OS PROXECTOS DO COLEXIO

ADEMAIS DE CONTINUAR CON TAREFAS RELACIONADAS CO NÚCLEO TEMÁTICO DA MENTIRA, ESTAMOS FACENDO PROXECTOS VARIADOS QUE APARECEN NOS RESPECTIVOS BLOGUES:
EN INFANTIL DE TRES ANOS REMATARON O PROXECTO DAS MASCOTAS... EN MASCOTILANDIA XA LLE FIXEMOS OCO ÁS NOVAS MASCOTAS, ESTAMOS IMPACIENTES POR VER AS SÚAS FOTOS!
EN INFANTIL DE CATRO CONTINÚAN CO PROXECTO DAS PLANTAS... ALGÚNS RESULTADOS DESE PROXECTO PODEDES VELOS NA EXPOSICIÓN SOBRE A CIENCIA
EN INFANTIL DE CINCO AVANZA RÁPIDO O PROXECTO SOBRE O CONTO DE PINOCHO, AGORA ESTÁN COMPARANDO VERSIÓNS DOS CONTOS (VERSIÓNS DIXITAIS E VERSIÓNS EN PAPEL)
EN PRIMEIRO CONTINÚAN CO PROXECTO SOBRE ANIMAIS... ANIMAIS DOMÉSTICOS NUNHA CLASE E SALVAXES NA OUTRA. AVERIGUARON COUSAS MOI INTERESANTES, POR EXEMPLO A RAZÓN DE QUE AS XIRAFAS TEÑAN UN PESCOZO TAN LONGO...
EN SEGUNDO REMATAN O PROXECTO SOBRE O CORPO HUMANO,... A DE ÓSOS QUE TEMOS!
TERCEIRO REMATOU O PROXECTO SOBRE A ALIMENTACIÓN E O DAS CASTAÑAS COMO ALIMENTO.
EN QUINTO CONTINÚAN CO PROXECTO SOBRE A PREHISTORIA... ULTIMAMENTE CHEGOULLES UNHA INFORMACIÓN SOBRE AS E OS NEANDERTHAIS, E CON ELA ANDARÁN.
...

DÍA INTERNACIONAL DA PALABRA

HOXE, 23 DE NOVEMBRO É O DÍA INTERNACIONAL DA PALABRA.
A PALABRA TEN UN ENORME PODER...
HAI PALABRAS PARA MOVERSE: SALTAR, CORRER, XIRAR, DANZAR, PASEAR,...

HAI PALABRAS PARA A PAZ: TOLERANCIA, AMOR, RESPECTO, AMIZADE,...

HAI PALABRAS PARA DAR CORES: TURQUESA, MAXENTA, VERMELLO, LARANXA,...

HAI PALABRAS PARA MEDIR: CURTO, LONGO, QUILOMÉTRICO, MILIMÉTRICO,...

HAI PALABRAS PARA XOGAR: BUXAINA, ENCRUCILLADO, CORDA, RODA,...

HAI PALABRAS PARA TODO!

OCÓRRENSEVOS PALABRAS PARA...?

20 DE NOVEMBRO DE 1959: DEREITOS DA INFANCIA

NON É MENTIRA! O 20 DE NOVEMBRO DE 1959 A ASEMBLEA XERAL DAS NACIÓNS UNIDAS APROBOU A DECLARACIÓN DOS DEREITOS DAS NENAS E DOS NENOS.
UN ARTIGO MOI IMPORTANTE É O DO DEREITO QUE TEMOS A QUE NOS "AXUDEN A DESENVOLVERNOS CON CORRECCIÓN E DE XEITO SA, TANTO NO PLANO FÍSICO, COMO NO INTELECTUAL, SOCIAL, MORAL,..."
NON É MENTIRA QUE PARA ESE DESENVOLVEMENTO TEÑEN QUE CONTRIBUÍR TODA A SOCIEDADE: A FAMILIA, A ESCOLA,... NON SE NOS PODE DEIXAR MEDRAR SEN SABER QUE ESTÁ BEN E QUE ESTÁ MAL, QUE HÁBITOS POSITIVOS HAI QUE TER, COMO COMPORTARNOS CON CORRECCIÓN,... NON PODEMOS MEDRAR SEN QUE SE NOS ENSINE A SER RESPONSABLES, A ESFORZARNOS, A RESPECTAR, A MADURAR...
ESTE CONTO PODE AXUDARNOS A COMPRENDELO.

Artigo 2º dtos infancia

View more presentations from xianadecide.

EN PRIMEIRO TRABALLAMOS APRENDIZAXE COOPERATIVA: AS MALETAS

EN PRIMEIRO, AS NENAS E OS NENOS, TAMÉN TROUXEMOS "AS NOSAS MALETAS", CADAQUÉN TROUXO AQUILO QUE ERA MOI IMPORTANTE PARA ELA OU PARA EL. ESTA ACTIVIDADE GUSTOUNOS MOITO, AXUDOUNOS A COÑECERNOS MELLOR. AGORA ESTAMOS ESCRIBINDO A EXPERIENCIA NUN LIBRIÑO, PERO PARA QUE VAIADES VENDO ALGO DA ACTIVIDADE AQUÍ VOS POÑEMOS UNHAS FOTOS.

BUSCAMOS A UNHA MENTIREIRA POLA ESCOLA

MASCOTILANDIA, 12 DE NOVEMBRO 2010

BOAS CASTAÑAS!
PERDÓN... EN QUE ESTARÍA EU PENSANDO?
BOS DÍAS!

ACABO DE RECIBIR UNHA NOTA URXENTE, HAI UNHA NENA QUE ANDA DICINDO MENTIRAS GORDÍSIMAS PARA LIBRARSE DOS CASTIGOS. NON SEI COMO SE CHAMA, PERO TEÑO ESTA FOTO DELA... SE A VEDES ENSINÁDELLE

A CONTAR A VERDADE.
ESTABA CLARO QUE TANTA MENTIRA XUNTA NON PODÍA TRAER NADA BO: VILAVERDIÑO, O NOSO GALO, ESTÁ MOI MALIÑO, TEN UNHA FEBRE MENTIREIRA DE MOITO COIDADO. RECOLLEU AS MENTIRAS QUE TENDES GARDADAS NA CLASE PARA QUE NON SE ESPALLEN E DEDICOUSE A CONTALAS...OCORRERON MOITAS COUSAS. IMAXINADE QUE PUIDO OCORRER CANDO COLLEU ALGUNHA DAS MENTIRAS DA VOSA CLASE E ESCRIBÍDEO, A VER SE LLE DÁ VERGOÑA E CURA DESA ENFERMIDADE.

APERTAS DE VERDADE

A MASCOTA

A PESAR DO MAL TEMPO... PUIDEMOS CELEBRAR O MAGOSTO

A MASCOTA DO MAGOSTO, ANTÍO, INDA QUE TARDE, CHEGOU PARA O MAGOSTO. NON DERA CHEGADO ANTES PORQUE TANTA MENTIRA SOBRE O MAGOSTO O CONFUNDIU UN POUCO. PERO VEU E AXUDOU A COLOCAR A CARTELERÍA PARA A EXPOSICIÓN "A CIENCIA DO MAGOSTO.



COMO SEMPRE PACO E O ALUMNADO MAIOR PREPARARON A FOGUEIRA E ASARON AS CASTAÑAS QUE XA FORAN TRAÍDAS CON ANTERIORIDADE POR TODAS AS NENAS E NENOS.
SENTÁMONOS A COMER AS CASTAÑAS... USAMOS CUCURUCHOS, BOLSAS, CESTAS E OUTROS ARTILUXIOS PARA RECOLLELAS...QUE BOAS ESTABAN!

AO REMATAR DE COMER... BAILAMOS, XOGAMOS A XOGOS POPULARES E TRADICIONAIS, ...

O ALUMNADO DE 1º VISITA A BIBLIOTECA PÚBLICA

O MARTES, 2 DE NOVEMBRO, O ALUMNADO DE 1º VISITOU A BIBLIOTECA PÚBLICA. ALÍ APRENDEU COMO FUNCIONABA A BIBLIOTECA, CALES ERAN AS NORMAS PARA O EMPRÉSTITO, COMO SE UBICABAN OS LIBROS,...
FIXERON ACTIVIDADES VARIADAS: LER, XOGAR E MESMO ESCOITAR O CONTO DA "CEBRA CAMILA". FOI TODO MOI DIVERTIDO E EDUCATIVO.

SEGUIMOS COAS MENTIRIÑAS

O OUTRO DÍA LEMOS O LIBRO "MAMÁ PUSO UN HUEVO"... TODA UNHA TROLA. PERO INDA SEGUEN AS TROLAS COS OVOS. AGORA A QUE PUXO UN OVO É UNHA VACA QUE SE CHAMA MACARENA... MIRADE O CONTO ESTE E VEREDES ATA ONDE PODE CHEGAR UNHA MENTIRA...