Mascotilandia Vilaverde: 2025

18/12/25

LÚA GÁNDARA NO NOSO COLE

Se clicades nas diferentes pestanas poderedes desfrutar do traballo realizado arredor da figura de Lúa Gándara, nas diferentes aulas do CEIP VILAVERDE MOURENTE.

14/12/25

XA CHEGA O NADAL.

Nas aulas, nos corredores . . . en todos os recunchos de Vilaverde xa se nota o

Nadal

Estes son algúns exemplos das magnificas composicións navideñas dos nosos ciclos. Neste caso as aulas de 3 anos.

Este ano a nosa artista convidada será LÚA GÁNDARA que visitará o cole o vindeiro 17 de decembro para realizar uns talleres cos nosos nenos e nenas.

Tamén , nas diferentes aulas estamos a traballar CANTOS de NADAL en galego. se clicades na palabra música poderedes escoitalos en familia.

Este ano segue enchéndose de música.

5/12/25

O VILAVERDE SEGUE CON BO RITMO

No CEIP VILAVERDE MOURENTE apostamos por dar visibilidade ás persoas con diversidade funcional, recoñecendo o seu valor, os seus talentos e a súa contribución á comunidade.

Neste curso escolar tan pegado a MÚSICA queremos recoñecer a diversos artistas que como non, contribúen a facer da música un entorno cheo de posibilidades.

A música é unha das formas máis universais de expresión humana e un poderoso vehículo para transmitir valores positivos. A través das súas letras, ritmos e emocións, axúdanos a comprender aos demais, promovendo o respecto, a empatía e a convivencia.

Na seguinte presentación podedes explorar diferentes audios realizados polos nenos e nenas sobre a importancia dos artistas musicais que se traballaron nas diferentes aulas.

26/11/25

25 N. DÍA INTERNACIONAL DA VIOLENCIA CONTRA AS MULLERES

Este ano no Ceip Vilaverde Mourente reivindicamos a importancia da visibilidade de días como o 25 N, cun mensaxe positivo e sentindo que todos e todas podemos poñer da nosa parte para CAMBIAR O MUNDO.

Con este obxectivo nas aulas leváronse a cabo diferentes actividades que puxeron de manifesto a importancia da:

- IGUALDADE

- LIBERDADE

- RESPECTO

-...

No patio todos xuntos cantamos a canción “Golden” fala de crer en ti mesmo e de sentirte especial, como se tiveras unha luz dourada dentro. As cantantes queren dicirlle ás persoas que todas e todos temos algo valioso que nos fai únicos, e que non debemos deixarnos levar polos medos nin polas opinións negativas doutra xente.

MOITAS GRACIAS A COMUNIDADE DO CEIP VILAVERDE MOURENTE POR FACELO POSIBLE.

16/10/25

CANTIGAS PARA O SAMAÍN

ESTE ANO A TEMÁTICA VERTICAL QUE IMOS TRABALLAR NO COLE É A MÚSICA. A MESMA TEMÁTICA QUE NO SALÓN DO LIBRO INFANTIL E XUVENIL DE PONTEVEDRA 2026.

A MÚSICA TAMÉN ESTARÁ PRESENTE O DÍA DA CELEBRACIÓN DO SAMAÍN. IMOS PREPARAR TRES ACTUACIÓNS CO ALUMNADO, COA AXUDA DE CAROLINA , A NOSA INTÉRPRETE DE LINGUA DE SIGNOS ESPAÑOLA:

- O ALUMNADO DE INFANTIL VAI CANTAR E SIGNAR A CANTIGA DE MAMÁ CABRA "O SAMAÍN":

- O ALUMNADO DE 1º, 2º E 3º VAI CANTAR E SIGNAR A CANTIGA "CONXURO DE SAMAÍN":

- O ALUMNADO DE 4º, 5º E 6º VAI CANTAR E SIGNAR A CANTIGA "O SAMAÍN" DE UXÍA LAMBONA E A BANDA MOLONA:

PODEDES PRACTICAR TAMÉN NA CASA PARA QUE ESE DÍA NOS SAIA MONSTRUOSAMENTE BEN!

15/10/25

PREPARANDO O SAMAÍN

ESTE ANO IMOS CELEBRAR O SAMAÍN NO COLE! SABEDES QUE SIGNIFICA ESE NOME? CAL É A ORIXE DESTA FESTA?

ANTÍO DEIXOUNOS ESTE GENIALLY CO QUE APRENDEREMOS UNHA MOREA DE COUSAS SOBRE ESTA CELEBRACIÓN.

TAMÉN HAI CANTIGAS, XOGOS, RECEITAS, EXPERIMENTOS... QUE PODEDES FACER NO COLE OU NA CASA COA FAMILIA. ANIMÁDEVOS!

10/10/25

ANTÍO ESTÁ NO COLE!

XA CHEGOU O OUTONO E CON EL O NOSO AMIGO ANTÍO!

VEU DE MASCOTILANDIA PARA PASAR CON NÓS ESTA ESTACIÓN TAN FERMOSA. TROUXO ALGÚNS FROITOS DE OUTONO QUE RECOLLEU POLO CAMIÑO: CASTAÑAS, LANDRAS, COGOMELOS, FOLLAS...

ESTÁ NA PORTA DA BIBLIOTECA DESEXANDO QUE O SAUDEDES TÓDALAS MAÑÁS AO CENTRAR NO COLE! TEN PREPARADA ALGUNHA SORPRESA PARA ESTES DÍAS!

TAMÉN NOS ESCRIBÍU UNHA CARTA QUE ESPERA CHEGUE A TODAS AS AULAS POIS TEN GANAS DE FESTA E QUERE CELEBRALA CON NÓS! ¿QUE FESTA SERÁ ESA?

7/10/25

XOGADE

Un ano máis o Ceip Vilaverde Mourente participa no XOGADE.

O programa Xogade combina no seu modelo deportivo competición e participación para os/as escolares dos centros educativos de toda Galicia.

O obxectivo primordial desta concepción do deporte será a promoción da saúde, a condición física e o benestar, sen esquecer nin deixar de lado o rendemento deportivo, pero asegurando que todos/as os/as escolares poidan ter acceso á práctica de actividades físico-deportivas sen que exista ningún tipo de discriminación.

O XOGADE ten repercusión tanto na prensa local, coma nos nenos e nenas que participan ano tras ano nas diferentes edicións desta iniciativa deportiva.

Moitas grazas a todos e todas.

25/9/25

DÍA INTERNACIONAL DAS PERSOAS XORDAS

ESTA ÚLTIMA SEMANA DE SETEMBRO CELEBRAMOS
A SEMANA DAS PERSOAS XORDAS NUN INTENTO DE SENSIBILIZAR Á COMUNIDADE EDUCATIVA CARA ESTA REALIDADE COA FIN DE PROMOVER A INCLUSIÓN TOTAL DENTRO DA SOCIEDADE DAS PERSOAS CON PROBLEMAS AUDITIVOS E XORDEIRA CRÓNICA.

REIVINDICAMOS XUNTO COA ORGANIZACIÓN CNSE QUE "NON HAI DEREITOS HUMANOS SEN O DEREITO Á LINGUA DE SIGNOS". A LINGUA DE SIGNOS É FUNDAMENTAL PARA MELLORAR A INCLUSIÓN DAS PERSOAS XORDAS NA SOCIEDADE; POIS A MIÚDO SE ENFROTAN A BARREIRAS DE COMUNICACIÓN, QUE LIMITAN A SÚA CAPACIDADE PARA ACCEDER Á INFORMACIÓN E Á IGUALDADE DE OPORTUNIDADES.

TAMÉN DEMOS AO ALUMNADO ALGÚNS CONSELLOS PARA COMUNICARSE COAS

PERSOAS XORDAS DE FORMA EFICAZ.

LEMOS E REFLEXIONAMOS SOBRE ALGÚNS CONTOS NA AULA:

17/9/25

INICIO DO CURSO 2025/2026

BENVIDOS E BENVIDAS A ESTA NOVA AVENTURA!!!!!!!!!!

Estamos comezando un novo curso con moitas gañas de MÚSICA. O noso primeiro día estivo cheo de diversión e de boa música, aínda que tamén houbo reencontros e moitas ganas de contar cousas do verán.

MOITAS GRAZAS

20/6/25

FESTA DE FIN DE CURSO!

FELIZ FIN DE CURSO A TODAS E TODOS!

O ÚLTIMO DÍA DE CLASE O ALUMNADO DO COLEXIO PARTICIPOU NUNHA SESIÓN DE XOGOS COOPERATIVOS NO PATIO COS QUE DESFRUTOU MOITO. TAMÉN HOUBO ACTUACIÓNS E UNHA RICA MERENDA.

AGORA CHEGOU O MOMENTO DE DESCANSAR E APROVEITAR AO MÁXIMO O VERÁN.

MOITOS BICOS DE PARTE DE TODO O EQUIPO DOCENTE DO CEIP VILAVERDE!

💙🌞🌊🌅

15/6/25

14 DE XUÑO DÍA DA LINGUA DE SIGNOS ESPAÑOLA

ESTE SÁBADO CELÉBRASE EN ESPAÑA O DÍA DA LINGUA DE SIGNOS. DENDE HAI DOUS CURSOS O NOSO CENTRO PROMOVE A LINGUA DE SIGNOS (LSE) COMO UNHA ESTRATEXIA INCLUSIVA DE COMUNICACIÓN EFICAZ.

DESENVOLVEMOS DIVERSAS RUTINAS E ACTIVIDADES EMPREGANDO A LSE COA FIN DE DAR RESPOSTA Á DIVERSIDADE PRESENTE NAS AULAS E GARANTIR A IGUALDADE DE OPORTUNIDADES ENTRE TODO O ALUMNADO. DAR VISIBILIDADE Á LSE E O PRIMEIRO PASO CARA Á NORMALIZACIÓN DO SEU USO EN DIFERENTES CONTEXTOS.

AO LONGO DESTA SEMANA RECIBIMOS UNHA INVITACIÓN DA ASOCIACIÓN DE PERSOAS XORDAS DE VIGO PARA ASISTIR O DÍA 14 DE XUÑO Á CELEBRACIÓN DESTE DÍA NUNHA PEQUENA CARPA NA PORTA DO SOL EN VIGO. ALÍ CELEBRARANSE ACTIVIDADES RECREATIVAS E XOGOS, DIRIXIDOS POR PROFESIONAIS A MENORES. ADEMAIS, INSTALARASE UN POSTO INFORMATIVO.

AQUÍ VOS DEIXAMOS UN ACCESO A MATERIAL AUDIOVISUAL REALIZADO EN LSE NO CENTRO:

- CONTIDOS LSE

- CONTIDOS ENGLISH LSE

TAMÉN TRABALLAMOS NAS AULAS ESTES VÍDEOS:

30/5/25

LETRAS GALEGAS 2025

NO CEIP VILAVERDE AS LETRAS GALEGAS ENCHEN O MES DE MAIO DE POEMAS E CANTIGAS. COMO TODOS OS ANOS, REALIZAMOS UN CERTAME POÉTICO COAS POESÍAS QUE COMPÓN O ALUMNADO DO COLEXIO.

ADEMÁIS, REALIZAMOS UN CONCERTO, ESTE ANO COA ACTUACIÓN DAS PANDERETEIRAS DO VAL DE QUIREZA.

AQUÍ VOS DEIXAMOS UN ANAQUIÑO DESTES DÍAS TAN ESPECIAIS NO NOSO COLEXIO:

LETRAS GALEGAS 2025

🎵🌸🎶🌸📝

28/5/25

II XORNADA DE PRIMEIROS AUXILIOS

FAMILIAS E PROFESORADO ASISTIMOS ESTE MARTES 28 DE MAIO Á II XORNADA DE FORMACIÓN EN PRIMEIROS AUXILIOS DA MAN DA ASOCIACIÓN GALEGA DE TÉCNICOS EN EMERXENCIAS SANITARIAS (ASGATE).

PRIMEIRAMENTE DÉRONNOS ALGÚNS ASPECTOS TEÓRICOS:

- VISUALIZAMOS CAL É A SITUACIÓN DO SERVIZO DE AMBULANCIAS EN GALICIA.

- TELÉFONOS DE EMERXENCIAS E DIFERENZAS: 112 E O 061

- PROCEDEMENTO NUNHA REANIMACIÓN CARDIOPULMONAR (RCP)

- FUNCIONAMENTO DO DESFIBRILADOR SEMIAUTOMÁTICO (DESA)

- MANIOBRA DE HEIMLICH ANTE UN ATRAGANTAMENTO.

- POSICIÓN DE SEGURIDADE.

REMATAMOS POÑENDO EN PRÁCTICA TODOS OS ASPECTOS TEÓRICOS:

AGRADECEMOS AOS MEMBROS DE ASGATE A SÚA EXCELENTE COLABORACIÓN!

27/5/25

DÁMOSLLE A VOLTA AO CONTO!

HOXE RECIBIMOS NO COLE Á NARRADORA RAQUEL QUEIZÁS. VEU PARA CONTARNOS CON MONICREQUES, AO ALUMNADO DE 4 E 5 ANOS, AS “HISTORIAS DUNHA AVOA E A SÚA NETA”, AMOSANDO UNHA IMAXE VALENTE E REVOLUCIONARIA DAS MULLERES DENDE MOI PEQUENAS.

TAMÉN, REPRESENTOU CON ALGÚN VESTIARIO O CONTO DE “CINCENTO” E “O HOME DO SACO” DÁNDOLLE A VOLTA AOS CONTOS TRADICIONAIS. NELES ATOPAMOS UN NENO MOI SENSIBLE E UNHA NENA MOI VALENTE, ROMPENDO COS ROLES E ESTEREOTIPOS TRADICIONAIS ASIGNADOS A CADA XÉNERO, PROMOVENDO A IGUALDADE.

TODAS E TODOS SOMOS IGUAIS!

XXIX CROSS ESCOLAR

o sábado 24 de maio de 2025, a partir das 10:00 da mañá CELÉBRASE o XXIX CROSS ESCOLAR. ESTA proba está patrocinada pola ANPA “Os Valados”, O CEIP Vilaverde, O Concello de Pontevedra, Frutas Sol e Supermercados Froiz.

PODERÁ PARTICIPAR TODA A COMUNIDADE EDUCATIVA DO CENTRO E ESTÁN CONVIDADOS OS CENTROS PÚBLICOS DE ARREDORES.

O cross PERcorrerá as rúas adxacentes ao centro escolar: rúas Valdecorvos e Vilaverde.

contarase coa colaboración da policía local e protección civil do Concello de Pontevedra e da Asemblea Comarcal da Cruz Vermella en Pontevedra, as que agradecemos por adiantado a súa colaboración.

ESPERÁMOSVOS A TODAS E A TODOS!

13/5/25

RECEPCIÓN DE FAMILIAS DO NOVO ALUMNADO DE 4ºEI PARA O CURSO 25-26

O VINDEIRO MARTES 20 DE MAIO ÁS 17:30 TERÁ LUGAR NA BIBLIOTECA DO COLEXIO UNHA REUNIÓN DE BENVIDA ÁS FAMILIAS DO NOVO ALUMNADO DE 4º DE INFANTIL DO CURSO 25-26.

FALAREMOS DA ENTRADA Á ESCOLA, DE RUTINAS IMPORTANTES QUE PODEMOS IR PRACTICANDO E DE COMO É O PERÍODO DE ADAPTACIÓN NO NOSO COLEXIO, FORMADO POR DÚAS FASES, UNHA DELAS EN XUÑO!

ESPERÁMOSVOS O MARTES 20!

💙

8/5/25

RECOLLIDA DO PREMIO DA FAPXG

HOXE, DÍA 7 DE MAIO O ALUMNADO DE 4º DE PRIMARIA E DO COMBO MUSICAL DE 5º DE EP EN REPRESENTACIÓN DE TODA A COMUNIDADE EDUCATIVA DO CENTRO ESTIVO NA CIDADE DA CULTURA PARA RECOLLER O PREMIO OUTORGADO POLA FAPXG E ACTUAR EN DIRECTO .

COMO XA VOS ANUNCIAMOS CON ANTERIORIDADE O XURADO OUTORGOUNOS UNHA MENCIÓN HONORÍFICA NO VIII CONCURSO "CANTANDO COAS MANS" NO QUE PARTICIPAMOS COA CANTIGA EN LSE "RECOÑÉCÉNDOME" DE GUADI GALEGO.

ANXO (COA SÚA VOZ) E ANTÍA (COA LSE) FORON OS ENCARGADOS DE SUBIR AO ESCENARIO PARA REALIZAR O AGRADECEMENTO Á FAPXG POLO SEU ESFORZO E DEDICACIÓN PARA ORGANIZAR ESTE CONCURSO A TRAVÉS DO QUE SE PROMOVE O USO DA LINGUA DE SIGNOS ESPAÑOLA: DANDO VISIBILIDADE A UNHA LINGUA QUE PERMITE A INCLUSIÓN, A ACCESIBILIDADE E A IGUALDADE DE OPORTUNIDADES A TÓDALAS PERSOAS NA SOCIEDADE.

DESPOIS DUN GRANDÍSIMO APLAUSO RECOLLERON OS PREMIOS:

A CONTINUACIÓN, TODAS E TODOS SUBIMOS AO ESCENARIO PARA INTERPRETAR A NOSA CANTIGA QUE, TAMÉN FOI MOI APLAUDIDA POLO PÚBLICO E O XURADO.

PARA REMATAR QUEREMOS AGRADECER A NOSA INTÉRPRETE DE LSE, IRIA, O SEU TRABALLO, ESFORZO, DEDICACIÓN, PACIENCIA E COMPROMISO PARA LEVAR ADIANTE ESTE MARABILLOSO PROXECTO INCLUSIVO NO QUE A MÚSICA SE CONVERTEU NUNHA PONTE ENTRE DÚAS LINGUAS COA FIN DE VISIBILIZAR, SENSIBILIZAR E PROMOVER A LSE.

ESTE RECOÑECEMENTO É UN AGASALLO PARA TODA A COMUNIDADE EDUCATIVA DO CEIP VILAVERDE!

GRAZAS!!

5/5/25

DÍA INTERNACIONAL CONTRA O ACOSO ESCOLAR

O 2 DE MAIO CONMEMÓRASE O DÍA INTERNACIONAL CONTRA O ACOSO ESCOLAR.

POR DESGRAZA, MOITOS MENORES SOFREN SITUACIÓNS DE ACOSO CADA DÍA, DENTRO E FÓRA DOS COLEXIOS.

TODAS E TODOS DEBEMOS ACTUAR
É DE VITAL IMPORTANCIA IDENTIFICALO E ACTUAR CANTO ANTES.

DENDE O NOSO CENTRO LEMBRAMOS QUE CADA PALABRA CONTA, CADA ACCIÓN IMPORTA. O RESPECTO, A EMPATÍA E A SOLIDARIEDADE SON AS MELLORES FERRAMENTAS QUE TEMOS PARA COMBATELO.

PROMOVEMOS E FOMENTAMOS ESPAZOS SEGUROS, RESPECTUOSOS E INCLUSIVOS PARA TODO O ALUMNADO.

REMATAMOS LEMBRANDO QUE NA ENTRADA PRINCIPAL DO CENTRO TEMOS A DISPOSICÓN DE QUEN QUEIRA DENUNCIAR CALQUEIRA ACTO DESTE TIPO "O PUNTO LARANXA" E TAMÉN SE ATOPA NA WEB DO CENTRO.

28/4/25

CELEBRACIÓN DÍA DO LIBRO

A SEMANA DO 22 AO 25 DE ABRIL CELEBRAMOS O DÍA DO LIBRO.

NAS AULAS REALIZAMOS DIVERSAS ACTIVIDADES RELACIONADAS COS LIBROS. DESCUBRIMOS:

- ONDE OS PODEMOS ATOPAR: BIBLIOTECA, LIBRARÍA, FEIRAS, ÁREAS COMERCIAIS...

- AS SÚAS PARTES: TAPA, LOMBO, CONTRAPORTADA, PÁXINAS

- TIPOS DE LIBROS. CON ELES PODEMOS VIAXAR, IMAXINAR, APRENDER, COÑECER...

- AS ESCRITORAS E OS ESCRITORES.

- O TRABALLO NA EDITORIAL.

- POR QUE O 23 DE ABRIL SE CELEBRA O DÍA DO LIBRO.

- ...

LAMPI CONVIDOUNOS A VISITAR A BIBLIOTECA PARA FACER ALGUNHA LECTURA DO CLÁSICO "DON QUIXOTE DA MANCHA".

OUTRA ACTIVIDADE QUE REALIZAMOS E NOS GUSTA MOITO SON OS APADRIÑAMENTOS E AMADRIÑAMENTOS LECTORES. OS MAIORES PREPARARON UN CONTIÑO E CONTÁRONLLELO A ALUMNADO MÁIS PEQUENO.

SE QUERES AVENTURAS, LÁNZATE COA LECTURA!!!

7/4/25

7 DE ABRIL: DÍA DA SAÚDE

HOXE CELEBRAMOS O DÍA DA SAÚDE CON DIVERSAS ACTIVIDADES.

- A ANPA DO CENTRO COLABOROU PARA REALIZAR UNHA CARREIRA SOLIDARIA "UNOCENTRECIENMIL", CORRENDO POLOS QUE NON PODEN CORRER, A META É CONSEGUIR A CURA DA LEUCEMIA INFANTIL. GRAZAS A COLABORACIÓN DAS FAMILIAS RECAUDAMOS FONDOS PARA IMPULSAR OS PROXECTOS DE INVESTIGACIÓN CONTRA A LEUCEMIA INFANTIL.

- NAS AULAS FIXEMOS UNHA MERENDA CREATIVA A BASE DE FROITAS E DESPOIS COMÉMOLA PARA RECARGAR ENERXÍA:

- NO XIMNASIO SESIÓN DE BAILE. BAILAMOS COA PROFE LOLA SEGUINDO ALGUNHAS COREOGRAFÍAS.

UNHA BOA SAÚDE IMPLICA UNHA ALIMENTACIÓN SÁ, REALIZAR EXERCIZO FÍSICO E DESCANSAR IMPRESCINDIBLES PARA SENTIRSE BEN E DESENVOLVER AS ACTIVIDADES DIARIAS DE FORMA EFICAZ.

3/4/25

VISITA DUNHA ESCRITORA MOI ESPECIAL ✨

ESTA SEMANA TIVEMOS A SORTE DE RECIBIR A VISITA DE BLANCA, UNHA NAI DO COLEXIO QUE PUBLICOU UN LIBRO QUE VOS RECOMENDAMOS MOITO:

O ALUMNADO DE 3º COMPARTIU CON ELA UNHA SESIÓN CHEA DE HISTORIAS E BOS CONSELLOS. BLANCA CONTOULLES A ORIXE DO SEU LIBRO, SABÍADES QUE O ESCRIBIU CANDO ERA RAPAZA? CO TEMPO FOINO PERFECCIONANDO ATA LOGRAR PUBLICALO. FALOULLES DO LUGAR TAN ESPECIAL NO QUE TRANSCORRE A HISTORIA E DUNHA CHEA DE COUSAS MÁIS!

BLANCA AMOSOULLES O BORRADOR ORIXINAL, ESCRITO A MÁQUINA DE ESCRIBIR, CON ENCADERNACIÓN FEITA POLA SÚA NAI E DEBUXOS DE CANDO ERA CATIVA, ENCANTOULLES! ATA PUIDERON VER A MÁQUINA ! 💚

ADEMAIS, DEIXOU UN AGASALLO PARA A RAPAZADA DE 3º : INVENTAR UNHA NOVA PERSONAXE PARA O SEU PRÓXIMO LIBRO. TODO ISTO COMPLETOUNO CUNHA PINZA DE CORES E UN MARCAPÁXINAS. AGORA XA ESTÁN LISTOS PARA COMEZAR A ESCRIBIR!

O COLEXIO NON PUIDO DEIXALA MARCHAR SEN DARLLE UN CARIÑO DE LAMPI E SEN FACERNOS CON VARIOS EXEMPLARES DO SEU LIBRO, XA OS TEDES NA BIBLIOTECA!!

MOITÍSIMAS GRAZAS BLANCA POLO TEU TEMPO E A TÚA ILUSIÓN

💙💚

TROCA DE LIBROS 2025

UN CURSO MÁIS QUEREMOS AGRADECER A TODA A COMUNIDADE EDUCATIVA POR FACER POSIBLE A TROCA DE LIBROS.

GRAZAS AO ALUMNADO, ÁS FAMILIAS, AO PROFESORADO E Á ANPA POR AXUDAR NESTE DÍA TAN ESPECIAL, CHEO DE NOVAS HISTORIAS PARA LER E DESFRUTA!

📘🌼📗🌺🌹🌿

VÉMONOS NA TROCA DE 2026!

VISITA DE MARÍA CANOSA

AS CLASES DE 2º E 4º DE PRIMARIA DERON A BENVIDA Á ESCRITORA MARÍA CANOSA.

DESFRUTARON DUN TEMPIÑO DE CONVERSA COA AUTORA SOBRE OS LIBROS LIDOS: LOBO RAMÓN E ESCOLA DE BRUXAS.

ADEMAIS, PUIDÉRONLLE FACER MOITAS PREGUNTAS SOBRE PERSONAXES, VINDEIRAS OBRAS, COMO E CANDO COMEZOU A DISFRUTAR DA ESCRITURA... E MOITAS MÁIS!

TAMÉN APROVEITARON PARA ENSINARLLE OS MURAIS QUE PREPARARON PARA RECIBILA.

♦ UN DELES CONTIÑA AS SÚAS OBRAS MÁIS IMPORTANTES E COMENTARIOS DOS LIBROS LIDOS.

♦ O OUTRO AMOSABA AO ALUMNADO DE 4º TRANSFORMADO EN BRUXAS E BRUXOS MODERNOS, COMO MENCÍA, A PROTAGONISA DE ESCOLA DE BRUXAS. ENGADÍRONSE UNHA MASCOTA MÁXICA E OBXECTOS QUE DEFINEN OS SEUS INTERESES E GUSTOS.

TODO REMATOU CUNHA EXITOSA FIRMA DE LIBROS. MARÍA, MOITAS GRACIAS POR VISITAR ÁS NENAS E AOS NENOS DO VILAVERDE!

💫🪄📕

1/4/25

VIII CONCURSO CANTANDO COAS MANS DA FAXPG

A FAXPG XA PUBLICOU OS VÍDEOS QUE PARTICIPAN ESTE ANO NO VIII CONCURSO "CANTANDO COAS MANS". NÓS PARTICIPAMOS INTERPRETANDO A CANTIGA "RECOÑECÉNDOME" DE GUADI GALEGO.

TEMOS QUE AGRADECER ESTE FERMOSO TRABALLO NO QUE PARTICIPA TODO O ALUMNADO, PROFESORADO E PERSOAL NON DOCENTE Á NOSA INTÉRPRETE DE LSE IRIA. TAMÉN AGRADECEMOS A GUADI GALEGO A SÚA PARTICIPACIÓN NO VÍDEO.

BOTÁDELLE UN OLLO!

NON VOS ESQUEZADES DE VOTAR ATA O DÍA 3 DE ABRIL!!

28/3/25

MESA REDONDA CON MULLERES DEPORTISTAS.

HOXE CONTAMOS COA PRESENZA NO CENTRO DO CLUB ROTARY E TAMÉN DE 4 DEPORTISTAS RECOÑECIDAS A NIVEL INTERNACIONAL: A PIRAGÜISTA CLAUDIA COUTO, A XOGADORA DE TENIS DE MESA ANNA MIKLUKHA, A KARATECA RUTH LORENZO E A XIMNASTA MELANIA RODRÍGUEZ.

O ALUMNADO DE 3º, 5º E 6º DE EP PARTICIPOU NUNHA MESA REDONDA COAS DEPORTISTAS. A TRAVÉS DESTA DINÁMICA DE GRUPO PUIDERON FORMALIZARLLES PREGUNTAS RELACIONADAS COAS SÚAS VIDAS E O MUNDO DO DEPORTE E DA COMPETICIÓN. ABORDÁRONSE VALORES FUDAMENTAIS COMA O ESFORZO, A PERSEVERANZA, A RESPONSABILIDADE, A IGUALDADE, O AUTOCONTROL, A FRUSTRACIÓN, O COMPAÑEIRISMO ...

AGRADECEMOS A ROTARY CLUB A SÚA COLABORACIÓN E IMPLICACIÓN COA EDUCACIÓN EN VALORES DA XUVENTUDE.

26/3/25

VISITA DE LEDICIA COSTAS

NO CEIP VILAVERDE TIVEMOS A GRAN SORTE DE RECIBIR A VISITA DE LEDICIA COSTAS, UNHA ESCRITORA QUE NOS ENCANTA 💙

VARIAS CLASES DO COLEXIO LERON E DESFRUTARON COS SEUS LIBROS, TAMÉN PREPARARON UNHAS PANCARTAS DE BENVIDA. FOI UN MOMENTO MOI EMOCIONANTE POIS NON TODOS OS DÍAS PODEMOS CONVERSAR CON AUTORAS TAN IMPORTANTES.