REMATANDO TRIMESTRE

HOXE ENTROU UNHA NOVA ESTACIÓN: A PRIMAVERA.
NAS PORTAS DAS CLASES APARECERON FLORES ELABORADAS CON GLOBOFLEXIA... SON MOI FERMOSAS!

E COMO AGASALLO DEIXÁMOSVOS ESTE FERMOSÍSIMO VÍDEO

COA CHEGADA DA NOVA ESTACIÓN PECHAMOS UN TRIMESTRE QUE ESTIVO CHEÍÑO DE MÁQUINAS. ASÍ QUE VOS DEIXAMOS UNHA MÁQUINA ESTUPENDA PARA QUE XOGUEDES CON ELA ESTES DÍAS: "A MÁQUINA DAS CURIOSIDADES"

NOVOS PROXECTOS ESTÁN POÑÉNDOSE EN MARCHA

NESTA TEMPADA HAI VARIOS PROXECTOS INICIÁNDOSE, ALGÚNS TERÁN CONTINUIDADE NO TERCEIRO TRIMESTRE, NOS BLOGS DAS CLASES PODEDES IR VENDO COMO EVOLÚEN:

• AS FORMIGAS, AS CHICHARRAS, AS ABELLAS,...
• O CORPO HUMANO
• AS PROFESIÓNS
• A CIDADE, A VILA, A COMUNIDADE ESCOLAR, A FAMILIA, OS SERVIZOS,...
• A IDADE ANTIGA
• ...

UN CICLO DE CONFERENCIAS

NESTES DÍAS NO COLEXIO PÚXOSE EN MARCHA UN CICLO DE CONFERENCIAS.
AS NENAS E OS NENOS APRENDERÁN MOITO NELAS,...
NON SÓ O ALUMNADO QUE ASISTA SENÓN TAMÉN AS E OS CONFERENCIANTES...:
QUE IMPORTANTE É APRENDER A FALAR EN PÚBLICO! E NON MENOS IMPORTANTE É APRENDER A PLANIFICAR, EXPRESARSE ORALMENTE CON PROPIEDADE, ADAPTARSE A PÚBLICOS DIFERENTES, PREPARAR AS PRESENTACIÓNS E ÚTILES,...
ALGUNHAS CONFERENCIAS XA COMEZARON HAI UNS DÍAS E OUTRAS TERÁN LUGAR EN BREVE.
MIRADE QUE BEN VAN SAÍNDO

AS CONFERENCIAS TEÑEN RELACIÓN COS PROXECTOS E TEMÁTICAS TRABALLADAS NO TRIMESTRE E HAI VARIADAS POSIBILIDADES:

• A GRANXA E OS ANIMAIS DA MESMA
• AS MÁQUINAS DA CASA
• OS VOLCÁNS
• AS PLANTAS
• O UNIVERSO
• PICASSO
• O ANIMAIS
• AS FERRAMENTAS E ÚTILES DA PREHISTORIA
• ...

CARAPUCHIÑA DÁ UNHA VOLTIÑA POLO COLE

ESTES DÍAS AS MASCOTAS ANDAN A FACERNOS PENSAR A TRAVÉS DOS CONTOS CLÁSICOS.
 NELES APARECEN ESTEREOTIPOS, MODELOS DE NENAS E NENOS, DE MOZAS E MOZOS, QUE XA NON SON VÁLIDOS.
OS CONTOS CLÁSICOS TRANSMITEN UNHA IMAXE DA MULLER E DO HOME MOI LONXANA Á QUE DEBERÍAN TER HOXE, SON OBRAS IMPORTANTES LITERARIAS, PERO ADEMAIS DE COÑECELOS, DEBEMOS ANALIZALOS, REFLEXIONAR CRITICAMENTE SOBRE ELES.
SON DIVERTIDOS, MAIS DEBEMOS FACER PATENTES OS VALORES QUE TRANSMITEN, CRITICALOS PARA EVITAR QUE SIRVAN DE MODELOS.
HAI VERSIÓNS DELES QUE NOS AXUDAN NESA ANÁLISE E NA TAREFA DE POÑER O NOSO GRANCIÑO DE AREA PARA ACADAR A IGUALDADE ENTRE MULLERES E HOMES.
ENTRE OS CONTOS QUE CÓMPRE ANALIZAR ESTÁN O DE "BRANCANEVES E OS SETE ANANIÑOS", "CINCENTA", "A RATIÑA PRESUMIDA",... E "CARAPUCHIÑA VERMELLA" .
ASÍ QUE NÓS, IMOS TRABALLAR CON ESTE ÚLTIMO...
 QUEREDES ANALIZALO CONNOSCO?:

NO CONTO CLÁSICO A NAI DE CARAPUCHIÑA, CARAPUCHIÑA E A AVOA TEÑEN UN PAPEL UN TANTO RARIÑO... NON SI? .

O NORMAL SERÍA QUE SE CARAPUCHIÑA VAI A UN BOSQUE CHEO DE LOBOS MALINTENCIONADOS, NON LEVE UNHA CESTIÑA SEN MÁIS, O NORMAL É QUE VAIA ARMADA ATA OS DENTES!... CLARO QUE O NORMAL É QUE A SÚA NAI QUE É MOI RESPONSABLE, NIN SEQUERA SE LLE OCORRESE MANDALA AO BOSQUE... OU NON? MAIS SE TODO ISTO FALLASE... A AVOA, UNHA MULLER CON EXPERIENCIA... ABRIRÍA A PORTA, ASÍ SEN MIRAR? VÓS QUE CREDES?