CON AGARIMO PARA O NOSO ALUMNADO

O PROFESORADO E O PERSOAL NON DOCENTE DO COLEXIO FIXERON PARA O ALUMNADO ESTA MENSAXE CON MOITO AGARIMO.
ÁNIMO QUE DE CONTADO IMOS PODER VERNOS!
QUEREDES CANTAR E BAILAR CONNOSCO?

QUEDAMOS EN CASA 3

A ATENCIÓN E APOIO EMOCIONAL ÁS NENAS E NENOS NESTA SITUACIÓN É O PRIMEIRO.
DESPOIS PODEMOS TENTAR QUE TEÑAN ALGUNHA OCUPACIÓN INTERESANTE.

HAI MOITAS TAREFAS QUE PODEMOS FACER CONTEXTUALIZADAS NA CASA, TODAS ELAS SON RICAS, VARIADAS, DIVERTIDAS E... O MELLOR... DESENVOLVEN COMPETENCIAS.

ESCOLMAR AS QUE MÁIS NOS APETECEN É UNHA TAREFA CONXUNTA ESTUPENDA PARA FACER EN FAMILIA.

QUEREDES VER ALGUNHAS POSIBLES?

- FACER DEBATES E MANTER CONVERSAS PARA QUITAR A ANGURIA. TEMOS PROPOSTAS NOS BLOGS (CONTOS, VÍDEOS,...) E NESTE ENLACE.  ADEMAIS PODEN INVENTAR POEMAS, DEBUXOS, CONTOS, ... SOBRE ISO E MESMO, INVESTIGAR EN PÁXINAS OFICIAIS .
- ESCRIBIR CARTAS OU MENSAXES ÁS COMPAÑEIRAS E COMPAÑEIROS QUE TAMÉN ESTÁN QUEDANDO NA CASA.
- FACER FOTOS SOBRE O QUE FACEMOS NA CASA E ORGANIZALAS NUN ÁLBUM, CARTEL, DIARIO, CALENDARIO E COMPARTILO.
- FACER EXPERIMENTOS DIVERTIDOS CO QUE TEMOS POLA CASA.
- APROVEITAR AS COMIDAS, OS MOMENTOS DE ASEO, DE FALADOIRO PARA TRABALLAR ASPECTOS RELACIONADOS COA SAÚDE, COIDADO DO CORPO, A EDUCACIÓN DAS EMOCIÓNS E OS AFECTOS, A IGUALDADE DE OPORTUNIDADES... BUSCAR IDEAS PARA COMPARTIR COA VECIÑANZA A TRAVÉS DAS FIESTRAS E BALCÓNS...
- XOGAR; INDIVIDUALMENTE, EN FAMILIA, EN PARELLAS,... VALEN XOGOS DE MESA, DE CONSTRUCIÓN,, POPULARES,... FACER XOGO SIMBÓLICO  (QUE TAL UN DISFRACE COAS ROUPAS QUE TEMOS A MAN? E SIMULAR UN SUPER NA COCIÑA, UNHA PERRUQUERÍA NO BAÑO?,...)
- BAILAR, CANTAR,...
- LER CONXUNTAMENTE, LER INDIVIDUALMENTE,...

TAMÉN É BO E FUNDAMENTAL, LEMBRADE, TER ESPAZOS PARA NON FACER. PARA TER LECER, PARA PENSAR, PARA NÓS. NON SE TRATA DE ENCHER TODOS OS MOMENTOS CUN SINFÍN DE PROPOSTAS QUE NOS ESTRESEN. UN HORARIO ADECUADO TAMÉN TEN QUE TER ESPAZOS DE DESCANSO.

PODEDES VER SUXESTIÓNS PARA ENFRONTAR ESTA SITUACIÓN NO BLOG DE VALORES.

QUEDAMOS NA CASA 2

POR SE  RESULTA DE INTERESE A TELEVISIÓN GALEGA E RTVE OFERTAN ESTES RECURSOS:

- NA CRTVG POLA G2, HABERÁ UN BLOQUE EDUCATIVO PARA O ALUMANDO GALEGO. SERÁ ENTRE AS 11 E AS 13 HORAS.

- RTVE , En CLAN  TV  E NA 2 TEN PROGRAMA CON CONTIDOS PEDAGÓXICOS PARA O ALUMANDO DE 1º A 6º A PARTIR DAS 9 DA MAÑÁ.

EXPLICANDO A SITUACIÓN ÁS NENAS E AOS NENOS

ADEMAIS DOS CONTOS QUE TEMOS NO BLOG DA BIBLIOTECA E NOS BLOG DE NIVEL, TAMÉN PODEMOS USAR:

• VÍDEO

• INFOGRAFÍAS

• CARTEIS

• LIBROS CON PICTOGRAMAS PARA DESCARGAR

SÍNTOMAS DO CORONA VIRUS

QUE É O CORONAVIRUS?

CARTEL "QUEDAMOS NA CASA"

HAI ALUMANDO QUE ELABOROU CARTEIS CO LEMA "QUEDAMOS NA CASA"
QUEREDES VELOS?

NOS BLOG HAI MÁIS!

QUEDAR NA CASA

POR MOR DA DECLARACIÓN DO ESTADO DE ALARMA, O NOSO CENTRO SEGUIRÁ AS INSTRUCIÓNS DADAS POLA CONSELLERÍA (QUE PODEN CONSULTARSE NA SÚA PÁXINA WEB).

SUXERIMOS: 

• AXUDAR ANTES DE NADA ÁS NENAS E AOS NENOS A ENFRONTAR A SITUACIÓN DE FORMA POSITIVA. NON CENTRARSE EN "NON NOS DEIXAN SAÍR" SENÓN EN "ESTAMOS A QUEDAR NA CASA POR SOLIDARIEDADE, PARA AXUDAR, PARA SALVAR VIDAS". É BO QUE COMPRENDAN QUE ESTAMOS FACENDO UN ACTO DE COLABORACIÓN: NON É POLO MEDO A CONTAXIARNOS, É PARA PROTEXER Á XENTE CON SAÚDE FRÁXIL.

• MANTER UN HORARIO E UNHA RUTINA. PODEMOS CONSENSUAR DE ACORDO COAS DIFERENTES OBRIGAS E ANOTAR ESE HORARIO DE XEITO VISIBLE E COMPRENSIBLE. NEL PODE HABER: RUTINAS DE HIXIENE, LIMPEZA E CORRESPONSABILIDADE NO FOGAR, DEBERES E REPASO DE CONTIDOS ESCOLARES SE O VEMOS NECESARIO, ACTIVIDADES ESPECIAIS EN FAMILIA, UN POUQUIÑO DE ACTIVIDADE FÍSICA LIXEIRA, A HORA DE LER, ... CADA FAMILIA PODERÁ FACELO DE ACORDO COS SEUS TEMPOS, ESPAZOS E CIRCUNSTANCIAS. CADA HORARIO DEBE SER ADECUADO ÁS CIRCUNSTANCIAS DE CADA CASA E PERSOAS DA FAMILIA E SOBRE TODO... ELABORADO CON LÓXICA E SENSATEZ.

O PROFESORADO TEN NOS BLOG DE NIVEL E NO RESTO DE BLOGS (AOS QUE SE PODE ACCEDER TAMÉN NO LADO DEREITO DESTE) SUXESTIÓNS DE REPASO QUE PODEN AXUDAR SE PRECISAMOS IDEAS, HAI TAMÉN ENLACES CON PÁXINAS DE INTERESE PARA REALIZAR PASENIÑO TAREFAS VARIADAS. O ALUMNADO DE 5º E 6º ADEMAIS TEN MATERIAL E TAREFAS NA AULA VIRTUAL.

PARA TER ALGÚN REPERTORIO MÁIS DE ACTIVIDADES, SÓ POR SE AS PRECISAMOS, NESTE ENLACE HAI TAREFAS POR NIVEL E ÁREA DENDE INFANTIL.

DEBEMOS LEMBRAR QUE OS TEMPOS NON PODEN ESTAR ATEIGADOS DE CONTIDO, DEBERÁ HABER MOMENTOS PARA SIMPLEMENTE ESTAR EN FAMILIA, AMOSARSE AFECTO, DIVERTIRSE CONXUNTAMENTE,... 

UN VÍDEO INTERESANTE SOBRE PREVENCIÓN DE DOR DE ESPALDA

ANTE A SUSPENSIÓN DE CLASES E DALGUNHAS ACTIVIDADES COMO A RELACIONADA COA "PREVENCIÓN DE DOR DE COSTAS EN NENAS E NENOS"...

AS PERSOAS EXPERTAS QUE TRABALLARON CO ALUMNADO SOBRE ESTA PREVENCIÓN (DIRIXIDAS POR MANUEL FRAIZ BARBEITO), REMITEN UN VÍDEO (VISIBLE DENDE ESTE ENLACE) COAS PRINCIPAIS PAUTAS DE HIXIENE POSTURAL, ACTIVIDADE FÍSICA E PREVENCIÓN.

8 DE MARZO

CO GALLO DA CELEBRACIÓN DO 8 DE MARZO, NO COLEXIO REFLEXIONAMOS SOBRE A IGUALDADE ANTE O TRABALLO.
TEMOS PRESENTACIÓNS, ...

HISTORIAS E OUTROS TEXTOS PARA GUIAR O DEBATE.
ADEMAIS IMOS FACER UN LIBRO

ESTES DÍAS O ALUMNADO PUIDO XOGAR COS ROBOTS AO REDOR DA IGUALDADE. NA BIBLIOTECA E NAS AULAS PUIDERON REFLEXIONAR SOBRE ASPECTOS TRABALLADOS AO LONGO DE TODA ESTA SEMANA.

OBRADOIROS NO LABORATORIO

TRABALLANDO COA COMPOSTAXE, DE 2º A 6º VAN REALIZAR OBRADOIROS DO PROXECTO "REVITALIZA".
TERÁN LUGAR NO LABORATORIO DENDE O DÍA 4 DE MARZO.
NOS RESPECTIVOS BLOG VAI IR HABENDO INFORMACIÓN.

XUNTANZAS DALGÚNS CLUBS DE LECTURA

NO COLEXIO TIVERON LUGAR ESTA SEMANA XUNTANZAS DE CLUBS DE LECTURA.
MÁIS CONCRETAMENTE O DE 4º E 5º

CARA AO SALÓN DO LIBRO

NO COLEXIO LEVAMOS SEMANAS TENDO COMO CENTRO DE TRABALLO O HUMOR.
OS CHISTES SON UNHA EXPRESIÓN HUMORÍSTICA INTERESANTE. AS NENAS E OS NENOS RECOLLERON CHISTES E SELECCIONARON ALGÚNS EN GALEGO PARA FACER UN LIBRO.
PODEDES VER UN AVANCE AQUÍ E O LIBRO COMPLETO NO SALÓN DO LIBRO DE PONTEVEDRA

HOMENAXE A ROSALÍA DE CASTRO NO COLEXIO

S EQUIPOS DE DINAMIZACIÓN E DE BIBLIOTECA DESEÑARON UNHA ACTTIVIDADE DE INTERCAMBIO DE RECITADOS ENTRE AULAS.

NAS TITORÍAS O ALUMNADO PREPAROU DIVERSAS MANEIRAS DE RECITAR A ROSALÍA E...
AO LONGO DO DÍA VARIOS RECITADOS TIVERON LUGAR. NOS BLOGS DE NIVEL ATOPAREDES IMAXES, AQUÍ DEIXAMOS ALGUNHA FOTO E VÍDEO.

OBRADOIROS DE COMERCIO XUSTO NA BIBLIOTECA

A CARGO DE MANS UNIDAS E DENTRO DO PROXECTO DE HORTO ESCOLAR QUE TEMOS NO CENTRO, O ALUMNADO ASISTIU A CHARLAS RELACIONADAS CO COMERCIO XUSTO.
NOS BLOGS DE NIVEL VAI IR HABENDO INFORMACIÓN.