FESTA FIN DE CURSO!

PARA CELEBRAR O FIN DE CURSO, NO CEIP VILAVERDE ORGANIZAMOS UNHA FESTA CON MOITOS XOGOS DE AUGA !

O ALUMNADO DE PRIMARIA E O ALUMNADO DE INFANTIL PUIDO DESFRUTAR CON DIFERENTES XOGOS DE AUGA ADAPTADOS ÁS IDADES. APROVEITAMOS O SOLIÑO DO DÍA E O NOSO BONITO PATIO PARA RIR, MOVERNOS E MOLLARNOS MOITO!

TAMÉN DEGUSTAMOS MERENDOLAS E DESPEDÍMONOS DUN CURSO CHEO DE APRENDIZAXES E MOITAS ANÉCDOTAS PARA O RECORDO.

O EQUIPO DO CEIP VILAVERDE DESÉXAVOS A TODAS E TODOS UN FELIZ VERÁN. VÉMONOS EN SETEMBRO!

💙🌞🌊🌅

DOAZÓN DE LIBROS Á ESCOLA INFANTIL DA PARDA

NAS ÚLTIMAS SEMANAS DE CURSO Ó NOSO COLEXIO REALIZOU, EN COLABORACIÓN COA GALIÑA AZUL DA PARDA, UN PEQUENO ENCONTRO ENTRE O ALUMNADO DE 5º DO CENTRO E A CATIVADA DA ESCOLA INFANTIL.

NESTA VISITA, O CEIP VILAVERDE DONOU VARIOS LIBROS Á GALIÑA. ADEMÁIS, O ALUMNADO DE 5º PUIDO COMPARTIR ESTA BONITA INICIATIVA COAS MESTRAS DA GALIÑA AZUL QUE LLE DERON CLASE DE PEQUENIÑAS E PEQUENIÑOS.

GRACIAS A TOD@S POR FACELA POSIBLE! 

XORNADA DE CONVIVENCIA ENTRE CENTROS: RECIBIMOS AO CEIP DE TENORIO

 FAI UNS DÍAS TIVEMOS A SORTE DE VOLVER REALIZAR UNHA NOVA XORNADA DE CONVIVENCIA CO CEIP DE TENORIO.

NESTA OCASIÓN, O ALUMNADO DE 1º E 2º DE TENORIO VEU COÑECER O NOSO COLEXIO. 

O ALUMNADO DE 2º DO VILAVERDE ACOLLEUNOS CUNHA MERENDA CONXUNTA E MOITOS XOGOS!

ADEMÁIS, REALIZARON UN INTERCAMBIO FINAL DE AGASALLOS E COMENTARIOS POSITIVOS COS QUE QUEDARON ENCANTADAS E ENCANTADOS. 

TAMÉN FIXERON UNHA BONITA FOTO DE GRUPO AO BERRO DA PALABRA MÁXICA: CONVIVENCIAAAAAA!

 

MOITAS GRAZAS POR VIRNOS VISITAR E PASAR UNHA MAÑÁ CON NÓS. GRAZAS TAMÉN AO PROFESORADO QUE FIXO POSIBLE ESTE FERMOSO DÍA 💙

DÍA NACIONAL DAS LINGUAS DE SIGNOS ESPAÑOLAS

ESTE VENRES 14 DE XUÑO CELÉBRASE O DÍA NACIONAL DAS LINGUAS DE SIGNOS ESPAÑOLAS.

DENDE O COLEXIO, FOMOS PROMOVENDO DURANTE O CURSO DIVERSAS PROPOSTAS COAS QUE MELLORAR AS COMPETENCIAS COMUNICATIVAS INCLUSIVAS DE TODA A COMUNIDADE, INTEGRANDO ENTRE TODAS E TODOS A LINGUA DE SIGNOS NA VIDA DO CENTRO.

 

CON ESTA FIN, REALIZAMOS UNHA ACTIVIDADE VERTICAL EN FORMA DE BANCO DE RECURSOS. O ALUMNADO DAS DIFERENTES CLASES PRESENTA EN LSE O VOCABULARIO RELACIONADO COS PROXECTOS TRABALLADOS DO ÚLTIMO TRIMESTRE.

PODEREDES VER O VÍDEO NA AULA VIRTUAL DE CADA NIVEL. ESPERAMOS QUE OS DISFRUTEDES.

NESTE DÍA TAN ESPECIAL, TAMÉN QUEREMOS AGRADECER A IRIA, A NOSA INTÉRPRETE , A SUPER AXUDA QUE NOS OFRECEU DURANTE TODO O CURSO 💙GRAZAS A ELA APRENDEMOS UN POUQUIÑO CADA DÍA.

AULA VIRTUAL DO CENTRO PARA VISUALIZAR BANCO DE RECURSOS

 

STEMVILA : VÍDEOS EN LSE REALIZADOS DURANTE O CURSO

 

ACTIVIDADES FAXPG 14 DE XUÑO 

 

RECEPCIÓN DE FAMILIAS DO ALUMNADO NOVO DE 4ºEI PARA O CURSO 24-25

NO CEIP VILAVERDE ESTÁMONOS A PREPARAR PARA DAR A BENVIDA ÁS FAMILIAS DO NOVO ALUMNADO DE 4º DE INFANTIL DO VINDEIRO CURSO 24-25.

NESTA REUNIÓN FALAREMOS DA ENTRADA Á ESCOLA, DE RUTINAS IMPORTANTES QUE PODEMOS IR PRACTICANDO E DE COMO É O PERÍODO DE ADAPTACIÓN NO NOSO COLEXIO, FORMADO POR DÚAS FASES.

A PRIMEIRA SERÁ EN XUÑO, O ALUMNADO PODERÁ VISITAR AS CLASES E ESTAR UN POUQUIÑO NO COLE.

ESPERÁMOSVOS O MARTES 28!

🌟

LETRAS GALEGAS 2024

AS  LETRAS GALEGAS NO NOSO COLEXIO SEMPRE VAN ACOMPAÑADAS DE MOITO RITMO CUN CONCERTO NO QUE PARTICIPAMOS TODO O CENTRO.

ESTE ANO TIVEMOS O GUSTO DE CONTAR COA ACTUACIÓN DO GRUPO MUSICAL PESDELÁN, CO QUE BAILAMOS E CANTAMOS DANZAS DO MUNDO. AQUÍ VOS DEIXAMOS UN PEQUENO RECORDO:

CONCERTO LETRAS GALEGAS 2024 CEIP VILAVERDE 

ADEMÁIS, CELEBRAMOS UN CERTAME POÉTICO NO QUE AS CLASES CREARON POEMAS EN GALEGO. DURANTE UNHAS SEMANAS ESTIVEMOS A PENSAR E ESCRIBIR AS NOSAS POESÍAS. 

NO CERTAME RECITÁRONSE OS POEMAS FINALISTAS E REALIZOUSE A ENTREGA  DE PREMIOS.

ALUMNADO DE 6º PRESENTOU O ACTO E O COMBO REALIZOU UNHA ACTUACIÓN DO HIMNO GALEGO XUNTO A PROFE LOLA.

MOITAS GRAZAS A TODAS E TODOS POR AXUDAR E PARTICIPAR NESTAS ACTUACIÓNS TAN ESPECIAIS PARA O COLE!

VÍDEO FINAL "OS NENOS QUEREMOS A PAZ"

XA PODEDES DESFRUTAR CO VÍDEO CREADO PARA O VII CONCURSO CANTAMOS CON LAS MANOS ORGANIZADO POLA FEDERACIÓN DE ASOCIACIÓNS DE PERSOAS XORDAS DE GALICIA.

QUEDAMOS CUNHA CHEA DE APRENDIZAXES QUE DE SEGURO NON ESQUECEREMOS,  ESPERAMOS QUE VOS GUSTE TANTO COMO A NÓS.

O BOSQUE DA ESPERANZA CHEGA A SANTIAGO!

O PROXECTO DO BOSQUE DA ESPERANZA SEGUE A TRAER BOAS NOVAS!

DENDE O CAFI, CONVIDÁRONNOS A ASISTIR A UNHA CHARLA-FORMACIÓN SOBRE ESTA MARABILLOSA PROPOSTA NA QUE PARTICIPAMOS O CURSO PASADO.

 

FOI UNHA EXPERIENCIA MOI ENRIQUECEDORA PARA O COLEXIO, CONTAMOS ADEMÁIS CUN REPRESENTANTE DO ALUMNADO QUE AGASALLOU AOS ASISTENTES COAS SÚAS APORTACIÓNS E CUN DEBUXO DO BOSQUE!

SEGUIREMOS DANDO CONTINUIDADE A ESTE PROXECTO E TRABALLANDO POR PROMOVER A COLABORACIÓN ENTRE O COLEXIO E A CONTORNA.

💚🌳🌲

PRIMEIROS AUXILIOS

FAMILIAS E PROFESORADO ASISTIMOS ESTE MARTES 7 DE MAIO A UNHA FORMACIÓN EN PRIMEIROS AUXILIOS DA MAN DA ASOCIACIÓN GALEGA DE TÉCNICOS EN EMERXENCIAS SANITARIAS (ASGATE). A CHARLA FOI SIGNADA POR IRIA, A INTÉRPRETE EN LINGUA DE SINGOS DO NOSO COLEXIO.

 

COMEZARON EXPLICÁNDONOS CONCEPTOS BÁSICOS DOS PRIMEIROS AUXILIOS  PARA LOGO PASAR Á PRÁCTICA. 

REALIZAMOS A RCP E MESMO NOS ENSINARON O FUNCIONAMENTO DUN DESFIBRILADOR SEMIAUTOMÁTICO (DESA). TAMÉN PRACTICAMOS A POSICIÓN DE SEGURIDADE E A MANIOBRA DE HEIMLICH.

 

FOI UNHA FORMACIÓN MOI IMPORTANTE E NECESARIA PARA A VIDA. ESTAMOS MOI AGRADECIDOS POLA EXPLICACIÓN RECIBIDA POLOS MEMBROS DE ASGATE, ASÍ COMO POLA COLABORACIÓN DAS FAMILIAS E PROFESORADO ASISTENTE!

SEGUIREMOS PROMOVENDO ESTES MOMENTOS DE ENCONTRO ENTRE COLEXIO E FAMILIAS, PARA APRENDER XUNTOS E COLABORAR POLO BEN DA COMUNIDADE EDUCATIVA.

 

 

 

PUNTO LARANXA

XA ESTÁ COLOCADO O PUNTO LARANXA CONTRA O ACOSO ESCOLAR NA ENTRADA DO COLEXIO. 

TRÁTASE DUN BUZÓN NO QUE O ALUMNADO, DE FORMA ANÓNIMA, PODERÁ TRASLADAR SITUACIÓNS DE ACOSO.

 TAMÉN HAI UN PUNTO LARANXA VIRTUAL NA WEB DO NOSO CENTRO.

 

SEMANA DO LIBRO 2024: APADRIÑAMENTO LECTOR

PARA A SEMANA DO LIBRO ESTAMOS ARGALLANDO UNHA ACTIVIDADE CHEA DE LIBROS E CONVIVENCIA: UN APADRIÑAMENTO LECTOR!

 

O ALUMNADO DE 3º, 4º, 5º E 6º ELIXIRÁ AO SEU GUSTO UN LIBRO QUE LERÁ AO ALUMNADO MÁIS PEQUENO.

AGORA SÓ FALTA QUE TEÑAMOS UN TEMPO SOLLEIRO 🌞 CO QUE PODER DESFRUTAR DAS LECTURAS COMPARTIDAS AO AIRE LIBRE.

💕📗🌞

FORMACIÓN CON AUTISMO-BATA

ESTA SEMANA O PROFESORADO DO CEIP VILAVERDE ASISTIMOS A UNHA FORMACIÓN IMPARTIDA POLA ASOCIACIÓN AUTISMO-BATA.

AGRADECEMOS TODAS AS ENSINANZAS E ESTRATEXIAS EXPLICADAS, UN PRACER CONTAR COA VOSA COLABORACIÓN!

💙

OBRADOIROS CON ANEDIA

AS CLASES DE 5 ANOS DO COLEXIO PARTICIPARON NUNS OBRADOIROS DIDÁCTICOS COA ASOCIACIÓN ANEDIA.

DESFRUTARON COA CONTACONTOS RAQUEL QUEIZÁS E A HISTORIA DE NANO, UNHA RÁ CON DIABETES.

ADEMÁIS, PARTICIPARON NUN OBRADOIRO NO QUE APRENDERON QUE ALIMENTOS E BEBIDAS TIÑAN MÁIS AZUCRE, FALARON E REFLEXIONARON SOBRE A  IMPORTANCIA DUNHA BOA ALIMENTACIÓN.

GRACIAS A ANEDIA POR FACER POSIBLES ESTAS SESIÓNS CHEAS DE APRENDIZAXE!

 

CHARLA EDUCATIVA

COMEZAMOS O TERCEIRO TRIMESTRE CUNHA NOVA CHARLA DESTINADA A TODA A COMUNIDADE EDUCATIVA.

DURANTE ESTE CURSO, O CEIP VILAVERDE  XUNTO A ANPA OS VALADOS E O CFR DE PONTEVEDRA ORGANIZAMOS UNHA SERIE DE CHARLAS FORMATIVAS, INTENTANDO TENDER PONTES ENTRE TODOS OS MEMBROS DA COMUNIDADE EDUCATIVA E DAR RESPOSTA AOS INTERESES XURDIDOS.

AQUÍ VOS DEIXAMOS O CARTEL COA INFORMACIÓN DA PRÓXIMA SESIÓN:

XOGOS DE MESA NA BIBLIOTECA

Comezamos a semana con xogos de mesa na biblioteca e neste caso tocou aprender a xogar ao "xedrez" e á "oca". Pouco a pouco iremos engadindo novos desafíos aos pequechos. Que tocará o próximo día?

PROGRAMA XOGADE

O CEIP VILAVERDE ESTÁ A PARTICIPAR NO PROGRAMA XOGADE. O MESTRE VÍCTOR DE EDUCACIÓN FÍSICA ANIMOUNOS A PARTICIPAR DENDE PRINCIPIO DE CURSO E A VERDADE É QUE NON NOS ARREPENTIMOS.  

AS CLASES DO CENTRO XA LEVAN PRACTICADO MOITOS DEPORTES E XOGOS: ATLETISMO, CROSS, MULTIXOGO, NATACIÓN.... E UNHA CHEA DE MODALIDADES MÁIS!

UN DOS ASPECTOS MÁIS POSITIVOS DE PARTICIPAR NESTE PROGRAMA É COMPARTIR XOGOS E ESPAZO CON OUTROS COLEXIOS. COÑECEMOS NOVOS DEPORTES, APRENDEMOS A CONVIVIR E A FACER NOVAS AMIZADES.

 

 

 

👟🎾⚽🏓🏑🏏

 

 

8M

NO CEIP VILAVERDE CONMEMORAMOS DÚAS DATAS ESPECIAIS, O 8M E O DÍA DA NENA E MULLER NA CIENCIA, CUNHA ACTIVIDADE VERTICAL CHEA DE EXPERIMENTOS!

AQUÍ VOS DEIXAMOS O RESULTADO COAS APORTACIÓNS DE TODAS AS CLASES:

XA TEMOS LISTO O BOSQUE POÉTICO DE ROSALÍA 🌹

ASÍ QUEDOU O BOSQUE POÉTICO COS VERSOS DO POEMA ELIXIDO DE ROSALÍA DE CASTRO. 

AS CLASES TRABALLARON O POEMA, LOGO ESCRIBIRON OS VERSOS E DECORARON ÁS PÓLAS DAS ÁRBORES. CADA CLASE DEULLE O SEU TOQUE ESPECIAL, MIRADE CANTAS FLORES E DESEÑOS DISTINTOS.

DEIXAMOS AQUÍ O POEMA MUSICALIZADO, DESFRUTÁDEO!

 🌹🌸🌷🌻🌺🌼

TROCA DE LIBROS 2024

ESTE ANO O CEIP VILAVERDE VOLVEU PARTICIPAR NA TROCA DE LIBROS. 

AGRADECER A TODA A COMUNIDADE EDUCATIVA POR FACER POSIBLE ESTA ACTIVIDADE. GRAZAS AO ALUMNADO E ÁS FAMILIAS POR COLABORAR COS LIBROS, AO PROFESORADO POLA CATALOGACIÓN E COLOCACIÓN, Á ANPA POR AXUDAR NESTE DÍA TAN ESPECIAL E A TODAS AS PERSOAS QUE VOS ACHEGASTES EN BUSCA DE NOVAS AVENTURAS QUE LER!

CON GANAS DE MÁIS PARA A PRÓXIMA EDICIÓN! 

 

 📘💫