UN CUARTO CENTENARIO

PREPARÁMONOS PARA CELEBRAR O IV CENTENARIO DA MORTE DE CERVANTES...

 E COMO NON PODÍA SER MENOS, A SÚA OBRA MÁIS COÑECIDA PROTAGONIZARÁ ACTIVIDADES NAS AULAS, NA BIBLIOTECA, NO PATIO, NOS CORREDORES,...
PODEDES ACCEDER A RECURSOS NO BLOG DA BIBLIOTECA.

NOVOS PROXECTOS NAS AULAS NO MES DE ABRIL

COMEZAMOS UN NOVO TRIMESTRE E UNHA CHEA DE PROXECTOS ENTRAN NAS AULAS:
- AS XOANIÑAS
- AS ABELLAS
- EXIPTO
- OS RÉPTILES: DRAGÓN E TARTARUGA
- AS AVES: PINGÜÍN E PAVO REAL
- AS PLANTAS
- OS APARATOS DO CORPO HUMANO
- ELECTRICIDADE E MAGNETISMO
-...
AGARDAMOS QUE NOS AXUDEDES COA INVESTIGACIÓN... QUEREMOS SABER UNHA CHEA DE COUSAS!

REMATAN MOITOS PROXECTOS CO TRIMESTRE

CO REMATE DO TRIMESTRE TAMÉN TOCAN AO SEU FIN MOITOS PROXECTOS NAS AULAS:
- TERRA, SOL, LÚA
- HÁBITATS E ANIMAIS DA CHINA
- OS SERES VIVOS DO MAR
- AS FORMIGAS
- ARQUITECTURA NA UNIÓN EUROPEA
- ...

OUTROS VAN INDA CONTINUAR UN CHISQUIÑO DURANTE O TERCEIRO TRIMESTRE.

TAMÉN VAN INICIARSE VARIOS NOVOS... XA VEREDES QUE INTERESANTES SON!

UN PERSONAXE ESPECIAL NO COLEXIO

HOXE RODOLFO FOI O PROTAGONISTA DA SESIÓN.
XA LEVABA VARIOS DÍAS "MEDRANDO" NO COLEXIO, PERO FOI HOXE CANDO APARECEU COMPLETIÑO E... ATA PUXO UN OVO!
O ALUMNADO DE INFANTIL FOI VISITALO E A COMPROBAR COMO NO SEU LOMBO LEVABA UNHA CHEA DE FICHAS...
AS FICHAS QUE ELABORARON NAS CLASES SOBRE OS BICHOS!
VELAQUÍ O ENLACE PARA VER AS FOTOS

RODOLFO E O SEU OVIÑO MARCHAN PARA O SALÓN DO LIBRO, ALÍ IREMOS VISITALOS

E SEGUIMOS A VOLTAS COS BICHOS E A BICHERÍA

NAS DIFERENTES CLASES SEGUIMOS TRABALLANDO SOBRE OS BICHOS (UNS BICHOS MOI ESPECIAIS) E FACENDO FICHAS DESCRITIVAS DAS SÚAS CARACTERÍSTICAS.

ESAS DESCRICIÓNS FACÉMOLAS TAMÉN EN INGLÉS...

XA VEREDES CANTAS FICHAS!

ADEMAIS TRABALLAMOS CON TEXTOS VARIADOS DE CANTIGAS, POEMAS, DE TEATRO, DO XORNAL,...

DÍA 8 DE MARZO

CELEBRAMOS O 8 DE MARZO PARA REINVIDICAR A IGUALDADE.
EN TODO O COLE TEMOS PROGRAMADO UN TRABALLO QUE COMEZARÁ COA LECTURA DE HISTORIAS.
DESPOIS REFLEXIONAREMOS SOBRE AS PROFESIÓNS, TODAS E TODOS PODEMOS SER AQUILO QUE NOS GUSTE...



VELAQUÍ UNHA CLASE DE PEQUES NA BIBLIOTECA, ESCOITANDO E DEBATENDO SOBRE O CONTO "CORRE, MARY, CORRE"

24 DE FEBREIRO: DÍA DE ROSALÍA

MAÑÁ, NO COLEXIO IMOS HOMENAXEAR A ROSALÍA.
CADA CLASE LERÁ E TRABALLARRÁ CUN FRAGMENTO DUN DOS SEUS POEMAS.
ESTE CURSO ESCOLLEMOS FRAGMENTOS RELACIONADOS CON "BICHOS".
O ALUMNADO MAIOR RECITARÁ E CANTARÁ POLAS DIFERENTES AULAS POESÍA ROSALIANA.

MÁIS DATOS NO BLOG DO EDL.

NOVO CENTRO DE INTERESE NO COLE

AS AULAS ESTÁN A TRABALLAR XA CUN NOVO CENTRO DE INTERESE: OS BICHOS.
REALIZAN PROXECTOS SOBRE BICHOS REAIS PERO... TAMÉN DESPOIS TRABALLARÁN CON BICHOS INVENTADOS OU POR DESCUBRIR.

XA VOS IREMOS CONTANDO O QUE SUCEDA NOS BLOG DE NIVEL.

NENAS E NENOS DE PRIMARIA ACABAN DE DESCUBRIR A EXISTENCIA DUN ARÁCNIDO ESPECIAL... SABEDES O SEU NOME?

ENTROIDO 2016 EN VILAVERDE

HOXE CELEBRAMOS O ENTROIDO NO COLEXIO.
DENDE MOI CEDO ESTÁN CHEGANDO AS FILLOAS, ORELLAS, ... QUE TRAE O ALUMNADO DE 6º.

XA O GALO VILAVERDIÑO, O NOSO MECO, AGARDA A QUE CHEGUE O ALUMNADO . ESTÁ IMPACIENTE!
ESTE ANO O GALO VÉN ACOMPAÑADO DOS OVIÑOS ENGALANADOS PARA A OCASIÓN COS TRAXES DAS DIVERSAS CULTURAS.
O GALO "INTERCULTURAL" COLOCOUSE NUN MEDIO DE TRANSPORTE SINGULAR PARA VIAXAR POLO MUNDO.


O ALUMNADO FAILLE UNHA VISITA AO GALO VILAVERDIÑO PARA VER COMO SE DISFRAZOU

E NAS CLASES COMEZAN A DISFRAZARSE CON MOITA CALMA, HAI QUE COLOCAR TODO BEN PARA QUE NON CAIA, NON RACHE, NON SE DESPRACE...



MAMÁS E PROFES PREPARAN E DISTRIBÚEN AS FILLOAS, ORELLAS, BISCOITOS,... PARA A VENDA

POR FIN TODO LISTO PARA COMEZAR A FESTA!

VELAQUÍ AS CLASES DISFRAZADAS:

DESPOIS FAN A BAIXADA AO PATIO PARA O DESFILE

O GALO PRESIDE O DESFILE

E... SAEN INDIAS E INDIOS, CHINESAS E CHINESES, ETÍOPES, ITALIANAS E ITALIANOS, EXIPCIAS E EXIPCIOS, MEXICANAS E MEXICANOS, ESQUIMÓS, SAHARIANAS E SAHARIANOS,.. (TODO UN MUNDO DE XENTE DIFERENTE) E 6º CON DIVERSOS MONUMENTOS DE EUROPA. VIVA A DIVERSIDADE E AS CULTURAS!

FAISE LECTURA DAS COPLA DO XUÍZO AO GALO E, MÁIS TARDE DÁSE LECTURA AO SEU TESTAMENTO TAMÉN REDACTADO EN COPLAS. NENAS E NENOS DE 5º E 6º, QUE AS COMPUXERON, TAMÉN SE ENCARGAN DE LELAS:

COMEZA A VENDA DE FILLOAS E ORELLAS...E... VAIA COMILONA!

CELEBROUSE CARA AO FINAL O SORTEO DOS PRODUTOS PARA UNHA LACONADA... ATA TRES VECES! POR FIN APARECEU A PERSOA GAÑADORA!


PARA REMATAR FAISE A QUEIMA DO GALO VILAVERDIÑO ACOMPAÑADA DO CANTO DAS LADAÍÑAS, COMPOSTAS POLO ALUMNADO DE 3º E 4º (ESTE ANO INDULTAMOS AOS OVIÑOS, ASÍ TEREMOS... NOVOS GALIÑOS!)

MÁIS INFORMACIÓN NO BLOG DO EDL.
O ANO VINDEIRO  O GALIÑO TERÁ NOVO DISFRACE. CAL SERÁ?
BO ENTROIDO A TODAS E A TODOS!!

PREPARAMOS O ENTROIDO

CO GALLO DA INVESTIGACIÓN SOBRE CULTURAS DIVERSAS E DO TRABALLO SOBRE INTERCULTURALIDADE, AS CLASES DECIDEN TRABALLAR SOBRE OS ENTROIDOS NESAS CULTURAS E...
DISFRAZARSE!
VAI HABER DISFRACES DE DIVERSOS PAÍSES E ZONAS DO MUNDO... ATA VILAVERDIÑO VAI LEVAR UN DISFRACE ALUSIVO!