SALÓN DO LIBRO 2024

PARA O SALÓN DO LIBRO, NO CEIP VILAVERDE REALIZAMOS UNHA ACTIVIDADE VERTICAL NA QUE COLABORARON TODAS AS CLASES DESEÑANDO UN COMPLEMENTO MÁXICO PARA VILATRASNO (NOME ELIXIDO PARA O TRASNIÑO DO COLEXIO). CON TODOS OS COMPLEMENTOS CREAMOS A HISTORIA DESTE SER FANTÁSTICO.

NO RECREO, ORGANIZÁRONSE OBRADOIROS CO ALUMNADO PARA CREAR A PORTADA E CONTRAPORTADA DO LIBRO.

ADEMÁIS, DEMOS VIDA A ESTA CRIATURA, CADA CLASE CREOU UNHA PARTE DO SEU CORPO, MIRADE QUE BEN FEITIÑO QUEDOU.

PACO NON PERDEU DETALLE E DESPEDIUSE DO TRASNO COMO SE MERECE,  LÉNDOLLE UN LIBRO EN GALEGO! AQUÍ O TEDES.

GRAZAS A TODO O ALUMNADO E PROFESORADO DO CEIP VILAVERDE POR DAR VIDA A HISTORIA DE VILATRASNO 💫

LIGAZÓN AO SALÓN DO LIBRO 2024

SAÍDA A TENORIO E XORNADA DE CONVIVENCIA CO CEIP DE TENORIO

O ALUMNADO DE 2º REMATOU O SEU PROXECTO DAS AVES E PARA CELEBRALO, REALIZARON UNHA VISITA A UN GALIÑEIRO EN TENORIO.

LITA, A ANFITRIONA, ENSINOULLES TAMÉN A SÚA HORTA, O MILLO E UNHA MÁQUINA PARA DEBULLALO. 

 OS VECIÑOS DE TENORIO TAMÉN INVITARON AO NOSO ALUMNADO A VISITAR UN FERREIRO.  APRENDERON SOBRE NOVAS FERRAMENTAS PARA TRABALLAR COS METAIS.

POR ÚLTIMO, REALIZARON UNHA XORNADA DE CONVIVENCIA CO CEIP DE TENORIO. ALÍ AGASALLÁRONOS CUNHA MERENDA E CUNHA SESIÓN DE XOGOS EN COMPAÑÍA DO ALUMNADO DE 1º E DE 2º DE TENORIO.

POR ÚLTIMO INTERCAMBIARON AGASALLOS DE AGRADECEMENTO.

PASARON UN DÍA FANTÁSTICO, FIXERON NOVAS AMIZADES E DESFRUTARON MOITO💕GRACIAS A LITA E TODO O EQUIPO DO CEIP DE TENORIO POR FACER POSIBLE ESTA EXPERIENCIA 💕

MÁIS INFORMACIÓN NO BLOG DE 2º

DÍA DE ROSALÍA

XA ESTÁ AQUÍ O DÍA DE ROSALÍA 🌹  PARA CELEBRALO, REALIZAREMOS UNHA ACTIVIDADE VERTICAL NA QUE TODAS AS CLASES DO COLE DECORARÁN O EXTERIOR DO COLEXIO CON VERSOS DUN FERMOSO POEMA DE ROSALÍA.

OS NOSOS VERSOS IRÁN ESCRITOS E DECORADOS NUNHAS PÓLAS DE PAPEL CHEAS DE FOLLAS E FLORES. FORMAREMOS UN BOSQUE POÉTICO QUE ENCHERÁ DE COR E POESÍA O NOSO COLEXIO.

 

 

AO LONGO DESTES DÍAS REALIZAREMOS NAS CLASES DIFERENTES ACTIVIDADES CO POEMA SELECCIONADO. TAMÉN TRABALLAREMOS A BIOGRAFÍA DE ROSALÍA E ANÉCDOTAS SOBRE ELA. CANTO IMOS APRENDER!

ADEMAIS, O ALUMNADO MAIOR DO COLE ANIMOUSE A AXUDARNOS A CREAR UN MURAL PARA ESTE DÍA.

 GRAZAS POLA VOSA AXUDA 💗💗

 EN BREVES, VEREMOS O RESULTADO FINAL.

 

CONCURSO LSE "CANTAMOS CON LAS MANOS"

TODO O COLEXIO IMOS PARTICIPAR NO CONCURSO EN LINGUA DE SIGNOS "CANTAMOS CON LAS MANOS"

 AS CLASES ESTAMOS PRACTICANDO MOITO ESTAS SEMANAS PARA COMEZAR A GRAVAR, QUE NERVIOS!

IREMOS INFORMANDO DAS NOVAS RELACIONADAS CO CONCURSO. 

AQUÍ DEIXAMOS O VÍDEO COA CANCIÓN E OS SIGNOS . ANIMÁDEVOS A PRACTICALA NA CASA!

ENTROIDO 2024

POR FIN , CELEBRAMOS A TRADICIONAL FESTA DE ENTROIDO NO VILAVERDE. NESTE ANO AS FAMILIAS, COLABORARON NA CREACIÓN DOS DISFRACES DOS NENOS E NENAS DOS DIFERENTES CURSOS. O ALUMNADO DE COMBO, XUNTO A PROFE LOLA, PREPÁRASE PARA O ACOMPAÑAMENTO MUSICAL.

ESE DÍA NAS AULAS, FALTA O TEMPO PARA PREPARAR OS NENOS E NENAS COS DIFERENTES COMPLEMENTOS DOS DISFRACES. TODOS NERVIOSOS E NERVIOSAS ESPERABAN A QUE VILAVERDIÑO, DISFRAZADO DE MAGO, CHEGARA Ó PATIO.

AS FAMILIAS DE 6º XA ESTÁN PREPARAR AS ORELLAS, FILLOAS, DOCES... QUE SERVIRÁN PARA ENDULZAR O DESFILE.

XA É HORA DA BAIXADA DE VILAVERDIÑO CARA Ó SEU DESTINO FINAL. O ALUMNADO DE 4º, 5º E 6º, XA TEN PREPARADAS AS SÚAS DERRADEIRAS PALABRAS: TESTAMENTO LADAIÑAS... XA ESTÁ TODO LISTO. PODEMOS COMEZAR O DESFILE.

AO FINAL, VILAVERDIÑO SEGUE O SEU DESTINO. PERO, NON VÓS PREOCUPEDES. O ANO QUE VEN VOLVERÁ A ESTAR LISTO PARA O SEGUINTE ENTROIDO NO VILAVERDE.

 

MOITAS GRACIAS A TODA A COMUNIDADE EDUCATIVA POR TRABALLAR XUNTOS, FACENDO POSIBLE UN DÍA DE XUNTANZA E ILUSIÓN POR MILLEIROS.