E SEGUINDO COA MAXIA: A MAXIA DA COR

 SEGUIMOS TRABALLANDO SOBRE A MAXIA,  ESTA SEMANA TÓCALLE Á MAXIA DA COR.

ELABORAREMOS TARXETAS PARA FELICITAR O NOVO ANO BASEÁNDONOS NOS CADROS COLORISTAS DE MENCHU LAMAS.

MENCHU LAMAS É UNHA PINTORA NADA NA PROVINCIA DE PONTEVEDRA E QUE VAI PROTAGONIZAR OS NOSOS DESEÑOS DE TARXETAS.

25 DE NOVEMBRO:CONTRA O MALTRATO DE XÉNERO

DOS 17 OBXECTIVOS DE DESENVOLVEMENTO SOSTIBLE, O 5º RELACIÓNASE COA IGUALDADE DE XÉNERO.

SEGUNDO MÚLTIPLES INVESTIGACIÓNS OS ESTEREOTIPOS ATENTAN CONTRA A IGUALDADE ENTRE OS XÉNEROS E INFLÚEN NA IDENTIDADE E DECISIÓNS DE CADA PERSOA.

CÓMPRE DESENTRAÑAR ESES ESTEREOTIPOS, PODEMOS USAR CONTOS, VÍDEOS, IMAXES,ETC, QUE AXUDEN A NENAS E A NENOS A COÑECELOS E NON DEIXAR QUE LLES AFECTEN NO SEU DESENVOLVEMENTO PERSOAL E SOCIAL.

HOXE A PANTALLA DA ENTRADA LÉMBRANOS A DATA E A LOITA CONTRA O MALTRATO.

 

NENAS E NENOS REFLEXIONAN SOBRE A TEMÁTICA A TRAVÉS DO CONTO DO QUE FALABAMOS NUNHA ENTRADA ANTERIOR

E LUCIMOS UN "PIN" AMOSANDO O NOSO REXEITAMENTO AO MALTRATO E Á DISCRIMINACIÓN.

DÍA DA PALABRA

 O 23 DE NOVEMBRO É O DÍA DA PALABRA.

CADA ANO A RAE E A RAG INTRODUCEN NOVAS PALABRAS NO DICIONARIO, ULTIMAMENTE OBSERVAMOS A APARICIÓN DE PALABRAS COMO CORONAVIRUS, CORENTENAR, TELETRABALLO, AVATAR,...

LAMPI PEDIU AO ALUMNADO QUE CREE PALABRAS RELACIONADAS COA TEMÁTICA DESTE TRIMESTRE NO CENTRO: A MAXIA... MIRADE NO BLOG DA BIBLIOTECA

IGUAL ALGÚN DÍA ESAS PALABRAS FORMEN PARTE DO DICIONARIO, OU QUE CREDES? 

AS PALABRAS VOTADAS NAS AULAS PASARON A FORMAR PARTE DUN MURAL

CONTRA O MALTRATO DE XÉNERO

 ESTAS SEMANAS TRABALLAMOS NAS AULAS PARA PREVIR O MALTRATO DE XÉNERO.

COMENTAMOS OS DIFERENTES TIPOS E DEBATEMOS SOBRE AS FORMAS DE DISCRIMINACIÓN.

REXEITAMOS O MACHISMO E TODO O QUE SUPÓN.

ESTE CURSO, PARA REFLEXIONAR PARTIMOS DUN CONTO "CHEIRA A MACHISMO" (NO QUE A PROTAGONISTA É UNHA NENA QUE TEN UN NARIZ MÁXICO CAPAZ DE DETECTAR OS CHEIROS MÁIS FANTÁSTICOS E OS MÁIS HORRIBLES COMO O DO MACHISMO) E ABORDAMOS VARIOS ASPECTOS RELACIONADOS COA DISCRIMINACIÓN.

O LEMA DO TRABALLO NA ESCOLA ESTE CURSO É "25 DE NOVEMBRO CONTRA O MALTRATO: CHEIRA A MACHISMO", LEMA QUE O ALUMNADO LEVARÁ A MODO DE "PIN" CON PINZA.

MAQUETAS DALGÚN PROXECTO

 O ALUMNADO DE MAIOR DO COLEXIO ESTÁ A ELABORAR MAQUETAS SOBRE OS ÚLTIMOS PROXECTOS TRABALLADOS.

PODEMOS ATOPAR MAQUETAS DO SISTEMA SOLAR  E MAQUETAS SOBRE AS CAPAS DA TERRA E OS VOLCÁNS.

ADEMAIS 5º E 6º DE INFANTIL TRABALLAN SOBRE O PROXECTO DA AUGA E SOBRE MITOLOXÍA RESPECTIVAMENTE.

NOS BLOGS DE NIVEL PODEREDES VER O RESTO DE PROXECTOS DO CENTRO.

AS ACTIVIDADES DE HORTO E COMPOST

 DA MAN DO ALUMNADO MAIOR RETÓMANSE AS ACTIVIDADES DE HORTO ESCOLAR.

TODO O CENTRO COLABORA NA ACTIVIDADE DE COMPOSTA, SENDO O ALUMNADO MAIOR O ENCARGADO DE COORDINAR A RECOLLEITA DE RESTOS ORGÁNICOS.

14 NOVEMBRO: DÍA INTERNACIONAL DIABETES

ESTES DÍAS O ALUMNADO COÑECE ALGO MÁIS SOBRE A DIABETES A TRAVÉS DE CONTOS, NOTICIAS, UNHA PEQUENA INVESTIGACIÓN SOBRE A HISTORIA DA DIABETES,..

.

QUEREDES ESCOITAR AS NOSAS PALABRAS MÁXICAS POLO SAMAÍN?

NESTE TRIMESTRE QUE DEDICAMOS Á MAXIA NON PODÍAN FALTAR PALABRAS E CONXUROS MÁXICOS.

ESCOITADE OS QUE ELABORAMOS POLO SAMAÍN:

E CALQUERA SAMAÍN QUE SE PRECE TEBE TER CALACÚS. MIRADE AS CABAZAS QUE ADORNOU O ALUMNADO DE 5º E 6º MANUAL OU DIXITALMENTE: