EXPOSICIÓN DE MÁSCARAS DE HALLOWEEN-SAMAÍN

NOS CORREDORES DO COLEXIO TEMOS COLOCADAS AS EXPOSICIÓNS DE MÁSCARAS...
TODAS SON MOI CREATIVAS E ORIXINAIS!
DAN TERROR!
HAI TANTAS QUE CASE NON NOS DÁ TEMPO DE VELAS TODAS NUNHA SESIÓN.

OS OBRADOIROS DE TROMPOS NO COLEXIO

NESTA SEMANA, DESPOIS DE TRABALLAR SOBRE AS CORES DE OUTONO COMEZAMOS COS OBRADOIROS DE TUNEADO DE TROMPOS.
PRIMEIRO PLANIFICAMOS COMO NOS GUSTARÍA PINTALOS E DESPOIS REALIZAMOS O TRABALLO POR PARELLAS.
O ALUMNADO DE INFANTIL FAINO TITORIZADO POLO ALUMNADO DE PRIMARIA (3º, 5º E 6º).
VELAQUÍ ALGUNHAS FOTOS DOS PRIMEIROS OBRADOIROS, VEREDES MÁIS NOS BLOGS CORRESPONDENTES.

PROXIMAMENTE COS TROMPOS FAREMOS UNHA EXPOSICIÓN CO GALLO DO MAGOSTO.

OS CONTOS DE MEDO NA BIBLIOTECA

HOXE COMEZARON AS LECTURAS RELACIONADAS CO MEDO.
O ALUMNADO ACUDIU Á BIBLIOTECA AMBIENTADA PARA A OCASIÓN...


AO LONGO DA SEMANA TEREMOS NOVAS LECTURAS DAS QUE TEREMOS INFORMACIÓN NO BLOG DA BIBLIOTECA.
DEIXÁMOSVOS VER UN CHISQUIÑO DESAS CONTADAS

O ALUMNADO DE INFANTIL TAMÉN GOZARÁ COA ESCOITA DESTES CONTOS NA SÚA AULA, SEGURO QUE VOLO CONTARÁN NOS SEUS BLOGS.


NO BLOG DE MÚSICA TAMÉN PODEREDES ATOPAR CANCIÓNS RELACIONADAS COA ACTIVIDADE E QUE SE ESTÁN A TRABALLAR NA AULA.
NAS AULAS DE INGLÉS COMEZA TAMÉN O TRABALLO AO REDOR DO HALLOWEEN, NON PERDADES AS ACTIVIDADES

ANTÍO ANUNCIA O OUTONO E O MAGOSTO NO COLE E CON EL APARECE TAMÉN O SAMAÍN

ENTRE AS CELEBRACIÓNS DE OUTONO TAMÉN TEMOS O SAMAÍN.
ANTÍO NON FALA DELA, PERO A CELEBRACIÓN APARECE DA MAN DOUTROS PERSONAXES.
ESTE ANO, LAMPI NUNHA CARTA PROPONNOS CELEBRAR O DÍA DA BIBLIOTECA CON

CONTOS DE MEDO

A IDEA PARECEU XENIAL PARA UNILA AO SAMAÍN... 

ASÍ QUE DENDE A VINDEIRA SEMANA TRABALLAREMOS SOBRE OS TROMPOS NO MAGOSTO E SOBRE O MEDO.

HAI UNHA EXPOSICIÓN NA ENTRADA DO COLEXIO E A BIBLIOTECA COMEZA A ESTAR PREPARADA PARA RECIBIR AO ALUMNADO.

NON DEIXEDES DE VISITAR OS BLOGS PARA IR VENDO PROPOSTAS E ACTIVIDADES.

ANTÍO ANDA POLO COLE

ANTÍO, A NOSA MASCOTA DO MAGOSTO, XA ANDA POLOS CORREDORES DO CENTRO.
ESTE CURSO APARECEU EN CARTEIS PORQUE SEICA ANDA NAS AULAS DE TRES ANOS E ALÍ VAI QUEDAR UNS DÍAS MÁIS.
COMA SEMPRE, COA CHEGADA DO MAGOSTO, CHÉIRANLLE AS CASTAÑAS E NON PODE RESISTIRSE... QUERE FESTA!!!
TEREMOS QUE AXUDARLLE NA ORGANIZACIÓN DO FESTEXO, ANTÍO PÍDENOS COLABORACIÓN PARA ELABORAR UN CATÁLOGO DE CORES DO OUTONO...
QUE ANDARÁ ARGALLANDO?