ESTE POWER POINT QUE VOS ACHEGARÁ IDEAS

Bodegóns

View more presentations from xianadecide.

IMOS INSPIRARNOS NEL... E DURANTE A ESTACIÓN FAREMOS MIL COUSAS PARA EXPOÑER, QUEREDES AXUDARNOS?

TRABALLANDO ARREO

Nas clases as mascotas están moi involucradas en todo o que sucede. Están moi atarefadas axudando nos proxectos que están xa funcionando... Nos blog de cada nivel iredes atopando información.

Estes días as mascotas andan un tanto preocupadas e ao mesmo tempo emocionadas coas novas:

- Convertirase Palestina nun novo país?

- Será verdade que a teoría de Einstein vai poder ser modificada? Os neutrinos... realmente poden moverse a máis velocidade que a luz?

COMEZA O NOVO ALUMNADO DE TRES ANOS

Durante estes primeiros días de setembro estase incorporando o novo alumnado de infantil. Realizan o período de adaptación e coñecen a un novo personaxe: O Pitiño.

Podedes ver fotos dos seus primeiros momentos no colexio no seu blog.

UN NOVO CURSO COMEZA

Olaaaa!
Ola de novo!
En Mascotilandia estamos todas as mascotas preparando as cousas para mañá... Comezamos un novo curso!Propuxémonos ser máis curiosas ca nunca e preguntar moitas cousas, atender na clase e aprender convosco, ser moi moi traballadoras.
Xa sabedes que as mascotas fomos de vacacións, este verán viaxamos xuntas porque Vilaverdiño nos convidou e tamén aproveitamos para repasar algo, non queremos comezar con todo esquecido... seguro que vós tamén repasastes.
Sabedes que se está falando de modificar a Constitución? Lembrades que traballamos sobre ela o curso pasado?

Vémonos na clase

BO VERÁN!

ESTE CURSO REMATA. VÉMONOS NO VINDEIRO CURSO!
DENDE MASCOTILANDIA DESEXAMOS QUE TEÑADES UN BO VERÁN, QUE GOCEDES DE DESCANSO E QUE DEIXEDES UN POUQUIÑO DE TEMPO PARA REPASAR, PERO SOBRE TODO PARA LER E ESCRIBIR.
- LER VAI PERMITIR QUE VIAXEDES COA IMAXINACIÓN E QUE VIVADES AVENTURAS METIDAS E METIDOS DENTRO DOS PERSONAXES.
- ESCRIBIR VAIVOS DAR A OPORTUNIDADE DE QUE ALGUÉN LEA O QUE PENSADES, O QUE VIVIDES, O QUE IMAXINADES.

DÚAS XUBILACIÓNS

NO COLEXIO, XUBÍLANSE ESTE CURSO DÚAS PROFES QUE LEVAN CONNOSCO MOITOS ANOS POLO QUE PASARON POLAS SÚAS CLASES VARIAS XENERACIÓNS DE ALUMNADO.
DESEXAMOS QUE O PASEN MOI BEN DENDE XA, QUE TEÑAN MOITA SORTE NA NOVA VIDA QUE COMEZAN. NÓS BOTARÉMOLAS DE MENOS.
GRAZAS POLA VOSA PROFESIONALIDADE E AMIZADE, GRAZAS POR PERMITIRNOS APRENDER CONVOSCO. GRAZAS PROFE HILDA E PROFE MANOLI.

O FESTIVAL DO SÁBADO

O SÁBADO, 18 DE XUÑO, NO COLEXIO HOUBO UNHA FESTA ENORME, NELA TEN MOITO PROTAGONISMO A ANPA DO COLEXIO E COLABORAN PROFESORADO E ALUMNADO:
1º O CROSS, CON ALUMNADO DE VARIOS CENTROS DE PONTEVEDRA. HOUBO TROFEOS E MEDALLAS ABONDO

2ºTEATRO, BAILES E OUTRAS REPRESENTACIÓNS

3º GRAN COMIDA CON ASISTENCIA DE FAMILIAS, PROFESORADO E ALUMNADO.
4º VISITA Á EXPOSICIÓN MONTADA POR PROFESORADO E ALUMNADO CON ALGÚNS DOS TRABALLOS (POIS NON CABEN TODOS) REALIZADOS AO LONGO DO CURSO.

MUSICANDO PATIOS

ESTAS ÚLTIMAS SEMANAS OS PATIOS ESTIVERON MOI AMBIENTADOS. LOLA, A PROFE DE MÚSICA PUXO EN MARCHA UNHA ACTIVIDADE TITULADA "MUSICANDO PATIOS" E NOS RECREOS A MÚSICA PUXO UNHA "NOTA" (NUNCA MELLOR DITO)DIFERENTE NO PATIO.
SUBIREMOS FOTOS DA EXPERIENCIA...

UNHA EXPOSICIÓN GRANDIOSA

MAÑÁ, ENTRE OUTRAS MOITAS COUSAS, NO COLE VAI HABER UNHA FESTA. FAMILIAS, PROFESORADO E ALUMNADO VAN COMPARTIR ALGUNHAS ACTIVIDADES: UN CROSS, UN FESTIVAL, UNHA EXPOSICIÓN...
TODO ISTO REQUIRE DE MOITOS PREPARATIVOS, MIRADE AQUÍ UNS POUQUIÑOS, OS REFERIDOS Á EXPOSICIÓN:

ACOLLIDA DO ALUMNADO DE INFANTIL DE 5 ANOS EN 1º

HOXE, O ALUMNADO DE INFANTIL DE 5 ANOS FOMOS VISTAR AS AULAS DE 1º. FOMOS SEN MANDILÓN (XENIAL!). ALÍ NOS AGARDABAN CON SORPRESAS: ENSINARON AS AXENDAS, OS MATERIAIS,... INTERCAMBIAMOS AGASALLOS... SE QUEREDES SABER MÁIS VISITADE O BLOG DE 1º E DE INFANTIL.

ACOLLIDA DE 4º EN 5º

AS NENAS E OS NENOS DE 5º CONVIDAN AO ALUMNADO DE CUARTO A TOMAR CONTACTO CO NOVO CICLO. ESTA SESIÓN FORMA PARTE DA 1ª FASE DO PLAN DE ACOLLIDA DO ALUMNADO DE PRIMARIA QUE CAMBIA DE CICLO.
1º VIRON CONXUNTAMENTE UN VÍDEO E DESPOIS ELABORARON UN TEXTO EN EQUIPO...

ACOLLIDA DE 2º EN 3º

HOXE OS GRUPOS DE 2º VISITARON AS AULAS DE 3º, COMO 1ª FASE DO PLAN DE ACOLLIDA. ALÍ TOMARÁN CONTACTO COS NOVOS MATERIAIS, COAS NOVAS AXENDAS, FALARÁN COAS COMPAÑEIRAS E COMPAÑEIROS DO NOVO CICLO...
HOUBO UN INTERCAMBIO DE AGASALLOS MOI LINDOS.
AQUÍ TENDES ALGUNHA FOTO DO QUE PASOU...

COMEZA A 1ª FASE DO PERÍODO DE ADAPTACIÓN

O ALUMNADO QUE SE VAI INCORPORAR AO COLEXIO PARA O CURSO 2011-2012, VÉN VISITARNOS ESTA SEMANA.
COÑECEN O PATIO, AS AULAS, A OUTRAS NENAS E OUTROS NENOS QUE VAN ESTAR NAS SÚAS AULAS...
DÁMOSLLES A BENVIDA!!

COIDAR OS BOSQUES

COMO XA VISTES NA ENTRADA ANTERIOR O 5 DE XUÑO É UN DÍA IMPORTANTE PARA A CONCIENCIACIÓN. DENDE MASCOTILANDIA UNÍMOSNOS Á PROPOSTA DE "PROMOVER O COIDADO DOS NOSOS BOSQUES" PARA PRESERVAR O MEDIO AMBIENTE.
AS MASCOTAS INICIAMOS UNHA MINI EXPOSICIÓN SOBRE O TEMA QUE FORON CONTINUANDO POLO CENTRO AS DIFERENTES AULAS:
- CON CADROS DE PINTORAS E PINTORES FAMOSOS (MONNET, MATISSE, ROUSSEAU, CABRERA)

- CON IMAXES DE BOSQUES TRADICIONAIS:

- CON BOSQUES CREATIVOS:

DENDE AS AULAS VAN APARECENDO BOSQUES DIVERSOS:
- BOSQUES DE 2º


- BOSQUE DOS DESEXOS DE 5ºB

- BOSQUES DE XORNAL DE 5ºA

- BOSQUES CON TÉCNICAS VARIADAS DE INFANTIL DE CATRO ANOS

- O BOSQUE CON COPAS EN TÉCNICAS DIFERENTES EN INFANTIL DE CINCO ANOS:

- UN BOSQUE DE MANS EN INFANTIL DE TRES ANOS:

- UN BOSQUE IMAXINATIVO EN 3º

- UN BOSQUE PICADO EN 1º:

- UN BOSQUE VARIADO EN 6º:

- UNS BOSQUES COLORISTAS EN 4º:

MEDIOAMBIENTE SANO

DURANTE ESTES DÍAS ESTIVEMOS A TRABALLAR SOBRE O MEDIOAMBIENTE E A NECESIDADE DE QUE ESTEA COIDADO.
TEMOS QUE EVITAR OS BARULLOS EXCESIVOS, COIDAR DO AIRE E DA AUGA, AFORRAR ENERXÍA,...
MIRADE QUE CANTIDADE DE DANO LLE PODEMOS FACER Á TERRA!


ESTE ANO DEDÍCASELE ESPECIALMENTE AOS BOSQUES E Á NECESIDADE DE EVITAR A DEFORESTACIÓN E A DEGRADACIÓN DOS MESMOS.

PODEMOS AXUDAR A CONCIENCIAR COLABORANDO COAS MASCOTAS NAS SÚAS PROPOSTAS COS BOSQUES.

2ª PARTE DO RECITAL DE POESÍA

HOXE TIVO LUGAR NO PATIO A 2ª PARTE DO RECITAL DE POESÍA A CARGO DO ALUMNADO DE PRIMARIA.

O CORO DO CEIP TAMÉN ACTUOU, INTERPRETANDO DÚAS FERMOSAS PEZAS.
CON RESPECTO AO RECITAL DE INFANTIL, HOUBO UNHA DIFERENZA: TAMÉN TIVO LUGAR UN CONCURSO DE CHISTES.

FINALIZARÁ A CELEBRACIÓN DO DÍA DAS LETRAS GALEGAS CUNHA ACTUACIÓN PARA TODO O CENTRO DO GRUPO "MAMÁ CABRA"

1ª PARTE DO RECITAL DE POESÍAS

HOXE TIVO LUGAR NO COLEXIO A PRIMEIRA PARTE DO RECITAL DE POESÍAS. FOI UN ACTO MOI BONITO.
O ALUMNADO DE EDUCACIÓN INFANTIL RECITOU OS POEMAS QUE COMPUXO PARA O CERTAME DE POESÍA. PREVIAMENTE O CORO, FORMADO POR ALUMNADO DE 5º E 6º, DELEITOUNOS CUNHA ACTUACIÓN.

TAMÉN O ALUMNADO DE TERCEIRO CICLO RECITOU AS 12 POESÍAS SELECCIONADAS.

HOMENAXE A LOIS PEREIRO

Dende todas as clases do centro se está colaborando nunha exposición proposta polo EDLG, con "Versos ilustrados". Os versos son de Lois Pereiro. Hai unhas ilustracións fermosísimas que iremos colocando no blog, aparecen unha chea de técnicas plásticas diferentes.
Se queredes poderedes visitar a exposición que colocaremos nunha das entradas do centro.

O NOSO MURAL-XORNAL

ACABAMOS DE REDACTAR AS NOTICIAS. DESPOIS CADA CLASE CONTRIBUÍU CON ALGUNHA PARA ELABORAR A PRENSA-MURAL DO CENTRO.
TEMOS NOVAS DE VARIADAS CATEGORÍAS, PERO A NOVA Á QUE SE LLE DEDICOU MÁIS ESPAZO É A DO NOVO ASCENSOR.
VELAQUÍ O RESULTADO:

A EXPOSICIÓN "SALVANDO LIBROS"

XA NOS REMITIRON A EXPOSICIÓN DE TODOS OS LIBROS SALVADOS ENTRE OS CENTROS PARTICIPANTES.
SE QUEREDES PODEDES VELA NESTES ENLACES, ASÍ SABEREDES QUE LIBROS SE PROPOÑEN PARA SALVAR DENDE OUTROS CENTROS.
INFANTIL
PRIMARIA 1- 2
NA NOSA BIBLIOTECA ESTÁ UN RESUMO DOS LIBROS QUE SE PROPUXERON PARA SALVAR EN EDUCACIÓN INFANTIL E PRIMARIA.

XA ESTAMOS EN MAIO, MES DAS LETRAS GALEGAS

O 17 DE MAIO É O DÍA DAS LETRAS GALEGAS. NO COLEXIO, COMO TODOS OS ANOS ESTAMOS A TRABALLAR AO REDOR DESE DÍA.

ESTE ANO O HOMENAXEADO É O POETA LOIS PEREIRO.

VELAQUÍ ALGÚNS RETAZOS DA SÚA POESÍA:

Tristemente convivo coa túa ausencia
sobrevivo á distancia que nos nega
mentres bordeo a fronteira entre dous mundos
sen decidir cal deles pode darme
a calma que me esixo para amarte
sen sufrir pola túa indiferencia

Somentes

intentaba conseguir
deixar na terra
algo de min que me sobrevivise

Necesito que alguén
 -estean na man dereita ou na esquerda-
me diga ou me faga estar seguro de que me quere:
unha chamada, un pensamento táctil.
PARA TRABALLAR A SÚA BIOGRAFÍA CLICADE AQUÍ , AQUÍ, AQUÍ, OU AQUÍ

FELICIDADES DENDE MASCOTILANDIA

DENDE O CENTRO PARTICIPAMOS NO CONCURSO DE DEBUXO ESCOLAR A MASCOTA DO TRIATLON . DOUS DOS PREMIOS FORON GAÑADOS POLO ALUMNADO DO COLEXIO:
O PRIMEIRO PREMIO RECIBIUNO UN DEBUXO ELABORADO POR DANIEL FRAGUAS

O 2º PREMIO, FOI PARA UN DEBUXO ELABORADO POR CARLA PARADA.

TAMÉN PARTICIPAMOS NO CONCURSO DE "MENSAXES PARA EDUCACIÓN VIAL", RECIBIRON PREMIO:

CARLOS FERNÁNDEZ E FÁTIMA GARCÍA DE 5ºA

FELIZ DÍA DO LIBRO

Hoxe é o día do libro. Unha data para unha celebración internacional.
O 23 de abril de 1616 falecían Cervantes, Shakespeare e o Inca Garcilaso de la Vega. Tamén nun 23 de abril naceron –ou morreron– outras persoas escritoras e escritores eminentes como Teresa de la Parra, Maurice Druon, K. Laxness, Vladimir Nabokov, Josep Pla ou Manuel Mejía Vallejo. Un día sinalado, un día para ler, para ler de calquera maneira:ler en soporte papel ou en soporte dixital, ler imaxes ou ler palabras, ler nunha cadeira ou ler camiñando, ler paisaxes ou ler pensamentos,... LER en suma.

Ler CÓMIC tamén pode ser unha alternativa...

Bilz y Pap comic - El e-mail equivocado from Bily y Maik on Vimeo.
Ler CONTOS, debuxalos ou escoitalos tamén pode valer...

Ou ben escoitar un CONTO e despois traballar con el clicando aquí

UN PROXECTO PARA TODO O CENTRO: O XORNAL MURAL

ESTA SEMANA TRABALLAMOS SOBRE A PRENSA NAS AULAS.

AS MASCOTAS, COMA SEMPRE, FIXERON UNHA PROPOSTA ÁS CLASES... E PÚXEMONOS EN MARCHA. UN PROXECTO DE CENTRO SOBRE UN MURAL-XORNAL
E É QUE O XORNAL É MOI INTERESANTE E MESMO INSUSTITUÍBLE... OLLADE SE NON:

Ao periódico nunca o reemprazará internet ei

View more documents from xianadecide

7 DE ABRIL, DÍA MUNDIAL DA SAÚDE

NAS CLASES ESTAMOS PREPARÁNDONOS PARA CELEBRAR O DÍA:
- CON MERENDAS SANAS
- CON COMENTARIOS DE CASOS COMO "O DILEMA DE MARCOS" E O DILEMA DE GUILLERMO", CASOS QUE TEMOS QUE RESOLVER, COMPARAR CONNOSCO E FACER PROPOSTAS PARA QUE MARCOS E GUILLERMO TEÑAN MELLORES HÁBITOS.

Estudo de guillermo

View more presentations from xianadecide

- CON NOTICIAS SOBRE "A RESISTENCIA AOS ANTIBIÓTICOS". ESTA RESISTENCIA PREOCUPA A NIVEL MUNDIAL, ASÍ QUE INVESTIGAMOS SOBRE VIRUS E BACTERIAS, ANTIBIÓTICOS E ANTIVIRAIS... DEBATEMOS SOBRE O QUE SE DEBE FACER.

Día mundial da saúde

View more documents from xianadecide

EN CADA CLASE RECOLLEREMOS CONCLUSIÓNS.

A SORPRESIÑA DE LAMPI

LAMPI SI QUE TIÑA UNHA SORPRESA PARA NÓS. PREPAROUNOS UNHA PRESENTACIÓN EN POWER.PÚXONOLA ANTES DE QUE SALVARAMOS UN LIBRO.
ALGUNHAS MASCOTAS DE AULA XA VIMOS A PRESENTACIÓN, PERO OUTRAS INDA NON...
ASÍ QUE NON IMOS SUBILA ATA QUE A VEXAN CASE TODAS...

Salvando un libro

View more presentations from xianadecide

MIRADE ALGUNHAS FOTOS...

A MASCOTILANDIA CHEGA UNHA CARTA DE LAMPI

LAMPI, A MASCOTA DA NOSA BIBLIOTECA FAINOS CHEGAR ÁS CLASES UNHA CARTA, QUERE CONVIDARNOS Á BIBLIOTECA PARA OFRECERNOS UNHA SORPRESIÑA...
NON SABEMOS QUE ESTARÁ A ARGALLAR... FALA DE "SALVAR UN LIBRO".
AS MASCOTAS DAS CLASES ESTAMOS PREPARANDO OS SALVAVIDAS POLO QUE POIDA PASAR.

UNHA ACTIVIDADE NA BIBLIOTECA DE LAMPI

VIOLETA MONREAL VISITA AO ALUMNADO DE PRIMEIRO CICLO. ELA É ESCRITORA E ILUSTRADORA. A VISITA TIVO QUE VER COAS ACTIVIDADES PREVIAS Á LECTURA DO LIBRO "PAMELA PANAMÁ YA NO CREE EN CUENTOS DE HADAS", LIBRO DO QUE É AUTORA E QUE 2º LERÁ O TERCEIRO TRIMESTRE E COA ANIMACIÓN DO LIBRO QUE LERÁ PRIMEIRO E INDA É SORPRESA.
DURANTE A SESIÓN, VIOLETA ELABOROU UNHA ILUSTRACIÓN EN 2º E OUTRA EN 1º. TENDES MÁIS INFORMACIÓN NOS BLOG.

ALGÚNS PROXECTOS NO CENTRO ESTÁN NACENDO...

A "HISTORIA DOS BONOBOS CON GAFAS",  A DE "ARTURO E CLEMENTINA", AS FUTURAS ELECCIÓNS E AS NOTICIAS SOBRE XAPÓN DERON LUGAR A VARIOS PROXECTOS E MINIPROXECTOS NO CENTRO:
- OS BONOBOS, O SEU HÁBITAT, A SÚA ORGANIZACIÓN SOCIAL...
- BONOBOS E TARTARUGAS, DOUS TIPOS DE ANIMAIS DIFERENTES
- XAPÓN E A SÚA CULTURA
- AS VIAXES
- AS VOTACIÓNS
- ...
SE QUEREDES SABER MÁIS, AXEXADE NOS BLOG DE NIVEL.

DÍA DO LIBRO

Este mes é moi especial... día da poesía, día da árbore, día do libro,...
A orixe do día do libro ten que ver co ano 1930. Elixiuse o 23 de abril porque... un 23 de abril de 1616 morrían Cervantes e Shakespeare. Tamén nun 23 de abril naceron – ou morreron  – outros escritores eminentes como Maurice Druon, K. Laxness, Vladimir Nabokov, Josep Pla ou Manuel Mejía Vallejo. A Conferencia Xeral da UNESCO elixiu esa data para render homenaxe ao libro e ás súas autoras e autores, ademais de animar a  descubrir o pracer da lectura.
Podemos celebrar o día con este anuncio-vídeo...

21 DE MARZO, O DÍA MUNDIAL DA POESÍA

COINCIDINDO CO 21 DE MARZO, CELÉBRASE O DÍA DA POESÍA. UN BO XEITO DE CELEBRAR ESTE DÍA LEMBRANDO A XAPÓN É USANDO POESÍA XAPONESA...

HAIKÚ

É UN TIPO DE POEMA XAPONÉS QUE CONTA EN TOTAL CON 17 SÍLABAS.

TEN TRES VERSOS:

 O PRIMEIRO DE 5 SÍLABAS

 O SEGUNDO DE 7 SÍLABAS

 O TERCEIRO DE 5 SÍLABAS

EX:
POR TU HORIZONTE
BAJA EL SOL DE LA TARDE,
LA NOCHE ES MÍA.

SEGUIMOS CO TRABALLO SOBRE OS TERREMOTOS E TSUNAMIS

ATOPAMOS MOITAS FONTES E RECURSOS NA BIBLIOTECA (ENCICLOPEDIAS, XORNAIS, PERIÓDICO DIXITAL,...), NOS BLOGS DO RESTO DE NIVEIS DO COLEXIO,E EN INTERNET.
SABEDES QUE SIGNIFICA TSUNAMI? SABEDES EN QUE IDIOMA ESTÁ A PALABRA TSUNAMI?
ATOPAMOS ESTE VÍDEO EXPLICATIVO QUE NOS GUSTA MOITO...

E ESTE OUTRO SOBRE AS CENTRAIS NUCLEARES...

O 11 DE MARZO UN TERREMOTO E UN TSUNAMI EN XAPÓN...

AS MASCOTAS ESTÁN MOI PREOCUPADAS POLA NOTICIA DE XAPÓN. NON SABEN MOI BEN QUE É UN TERREMOTO NIN UN TSUNAMI E PIDEN A NOSA AXUDA:
- COMO UN TERREMOTO PROVOCA UN TSUNAMI
- POR QUE HAI OUTROS PAÍSES AFECTADOS QUE ESTÁN SITUADOS LONXE DE XAPÓN
- QUE ESTÁ A PASAR COAS CENTRAIS NUCLEARES
- QUE OUTROS TERREMOTOS FORTES HOUBO NA TERRA
- QUE OUTROS EFECTOS PRODUCIU ESTE DESASTRE NATURAL
...
ESTES DÍAS IMOS INVESTIGAR NOS MAPAS, NOS XORNAIS, EN ENCICLOPEDIAS,... IMOS FACER UN SEGUIMENTO DA NOTICIA AO LONGO DOS DÍAS, IMOS RESUMIR AS NOTICIAS EN PIRÁMIDES,...

POÑEMOS EN MARCHA UN TRABALLO CONTRA A DISCRIMINACIÓN E O MALTRATO

EN VINDEIROS DÍAS IMOS TRABALLAR NO CENTRO UNHA PROPOSTA COA FINALIDADE DE REFLEXIONAR SOBRE A DISCRIMINACIÓN E O MALTRATO DE XÉNERO. AS MASCOTAS XA NOS MANDARON UNHA CARTA...
O RECURSO PRINCIPAL SERÁN UNS LIBROS DE ADELA TURÍN E UN CADERNO ELABORADO NO CENTRO (Á NOSA DISPOSICIÓN EN  http://xianadecide.blogspot.com/). APROVEITAREMOS PARA INVESTIGAR DATOS, PRACTICAR ESTRUTURAS COOPERATIVAS, INICIAR PROXECTOS...
XA VOLO IREMOS AMOSANDO A TRAVÉS DOS NOSOS BLOGS.

POR FIN! ENTROIDO POR TODO O ALTO NO COLE!!!

VILAVERDIÑO, COAS SÚAS PLUMAS NOVAS (ESTE ANO FEITAS CON REVISTAS POR AQUILO DA CRISE) , AGARDA A QUE CHEGUE O SEU GRAN MOMENTO. ESTÁ EXPOSTO NO CORREDOR DO COLEXIO.

COLOCAMOS NO PATIO ALGÚNS DOS CARTEIS QUE ELABORAMOS PARA A FESTA:

6º AXUDA A COLOCAR TODO, ESCOITA AS INSTRUCIÓNS ÚLTIMAS, COLOCA OS POSTRES DE ENTROIDO NO COMEDOR (AS PROFES PREPARAN E REPARTEN TODO EN PRATOS):

POÑEMOS OS DISFRACES RELACIONADOS COAS MENTIRAS E OS CONTOS MENTIREIROS...E TIRAMOS AS FOTOS DE GRUPO.
E. INFANTIL VAI DE RATIÑAS E RATIÑOS, CONDUCEN AO GRUPO AS FRAUTISTAS (NON DE HAMELÍN SENÓN DE VILAVERDE):

1º E 2º, LEVAN DISFRACES RELACIONADOS CON “ALICIA NO PAÍS DAS MARABILLAS” , AS E OS PROFES TAMÉN LEVAN DISFRACES DO CONTO: COELLO, ALICIA, RAÍÑA,SOMBREREIRO TOLO,...

3º E 4º MINTEN MONGOLLÓN... SON NENAS AS NENAS? SON NENOS AS NENAS? SON NENAS OS NENOS? UFFF! QUE LEA!!! AS PROFES TAMÉN SE APUNTAN Á MODA... MULLERES? HOMES?

5º E 6º COAS SÚAS PROFES E OS SEUS PROFES DISFRÁZANSE DE VILAVERDIÑO, O GALO DO COLEXIO QUE TIVO UN PRIMEIRO TRIMESTRE MENTIREIRO DE VERDADE! COMO NON OS QUEIMEN TAMÉN!

CHEGOU A HORA DA BAIXADA... CANTOS NERVIOS!

DESFILAMOS COMO PROFESIONAIS:

A MURGA DE 5º... CANTA A SÚA COMPARSA

XÚLGASE AO GALO... SENTÉNZASE... O GALO LE O SEU TESTAMENTO. ANTES DE QUEIMALO CÁNTANLLE AS LADAÍÑAS:

UN DESCANSIÑO PARA COMER FILLOAS, ORELLAS, TARTAS VARIAS,... QUE RICO TODO!!!

UN BAILIÑO...

E REMATOU O ENTROIDO NO COLE... QUEIMAMOS A VILAVERDIÑO:

SÓ PODEMOS LER HISTORIAS E AGARDAR AO VINDEIRO ANO...

FALTA POUQUIÑO PARA A CELEBRACIÓN DO ENTROIDO

NESTA SEMANA IMOS (POR FIN ) FACER A FESTA DO ENTROIDO:
HABERÁ DESFILE, COMPARSAS, DEGUSTACIÓN DE PRODUTOS TÍPICOS DA DATA, BAILE, O XUÍZO DO GALO VILAVERDIÑO...
XA NON NOS DÁ CHEGADO O VENRES! VAI SER UN ENTROIDO MENTIREIRO... PERO NON IMOS DESVELAR NADA MÁIS!
MENTRES TANTO...  LOCALIZAMOS NUN MAPA OS ENTROIDOS MÁIS FAMOSOS DO MUNDO, TENTAMOS BUSCAR MÁIS DATOS (HABERÁ ENTROIDO EN ASIA? EN ÁFRICA?...)


FACEMOS IMAXES-MURAL SOBRE "A PRESENZA DOS MECOS NOS ENTROIDOS GALEGOS", DAMOS OS ÚLTIMOS RETOQUES SOBRE OS DISFRACES, LEMOS CONTOS (PORQUE NALGÚNS CICLOS OS DISFRACES TEÑEN QUE VER CON ELES) OU VEMOS VIDEOS PARA COPIAR MOVEMENTOS, XESTOS, PALABRAS,... PARA DESFILAR MELLOR.
COLOCAMOS OS CARTEIS QUE ELABORAMOS PARA ANUNCIAR A FESTA.
AS NENAS E OS NENOS MAIORES ESCRIBEN AS LETRAS DAS COPLAS DO XUÍZO E TESTAMENTO DE VILAVERDIÑO E PÁSANNOLAS PARA QUE AS COÑEZAMOS...

UN 24 DE FEBREIRO NACEU ROSALÍA DE CASTRO

FACEMOS UN ALTO NAS TAREFAS DO ENTROIDO, UNHA PARÉNTESE PEQUENIÑA PARA RECORDAR A ROSALÍA DE CASTRO RECITANDO ALGÚN DOS SEUS POEMAS.

ESTA GRAN POETISA GALEGA NACEU O 24 DE FEBREIRO DE 1837. SE CLICAS NOS ENLACES PODES APRENDER MÁIS SOBRE ELA.
ESCOITA COMO MUSICARON ALGÚN DOS SEUS POEMAS MÁIS COÑECIDOS:

PREPARANDO O ENTROIDO

VILAVERDIÑO ESTÁ CONTENTÍSIMO, VAI SER DE NOVO O PROTAGONISTA,... DESTA VEZ DA FESTA DO ENTROIDO.

HAI MOITA ACTIVIDADE E UNHA GRAN CANTIDADE DE TAREFAS:

MENTRES VAI FACÉNDOSE O MECO (O GALO CON PLUMAS DE CORES),... ELABÓRANSE DISFRACES; INVESTÍGASE SOBRE O RAVACHOL, SOBRE PERFECTO FEIJOO E OS PERSONAXES DA TERTULIA DA BOTICA, SOBRE AS DIFERENTES RECEITAS DE ORELLAS DE ENTROIDO,...; DESÉÑANSE CARTEIS PARA ANUNCIAR A FESTA, FAISE UN DICIONARIO CON PALABRAS DAS RECEITAS, TRÁZANSE LIÑAS BIOGRÁFICAS SOBRE O RAVACHOL E O SEU AMO, INFANTIL DE CATRO CONFECCIONA UN AUDIOVISUAL E ENSÍNAO A TODO O COLE, COOPÉRASE "NUN ÁLBUM DE CROMOS" SOBRE A HISTORIA DE VILAVERDIÑO,...

É UNHA QUINCENA CHEA DE PROXECTOS, ACTIVIDADES MULTINIVEL E ESTRUTURAS COOPERATIVAS...