XA REMATAMOS A HISTORIA DE VILAVERDIÑO MENTIREIRO

NAS AULAS ELABORAMOS O CONTO DE VILAVERDIÑO MENTIREIRO, TEN VARIOS CAPÍTULOS CADA CLASE OU NIVEL ELABOROU UN CAPÍTULO... E É QUE VILAVERDIÑO REALMENTE DIXO TANTAS MENTIRAS QUE AS SÚAS TRASNADAS DERON PARA MOITO.
IMOS PRESENTAR O LIBRO AO "SALÓN DO LIBRO DE PONTEVEDRA" (ONDE PODEREDES VELO SE QUEREDES), PERO DESPOIS XA O EXPOREMOS NO COLEXIO.

IMOS TRABALLAR NO CENTRO SOBRE A PAZ

MASCOTILANDIA, 11 DE XANEIRO DE 2011

OLA NENAS, OLA NENOS! OLA PROFE!: FELIZ ANO 2011!

DENTRO DUNS DÍAS SERÁ O DÍA DA PAZ. DEBERÍAN SER TODOS OS DÍAS DÍAS DE PAZ, ASÍ QUE NO COLE IMOS POÑER O NOSO GRAN DE AREA, NON VOS PARECE?

A FILLA DE CONSTITUCIÓN, MANDOUNOS UNHA CARTA A MASCOTILANDIA PEDÍNDONOS QUE LLE AXUDEMOS A FACER UNHA CONSTITUCIÓN PARA A PAZ NO COLE. ASÍ QUE

1. IMOS REPASAR QUE É ISO DA CONSTITUCIÓN…

IMOS VER ALGUNHA COUSIÑA QUE FALE DE PAZ NO BLOG http://xianadecide.blogspot.com/ (VÍDEOS, POESÍAS,…)

2. EN GRUPOS FALAMOS DO NECESARIO PARA TER PAZ NO COLE E ANOTÁMOLO (FOLIO XIRATORIO)

3. POÑEMOS EN COMÚN TODAS AS IDEAS

4. CADA GRUPO PROPOÑEMOS UN ARTIGO PARA A CONSTITUCIÓN DA PAZ (LAPIS AO CENTRO)

5. NOMEAMOS A ALGUÉN DA CLASE QUE FORME PARTE DA COMISIÓN DO COLE PARA ELABORAR A CONSTITUCIÓN. ESA PERSOA LEVARÁ Á COMISIÓN OS ARTIGOS QUE PROPOMOS

6. CANDO TEÑAMOS TODOS OS ARTIGOS QUE A COMISIÓN SELECCIONOU, FALAREMOS DELES NA CLASE

7. DEBUXAREMOS ARTIGOS PARA O CARTEL DO PATIO (1-2-4)

8. PREPARAREMOS A VOTACIÓN: CENSO, CARNÉS, MESA DE VOTACIÓN….

9. O DÍA DA PAZ VOTAREMOS A NOSA CONSTITUCIÓN E SAÍREMOS AO PATIO CELEBRALO CUNHA CANTIGA E PEGAR O NOSO DEBUXO NO CARTEL.

BICOS, BICOS E MÁIS BICOS

AS MASCOTAS

 A canción que imos bailar na celebración é:

O XOGO DA CARRASQUIÑA

O XOGO DA CARRASQUIÑA

É UN XOGO ASÍ AO LADO.

BAIXAR OS OLLOS EN TERRA

TODO O MUNDO FICA ADMIRADO.

OH! MATILDA SACODE A SAIA,

OH! MATILDA LEVANTA O DEDO.

DÁME UN BEIXO, MARIQUIÑA,

QUE EU CHE DAREI UN ABRAZO.

AI, QUE VIDA É A NOSA

DAR BEIXOS, DAR ABRAZOS 

O REMATE FINAL: O LIBRO DE VILAVERDIÑO MENTIREIRO

COMO VOS DICIAMOS NA ENTRADA ANTERIOR, ESTAMOS A PIQUES DE REMATAR TODO O TRABALLO SOBRE AS MENTIRAS... HOUBERON LECTURAS VARIADAS, CANTIGAS, NOTICIAS,... PERO TAMÉN:
PROXECTOS: COMO O DE PINOCHO EN INFANTIL DE CINCO, O DE DINOSAUROS EN INFANTIL DE CATRO, O DA PREHISTORIA EN 5º,...
FIXÉRONSE MOITAS ACTIVIDADES DE LECTOESCRITURA... E POR FIN ESCRIBIMOS UN CONTO COAS MENTIRAS QUE RECOLLEMOS EN CADA CLASE... OS CONTOS FORMAN PARTE DUN LIBRO TROQUELADO QUE TEN POR PROTAGONISTA Á MASCOTA PRINCIPAL DO COLEXIO (VILAVERDIÑO). PODEDES VER IMAXES NOS BLOG DE CADA NIVEL, PERO TAMÉN AS TEREDES NESTE BLOG.
MAIS TOCAR O LIBRO, FOLLEALO,... E VELO CON DETALLE TEREDES QUE IR ATA O SALÓN DO LIBRO DE PONTEVEDRA.

REMATANDO O TRABALLO SOBRE AS MENTIRAS

IMOS REMATANDO O TRABALLO DAS MENTIRAS. AO LONGO DESTE TEMPO VIMOS MENTIRAS DE TODO TIPO: ASTRONÓMICAS, XEOGRÁFICAS, BOTÁNICAS, XORNALÍSTICAS,... HOUBO MENTIRAS DE CONTO (ROSA NO SEAS MENTIROSA, PINOCHO, O PASTOR E O LOBO, A TARTARUGA MENTIREIRA,...), MENTIRAS POÉTICAS, MENTIRAS NAS NOTICIAS, MENTIRAS DIVERTIDAS, MENTIRAS COMO EXCUSA,... E MESMO CANCIÓNS CON MENTIRAS. FALANDO DE CANCIÓNS... AQUÍ TENDES UNHA PARA POÑER FINAL A ESTE CENTRO DE INTERESE QUE NOS ACOMPAÑOU DURANTE TODO O PRIMEIRO TRIMESTRE.

ESQUECÍA DICIR QUE TAMÉN TEMOS UNHA EXPOSICIÓN DE LIBROS DE LITERATURA INFANTIL E XUVENIL NO CORREDOR DO COLEXIO, A EXPOSICIÓN FOI COLOCADA POLA COMISIÓN DA BIBLIOTECA. HAI LIBROS DE TODO TIPO E TAMÉN HAI UNHAS FIGURAS DE PLASTILINA QUE REPRESENTAN OS PERSONAXES DOS CONTOS: PINOCHO E GEPPETO, CINCENTA, ALÍ BABÁ,...

PREMIO NO IV CONCURSO DE INTERCULTURALIDADE

O ALUMNADO DE E. INFANTIL DO COLEXIO PARTICIPOU COS SEUS DEBUXOS NO IV CONCURSO DE INTERCULTURALIDADE CON MOTIVO DO DÍA INTERNACIONAL DA EMIGRACIÓN.
OS TRABALLOS FORON FANTÁSTICOS, ESTIVERON DIRIXIDOS POLAS PROFES, SOBRE TODO POR MARI E MANOLI.
AQUÍ TENDES FOTOS DO DÍA DA RECEPCIÓN DE PREMIOS.
VANIA ESTÁ A RECOLLER O PREMIO NO CONCELLO XUNTO CON OUTRAS NENAS E OUTROS NENOS DOUTROS CENTROS DE PONTEVEDRA.

IMOS DE VACACIÓNS

CUNHA CHOCOLATADA ENERXÉTICA (QUE BOA FALTA NOS FAI)... MARCHAMOS DE VACACIÓNS.

VOLVEMOS NO 2011. FELIZ NOVO ANO!

XOGOS PARA VACACIÓNS

NESTES DÍAS PODEMOS XOGAR, DIVERTIRNOS E APRENDER NESTAS PÁXINAS QUE AS VOSAS MASCOTAS ELIXIRON PARA VÓS:

 

 

 

O ALUMNADO DA CLASE DE RELIXIÓN FAI O BELÉN

O ALUMNADO DE 4º,5º E 6º PEREGRINOU ICONOGRAFICAMENTE A BELÉN CONVERTIDO EN BONECOS DE PLASTILINA. ALÍ PODEDES VELOS NA COMPAÑA DO SEU PROFESORADO.
É FERMOSÍSIMO, SE NON O VISTES INDA, PODEDES VIR BOTARLLE UNHA OLLADA. VAIVOS SORPRENDER MOITO. AQUÍ TENDES UN ADIANTO...

A nosa reporteira especial Ana, fixo este show de fotos, mirade aquí debaixo:

SEGUIMOS COA APRENDIZAXE COOPERATIVA

NOS DIFERENTES GRUPOS ESTASE A PROSEGUIR COA APRENDIZAXE COOPERATIVA... USAN ÁREAS E TEMÁTICAS VARIADAS, TAREFAS DIFERENTES. AS MASCOTAS QUEREMOS PARTICIPAR, ASÍ QUE EN MASCOTILANDIA TAMÉN IMITAMOS O QUE SE FAI NAS AULAS:

• FACEMOS LECTURA COMPARTIDA
• USAMOS ESTRUTURAS VARIADAS:
• 1-2-4;
• FOLIO XIRATORIO,
• PARADA DE TRES MINUTOS,
• LAPIS AO CENTRO,

• ...

O TRIMESTRE REMATA!

ESTAMOS A PIQUES DE REMATAR O TIMESTRE.

• ACABAN OU ESTÁN CASE REMATANDO OS PROXECTOS NOS DIFERENTES NIVEIS... MIRADE NOS BLOG E VEREDES!

• LEMOS AS ÚLTIMAS LECTURAS DO CARTAFOL MENTIREIRO, RETIRAMOS AS MENTIRAS DOS BUZÓNS, INVENTAMOS HISTORIAS MENTIREIRAS...
• REFLEXIONAMOS SOBRE A PLANIFICACIÓN, COAS ESTRATEXIAS DE RESOLUCIÓN DE PROBLEMAS,...
• PECHAMOS MOITAS ACTIVIDADES INTERESANTES. SON TANTAS QUE MELLOR... CONTÁMOSVOLAS AS MASCOTAS DE CADA CLASE NOS BLOG! ALÍ TAMÉN TEMOS FOTOS

• SALTAMOS DE LEDICIA PORQUE ESTAMOS A PIQUES DE DESCANSAR UN CHISQUIÑO... NON SEN ANTES (CLARO) DE TOMAR A CHOCOLATADA!!!