APAÑAMOS AS CASTAÑAS!

ESTE LUNS O ALUMNADO DE 6º DE EP FOI APAÑAR CASTAÑAS PARA  A CELEBRACIÓN DO MAGOSTO. DÁMOSLLE AS GRAZAS  "Á CASA RÚSTICA ISABEL" QUE NOS CONVIDOU PARA APAÑAR AS CASTAÑAS NO SEU SOUTO. 

MIRADE CANTAS APAÑARON!!! ANTÍO ESTÁ FELIZ!! VAN ESTAR RIQUÍSIMAS!!

CANTIGA PARA A CELEBRACIÓN DO MAGOSTO

TEMOS CANTIGA PARA O MAGOSTO!! IMOS INTERPRETAR NO PATIO A CANTIGA DE UXÍA A LAMBONA "O OUTONO" EN LSE; GRAZAS Á INTÉRPRETE DE LINGUA DE SIGNOS DO NOSO COLE. É UNHA CANTIGA MOI DIVERTIDA E AXEITADA PARA ESTAS DATAS. BOTÁDELLE UNHA OLLADA E ANIMÁDEVOS A BAILAR!!

PREPARÁNDONOS PARA O MAGOSTO!

XA FALTA MENOS PARA A FESTA QUE MÁIS LLE GUSTA A ANTÍO: "O MAGOSTO". ESTIVO PREPARANDO ESTE VÍDEO COA NOSA INTÉRPRETE  DE LSE PARA QUE POIDAMOS COÑECER MOITO VOCABULARIO RELACIONADO CON ESTA TRADICIONAL FESTA GALEGA. BOTÁDELLE UNHA OLLADA!! COÑECÉDELAS TODAS???

ANTÍO ENVÍA UNHA CARTA ÁS AULAS

HOXE RECIBIMOS NAS AULAS UNHA CARTA DE ANTÍO, A MASCOTA DO OUTONO. 

POIS  VAI ESTAR ESTES DÍAS POLO COLE PARA COMER AS CASTAÑIÑAS QUE TANTO LLE GUSTAN  NA FESTA DO MAGOSTO. 

TAMÉN NOS TRAE ALGUNHAS SORPRESAS E XOGOS  PARA ESTES DÍAS. 

ESTADE MOI ATENTAS E ATENTOS!!

ANTÍO ESTÁ NO COLE!

A NOSA MASCOTA DO OUTONO XA ESTÁ NO COLE! ANTÍO VEU DE MASCOTILANDIA PARA PASAR UNS DÍAS  CON TODAS E TODOS NÓS E TROUXO ALGÚNS FROITOS  QUE APAÑOU E COLLEITOU: CASTAÑAS, NOCES,  ABELÁS, LANDRAS, MILLO, MAZÁS, FEIXOAS, CABAZAS, COGOMELOS...  COMO XA SABEREDES A  SÚA FESTA PREFERIDA  É "O MAGOSTO" E VAINOS AXUDAR COS PREPARATIVOS. POLO DE AGORA DEIXOU ALGÚNS LIBROS NA BIBLIOTECA MOI INTERESANTES PARA ESTA ÉPOCA DO ANO.  ANIMÁDEVOS A LER!!!

RECOLLIDA DE RESTOS ORGÁNICOS

O PRÓXIMO  14 DE OUTUBRO COMEZA A CAMPAÑA DE RECOLLIDA DE RESTOS ORGÁNICOS NO COLE COA FIN DE REDUCIR A CANTIDADE DIARIA DE RESIDUOS E O CONSECUENTE IMPACTO AMBIENTAL. ESTA É UNHA PEQUENA ACCIÓN PARA COIDAR DO NOSO PLANETA.

NAS AULAS, PARA XESTIONAR OS RESIDUOS SÓLIDOS SEPARAMOS O LIXO NOS CONTEDORES DE PAPEL, PLÁSTICO E RESTOS ORGÁNICOS. 

CADA SEMANA, ATA QUE REMATE O CURSO, UNHA AULA RECOLLE OS RESTOS ORGÁNICOS DE TODO O CENTRO. A FINALIDADE É CONVERTER OS RESIDUOS EN RECURSOS A TRAVÉS DA COMPOSTAXE PARA ABONAR O NOSO HORTO ESCOLAR. 

DESTE XEITO ESTAMOS CONTRIBUINDO CUN DOS OBXECTIVOS DE DESENVOLVEMENTO SOSTIBLE.

BOTÁDELLE UNHA OLLADA A ESTA PRESENTACIÓN PARA SABER COMO O FAREMOS!

GRAZAS POLA VOSA COLABORACIÓN!

COMEZAN OS VILAXOGOS

O PRÓXIMO DÍA 8 DE OUTUBRO, SE O TEMPO ACOMPAÑA, COMEZAN OS VILAXOGOS NO TEMPO DE RECREO. ESTE CURSO HAI NOVIDADES PARA O ALUMNADO DE 1º DE EP , POIS DISPORÁN DUNHA CAIXA  CON DIFERENTES PROPOSTAS DE XOGO E  TAMÉN PARA O ALUMNADO DE 6º DE EP QUE CONTARÁ CON PAS E REDES DE VOLEY. ESTAS NOVIDADES FORON ALGUNHAS DAS PROPOSTAS QUE FIXO O ALUMNADO A FINAIS DO PASADO CURSO.

ESTAS ACTIVIDADES PRETENDEN FOMENTAR O XOGO, O MOVEMENTO,  A COLABORACIÓN,  AS HABILIDADES SOCIAIS, A IGUALDE DE OPORTUNIDADES DE XOGO E SER INCLUSIVAS PARA TODO O ALUMNADO. O SEU DESENVOLVEMENTO  MELLORA A CONVIVENCIA E O BENESTAR DE TODA A COMUNIDADE EDUCATIVA NO TEMPO DE RECREO.

ESTA É A ORGANIZACIÓN PARA O PRESENTE CURSO:

O OUTONO XA ESTÁ AQUÍ!

ESTA ESTACIÓN DE OUTONO TRAE CONSIGO CAMBIOS DE TEMPO, A CAIDA DAS FOLLAS, MOITOS FROITOS SECOS E CARNOSOS, FESTAS, CAMBIOS DE VESTIARIO... IMOS LEMBRAR ALGÚN VOCABULARIO EN GALEGO E TAMÉN DESCUBRILO EN LINGUA SE SIGNOS ESPAÑOLA. BOTÁDELLE UNHA OLLADA!!! SEGURO QUE DESCUBRIREDES ALGUNHA PALABRA NOVA!!