CHOCOLATADA, VISITA DO APALPADOR E BADALADAS

REMATAMOS O TRIMESTRE COA TRADICIONAL CHOCOLATADA, A VISITA DO APALPADOR E AS BADALADAS.

CANTAMOS PANXOLIÑAS E DESPOIS DEGUSTAMOS UN RIQUÍSIMO CHOCOLATE CON ROSCA. ESTABA BOÍSIMOOOO!!! 

AGRADECEMOS O TRABALLO REALIZADO  POLO  ALUMNADO DE 6º DE EP E AOS MEMBROS DA ANPA QUE SE ENCARGARON DA ELABORACIÓN E REPARTO DO CHOCOLATE E DA ROSCA PARA TODO O ALUMNADO DO CENTRO.

RECIBIMOS A VISITA DO APALPADOR QUE BAIXOU DAS MONTAÑAS DO COUREL PARA VISITAR TODAS AS AULAS DO NOSO COLE E  ADEMAIS TROUXONOS AGASALLOS; CHEGOU ACOMPAÑADO DO COMBO MUSICAL CANTANDO E TOCANDO UNHA FERMOSA PANXOLIÑA .

REMATAMOS A XORNADA TODAS E TODOS XUNTOS NO PATIO DESPEDINDO O ANO COAS 12 BADALADAS, PRESENTADAS POR ALUMNADO DE 6º DE EP E DOUS EXALUMNOS DO CENTRO.

DESEXÁMOSVOS UNHAS FELICES FESTAS A TODAS E A TODOS!!

FELICES FESTAS E BO ANO 2025 ✨

ESTE CURSO, O ALUMNADO TIVO UN INTERESANTE RETO PARA CREAR AS POSTAIS  DE NADAL: DAR FORMA Á MESTURA DE CORES DAS SÚAS TEAS. DEIXARON LIBRE A IMAXINACIÓN E LOGRARON UNHAS CREACIÓNS MOI ORIXINAIS.

TAMÉN ENGADIRON MENSAXES CHEOS DE ILUSIÓN E CARIÑO PARA AS FAMILIAS.

AQUÍ DEIXAMOS A FELICITACIÓN DE NADAL  DIRIXIDA Á TODA A COMUNIDADE EDUCATIVA, ESPERAMOS QUE A DISFRUTEDES!

 

 🎄🎁💖

DESEXÁMOSVOS UN FELIZ 2025

CARTA DO APALPADOR!

ESTES DÍAS TÓDALAS AULAS RECIBIRON UNHA CARTA DO APALPADOR  CONTÁNDONOS QUE VAI BAIXAR DAS MONTAÑAS DO COUREL PARA VISITARNOS O ÚLTIMO DÍA DO COLE ANTES DAS FESTAS DO NADAL. TAMÉN NOS  DEIXOU UNHA BÓLA PARA ESCRIBIR UNHA PALABRA EN GALEGO E CON TODAS ELAS DECORAR UNHA ÁRBORE.

DECORAMOS A ENTRADA DO COLE PARA A SÚA RECEPCIÓN, LEMOS OS SEUS CONTOS E CANTAMOS ALGUNHAS CANTIGAS DESTE SINGULAR PERSONAXE DO NADAL.

PANXOLIÑAS EN LSE

ESTE CURSO CANTAMOS ALGUNHAS PANXOLIÑAS EN LSE. ALGUNHAS DELAS ADAPTADAS POLA NOSA INTÉRPRETE IRIA. AQUÍ VOLAS PRESENTAMOS PARA QUE AS POIDADES CANTAR NA CASA TAMÉN!

A CANTAR E A SIGNAR!!!

VISITA DE NURIA ARGIBAY

HOXE ESTIVO NO CENTRO A PINTORA GALEGA NURIA ARGIBAY PARA REALIZAR A
TÉCNICA DE PINTURA SOBRE TEA CO ALUMNADO.

 DECORAMOS A ENTRADA DO CENTRO COAS SÚAS OBRAS PARA DARLLE UNHA CALOROSA BENVIDA.

O PROCESO DE REALIZACIÓN FOI MOI SINXELO, EMPREGAMOS TRES CORES PRIMARIAS: VERMELLO, AMARELO E AZUL. BOTAMOS PINTURA NO TEA, FIXEMOS UNHA BÓLA COA TEA, PUXEMOS UNHA GOMA PARA SUXEITAR, DEIXAMOS SECAR, DESCUBRIMOS E INTERPRETAMOS AS MANCHAS PARA FINALMENTE REALIZAR OS DEBUXOS.

FOI UNHA  AGRADABLE EXPERIENCIA!! 

GRAZAS POLA TÚA VISITA NURIA!

DÍA DAS PERSOAS CON DIVERSIDADE FUNCIONAL

O 3 de decembro celébrase o Día Internacional das Persoas con Diversidade Funcional e baixo o lema @BaixoOMesmoParaugas        

  reflexionamos sobre o fomento da solidariedade,o respecto ás diferenzas para facer entre todas e todos unha sociedade inclusiva e  igualitaria.

 

COMEZAMOS A PREPARAR O NADAL!

ACHÉGASE O NADAL E IMOS COMEZAR A  ELABORAR A TRADICIONAL TARXETA DE FELICITACIÓN DAS FESTAS. 

ESTE ANO IMOS IMITAR Á TÉCNICA PICTÓRICA  DA PINTORA GALEGA  NURIA ARGIBAY, CONCRETAMENTE PINTURA ABSTRACTA SOBRE TEA.

NURIA ARBIBAY  NACEU EN PONTEVEDRA O 21 DE FEBREIRO DE 1994.  DE PEQUENA ESTUDOU NO NOSO COLEXIO. GRADUOUSE NA ESCOLA DE IMAXE E SON DE VIGO,  FIXO FOTOGRAFÍA E ARTE EN MADRID E UN MÁSTER EN VALENCIA. 

REALIZOU EXPOSICIÓNS DAS SÚAS OBRAS EN MADRID, MIAMI E ÁMSTERDAM. NO 2025 LEVARÁ A SÚA EXPOSICIÓN A PARÍS E A BERLÍN.

NAS SÚAS CREACIÓNS DESTACAN A DIVERSIDADE DE TEXTURAS E CORES EMPREGADAS.

ESTÁ PREVISTO QUE VISITE O CENTRO PARA ACOMPAÑAR AO  ALUMNADO  NO MOMENTO DA CREACIÓN DAS SÚAS OBRAS ABSTRACTAS, EMPREGANDO COMO SOPORTE UNHA TEA E PINTURA DAS TRES CORES PRIMARIAS: VERMELLO, AZUL E AMARELO.

XA VOS CONTAREMOS COMO FOI A VISITA E O MOMENTO CREATIVO!!

NOVIDADES NO HORTO

A SEMANA PASADA LAURA, DE FEITO, FÍXONOS UNHA VISITA AO COLEXIO. TROUXO UNHA CHEA DE AGASALLOS PARA O NOSO HORTO: NOVAS PLANTAS, FERRAMENTAS COMO MINI SACHOS, PAS, ANGAZOS, REGADEIRAS... E ATA UNHA CASIÑA PARA INSECTOS!

 PREPAROU UNHA EXPOSICIÓN PARA AS NENAS E  OS NENOS QUE PARTICIPAN NO OBRADOIRO DE HORTO NO TEMPO DE RECREO. PRESENTOULLES CON DETALLE CADA ELEMENTO RECIBIDO PARA QUE COÑEZAN A SÚA UTILIDADE E AS SÚAS CARACTERÍSTICAS. 

 

QUEDOU DE VISITARNOS MÁIS ADIANTE PARA COMPROBAR O BEN QUE COIDAMOS O HORTO, AS PLANTAS E  OS BICHIÑOS QUE VIVEN NEL.

MOITAS GRAZAS A "FEITO" POLA SÚA IMPLICACIÓN E COLABORACIÓN CO NOSO CENTRO!

25N E O CINEMA

ESTE CURSO O 25N, DÍA INTERNACIONAL DA ELIMINACIÓN DA VIOLENCIA CONTRA A MULLER, CONMEMORÁMOLO ANALIZANDO FRAGMENTOS DE DIFERENTES PELÍCULAS.

CADA CURSO VISUALIZOU PARTES DUNHA PELÍCULA E REFLEXIONOU SOBRE ELA. PENSARON NAQUELES VALORES POSITIVOS QUE TRANSMITE E TAMÉN NAQUELES QUE DEBEN MELLORAR.

DESPOIS DO DEBATE, AS CLASES PREPARARON UN CARRETE DE CINE. NEL INCLUÍRON DEBUXOS E FRASES SOBRE A PELÍCULA COS QUE PROMOVER A IGUALDADE ENTRE HOMES E MULLERES, COS QUE ELIMINAR ESTEREOTIPOS E CALQUERA TIPO DE VIOLENCIA.

 

COMO VEDES, CADA NIVEL DEULLE UN TOQUE PERSOAL Á DECORACIÓN E ÁS FRASES DO SEU CARRETE: 

 

AS CLASES VISITARON A BIBLIOTECA DO CENTRO, ONDE PUIDERON VER OS FRAGMENOS EXPOSTOS.  PARA AGRADECER O TRABALLO FEITO, O ALUMNADO RECIBIU COMO AGASALLO UN LAZO VIOLETA, COMO SÍMBOLO DESTE DÍA.

 

 

 

 💜

25 N - DÍA INTERNACIONAL DA ELIMINACIÓN DA VIOLENCIA CONTRA A MULLER

 E NO CEIP VILAVERDE - MOURENTE TODA A COMUNIDADE EDUCATIVA FAI ACTIVIDADES DE CONCIENCIACIÓN E PARA AXUDAR A ERRADICAR ESTA LACRA SOCIAL.

DENDE A ANPA OS VALADOS CONTRIBUIRON COA DECORACIÓN DA PORTA DE ENTRADA DO COLE  PARA LEMBRAR A QUEN ENTRE QUE É UNHA TAREFA DE TODAS E TODOS.A QUE QUEDOU CHULÍSIMA? MOITAS GRAZAS ANPA!!

DÍA INTERNACIONAL DA PALABRA

O DÍA 23 DE NOVEMBRO CELÉBRASE O DÍA DA PALABRA. NESTE DÍA LEMBRAMOS A IMPORTANCIA DO BO USO DAS PALABRAS COMO A ÚNICA VÍA PARA  O AVANCE PACÍFICO DA SOCIEDADE. 

O ALUMNADO DE INFANTIL COMPARTE CON TODA A COMUNIDADE EDUCATIVA ALGUNHAS REFLEXIÓNS QUE FIXERON  SOBRE ESTE DÍA.

AS "PALABRAS BONITAS" FANNOS SENTIR BEN, DÁNNOS PULOS, AXÚDANNOS A AVANZAR...; AS "PALABRAS FEAS" FANNOS SENTIR TRISTES, SEN FORZAS, ENOXADOS, SEN FOLGOS... POR ISO, É MOI IMPORTANTE QUE PENSEMOS AS COUSAS ANTES DE DICILAS PARA NON FERIR O CORAZÓN DE NINGÚEN.

O CURSO PASADO COMEZAMOS A EMPREGAR ALGUNHAS "PALABRAS BONITAS": POR FAVOR, GRAZAS, PERDÓN, BOS DÍAS...

ESTE CURSO IMOS AMPLIAR A LISTAXE: DE NADA, PODO,  AXÚDOCHE, BOAS TARDES, BOAS NOITES, BENVIDOS, FELIZ DÍA, NON TE PREOCUPES...

A TRAVÉS DESTA CURTA REFLEXIONAMOS SOBRE O PODER QUE TEÑEN AS PALABRAS. BOTÁDELLE UN OLLO! É MOI INTERESANTE.

ESTES DOUS CONTOS TAMÉN NOS AXUDARON A DARNOS CONTA DE QUE PODEMOS EMPREGAR MÁIS "PALABRAS BONITAS", QUE AS PALABRAS IMPORTAN, IMPORTAN MOITÍSIMO E, SE É POSIBLE NUNCA EMPREGAREMOS "AS PALABRAS QUE LASTIMAN AO CORAZÓN".

POR ÚLTIMO, COMPARTIMOS UNHA CANTIGA QUE NOS LEMBRA ALGUNHAS DESTAS PALABRAS MÁXICAS E CANDO AS PODEMOS EMPREGAR. ANIMÁDEVOS A CANTALA!

DÍA MUNDIAL DO DIABETES

O 14 DE NOVEMBRO CELÉBRASE O DÍA MUNDIAL DO DIABETES. 

CADA CURSO AUMENTA NAS AULAS O ALUMNADO CON DIABETES TIPO 1, UNHA ENFERMIDADE AUTOINMUNE QUE SEGUE A SER UNHA GRAN DESCOÑECIDA. EN GALICIA HAI MÁIS DE 1.150 NENAS E NENOS CON DIABETES.

POR ISO, CADA VEZ É MÁIS IMPORTANTE FALAR DE DIABETES NAS AULAS PARA DISPOR DAS FERRAMENTAS NECESARIAS QUE PERMITAN A INCLUSIÓN REAL DESTE ALUMNADO. 

DEBEMOS DAR A COÑECER E INFORMAR ÁS COMPAÑEIRAS E COMPAÑEIROS, ASÍ COMO ÁS PERSOAS PRÓXIMAS Á SÚA CONTORNA.

SON NENAS E NENOS QUE PODEN FACER DE TODO E QUE LEVAN UN SENSOR OU UNHA BOMBA PARA AXUDARLLES A XESTIONAR MELLOR A SÚA DIABETES.  

AGRADECEMOS Á ASOCIACIÓN ANEDIA A SÚA BOA DISPOSICIÓN CO CENTRO PARA FACILITAR MATERIAIS DE SENSIBILIZACIÓN CARA  ESTA REALIDADE E TAMÉN POLAS ACTIVIDADES FORMATIVAS REALIZADAS NO CENTRO CO PROFESORADO.

ESTES SON ALGÚNS DOS MATERIAIS QUE TRABALLAMOS NAS AULAS:

A TRAVÉS DOS LIBROS DOS BOLECHAS  O ALUMNADO DESCOBRE  A  TECNOLOXÍA

QUE LEVAN ESTES MENORES E TAMÉN SE LLE EXPLICA PARA QUE SE UTILIZA.

O ALUMNADO DE 1º DE ED. PRIMARIA, TRABALLOU CON ESTES MATERIAIS APRENDENDO MOITO SOBRE ESTA DOENZA.

A NOSA INTÉRPRETE VISITA AS AULAS

COMA O CURSO PASADO A NOSA INTÉRPRETE VISITARÁ  AO LONGO DESTA SEMANA TÓDALAS AULAS DO CENTRO PARA:  CONTARLLE AO NOVO ALUMNADO EN QUE CONSISTE A SÚA PROFESIÓN; LEMBRARLLES COMO DIRIXIRSE A UNHA PERSOA XORDA PARA PODER COMUNICARSE CON ELA E CONTINUARÁ INTRODUCINDO A LSE SEGUNDO OS INTERESES DE CADA AULA.

TEMOS MOITAS GANAS DE SEGUIR APRENDENDO A FALAR COAS NOSAS MANS!!!

CELEBRAMOS O MAGOSTO

CHEGOU O GRAN DÍA!!! COMEZAMOS CUNHA  XINCANA DE XOGOS CON CASTAÑAS AO AIRE LIBRE: RELEVOS, COMECASTAÑAS,  PANO, AFORCADO, PINTACARAS, CASTAÑA POR DETRÁS, BAILE DA VASOIRA... 

"XOGOS  CASTAÑEIROS" PARA REALIZAR EN EQUIPO, POÑENDO A PROBA CERTAS HABILIDADES,  A CREATIVIDADE... PERO SOBRE TODO PARA DIVERTIRNOS!!!

DESPOIS CANTAMOS A CANTIGA EN  LINGUA DE SIGNOS ESPAÑOLA  "O OUTONO XA CHEGOU" DE UXÍA A LAMBONA ADAPTADA  POLA  INTÉRPRETE ASIGNADA AO NOSO CENTRO.

REMATAMOS COMENDO AS RICAS CASTAÑAS ASADAS POR ALGUNHAS FAMILIAS COLABORADORAS DO COLE. 

FOI UN MAGOSTO MOI DIVERTIDO!!!!

24 DE OUTUBRO "DÍA DAS BIBLIOTECAS"

DENDE 1997 CELÉBRASE O DÍA DAS BIBLIOTECAS O 24 DE OUTUBRO,  UNHA CONMEMORACIÓN IMPULSADA POLA ASOCIACIÓN DE AMIGOS DEL LIBRO INFANTIL Y JUVENIL Á QUE SE FORON SUMANDO, XA DENDE HAI ALGÚN TEMPO, O PROPIO MINISTERIO DE CULTURA E TODAS AS ADMINISTRACIÓNS AUTONÓMICAS.

O  LEMA DESTE ANO, "POR UN FUTURO SOSTIBLE", PRETENDE DESTACAR O PAPEL FUNDAMENTAL QUE DESEMPEÑAN TODAS AS TIPOLOXÍAS DE BIBLIOTECAS (PÚBLICAS, ESCOLARES, UNIVERSITARIAS, ESPECIALIZADAS E NACIONAIS/REXIONAIS) NA CONSECUCIÓN DOS OBXECTIVOS DE DESENVOLVEMENTO SOSTIBLE DA AXENDA 2030. 

A TRAVÉS DAS SÚAS COLECCIÓNS, SERVIZOS E ACTIVIDADES CON USUARIOS, AS BIBLIOTECAS CONTRIBÚEN A CONSTRUÍR UNHA SOCIEDADE CADA VEZ MELLOR INFORMADA, MÁIS IGUALITARIA, SOLIDARIA E XUSTA, PLENAMENTE CONSCIENTE DA NECESIDADE DE LEVAR UN MODO DE VIDA SOSTIBLE COMO COMPROMISO COAS XERACIÓNS FUTURAS.  

AS BIBLIOTECAS ESCOLARES GALEGAS AMOSÁRONSE, E CONTINÚAN FACÉNDOO, COMO UNHA FERRAMENTA AO SERVIZO DA COMUNIDADE EDUCATIVA OFRECENDO RECURSOS, INFORMACIÓN E APOIO,  LUGARES QUE CONTRIBÚEN Á FORMACIÓN DUNHA CIDADANÍA CRÍTICA, ACTIVA E COMPROMETIDA. O SEU TRABALLO DESENVÓLVESE TENDO EN CONTA OS OBXECTIVOS DA AXENDA 2030 POÑENDO O FOCO EN QUE NINGUÉN DAS NOSAS COMUNIDADES EDUCATIVAS DEBE QUEDAR ATRÁS. 

A BIBLIOTECA ESCOLAR, ESA BIBLIOTECA POLA QUE PASAN TODAS AS NENAS E TODOS OS NENOS, A PRIMEIRA BIBLIOTECA QUE LLES APRENDE, TAMÉN, A USAR OUTRAS, QUE OS PON EN CONTACTO CON ESES OUTROS ESPAZOS DO COÑECEMENTO E DO LECER, ESES LUGARES NOS QUE PASAN MOITAS COUSAS, QUE SON AS BIBLIOTECAS PÚBLICAS, ESES LUGARES QUE ESTÁN SEMPRE AO NOSO CARÓN: AS BIBLIOTECAS.  VEN A NOSA BIBLIOTECA ESCOLAR!! LAMPI DESEXA TER VISITA!!

APAÑAMOS AS CASTAÑAS!

ESTE LUNS O ALUMNADO DE 4º E 6º DE EP FOI APAÑAR CASTAÑAS PARA  A CELEBRACIÓN DO MAGOSTO. DÁMOSLLE AS GRAZAS  "Á CASA RÚSTICA ISABEL" QUE NOS CONVIDOU PARA APAÑAR AS CASTAÑAS NO SEU SOUTO. 

MIRADE CANTAS APAÑARON!!! ANTÍO ESTÁ FELIZ!! VAN ESTAR RIQUÍSIMAS!!