BENVIDA

Ola nenas! Ola nenos! Benvidas e benvidos á bitácora oficial da asociación de mascotas do colexio.

30/1/14

CELEBRACIÓN DO DÍA DA PAZ

HOXE SAÍMOS AO PATIO PARA CELEBRAR O DÍA DA PAZ.
 DESPOIS DE TRABALLAR SOBRE O ACOSO ESCOLAR, IMOS AMOSAR O NOSO REXEITAMENTO CONTRA CALQUERA TIPO DE VIOLENCIA E PROMOVER A LOITA CONTRA O BULLYING.
POÑEREMOS AS  NOSAS MANS AO SERVIZO DA PAZ.
ELABORAMOS UNHA CHEA DE PANTARCAS E CARTACES QUE TEÑEN AS MANS COMO PROTAGONISTAS.
CANTAREMOS E BAILAREMOS UNHA CANCIÓN SOBRE AS MANS E TODO AQUILO QUE PODEN FACER SEN QUE SEXA VIOLENTO.
1. BAIXAMOS AO PATIO COAS NOSAS PEGATINAS. COLOCÁMONOS

2. EXPLICAMOS A NOSA PANCARTA E OS CARTEIS. LEMOS O NOSO MANIFESTO CONTRA O ACOSO.

3. BAILAMOS E CANTAMOS DIRIXIDAS E DIRIXIDOS POLO ALUMNADO DE 6º

4. COLOCAMOS AS PANCARTAS POLO COLEXIO (POR DENTRO E POR FÓRA)

27/1/14

A FAVOR DA PAZ NO COLEXIO. CONTRA O ACOSO ESCOLAR

DENDE HAI VARIOS DÍAS NO COLEXIO VIMOS TRABALLANDO UNHA TAREFA COMPLEXA RELACIONADA COA PAZ.
NESTE CURSO A TEMÁTICA RELACIÓNASE CO ACOSO ESCOLAR, COMO ATALLALO E PREVILO.
LORETO, A PROTAGONISTA DO LIBRO "OS PETOS DE LORETO"  (LIBRO CO QUE, COMO SABEDES, ESTAMOS A TRABALLAR EN ANIMACIÓN LECTORA TODAS AS CLASES DO COLE), MANDOUNOS HISTORIAS PARA APRENDER A RECOÑECER O ACOSO E OS SEUS TIPOS.
1. PARTIMOS DUN DEBATE EN GRUPOS SOBRE O QUE CREMOS QUE É ACOSO USANDO UNHAS IMAXES
2. CATEGORIZAMOS AS IMAXES POR TIPOS DE ACOSO
3. COMPLETAMOS INFORMACIÓN E SUBSANAMOS DÚBIDAS LENDO HISTORIAS E VENDO VÍDEOS SOBRE O ACOSO. TODAS ELAS REMITIDAS POR LORETO.
4. FALAMOS DE COMO PREVILO E PARALO.
E NO COLE DECIDIMOS PARALO... PARA CONCIENCIARNOS E REINVIDICAR O DEREITO A NON SUFRIR ACOSO...
5. ELABORAMOS CARTEIS A PARTIR DE EXEMPLOS E MODELOS TENDO AS MANS COMO PROTAGONISTAS DOS MESMOS
6. PREPARAMOS UNHA CANTIGA-BAILE PROTAGONIZADA POLAS MANS

TODO ESTE TRABALLO FIXÉMOLO COA AXUDA DUNHA PRESENTACIÓN QUE NOS SERVÍU DE GUIÓN. UNHA PRESENTACIÓN PARA AS E OS MAIORES E OUTRAS PARA PEQUES.



...


O DÍA 30 SAIREMOS AO PATIO CON PANCARTAS ELABORADAS NAS AULAS, CON ESLOGANS E CUNHA CANTIGA... A IDEA CENTRAL É USAR AS MANS PARA PARAR O ACOSO, USAR AS MANS PARA ACARIÑAR, SAUDAR, LER, MANDAR BICOS, ESCRIBIR,... NUNCA PARA ACOSAR E USAR A VIOLENCIA.
TODO COMPLETARASE CUN FOLLETO PARA QUE AS FAMILIAS LEAN CO ALUMNADO NA CASA E QUE SE ENTREGARÁ O XOVES.

14/1/14

MÁIS PROXECTOS DE TRABALLO

COMEZAMOS O NOVO ANO CON PROXECTOS NOVOS, ADEMAIS DE TRABALLAR SOBRE A PAZ E CONTRA O ACOSO, APARECEN NOVOS PROXECTOS:

  • O CORPO HUMANO
  • AS ILLAS BALEARES
  • O UNIVERSO


  • OS ANIMAIS E AS PLANTAS
  • AS COMIDAS
  • ...
E INVESTIGACIÓNS NO LABORATORIO:


  • A LUZ
  • AS PLANTAS E ANIMAIS
XA VOS IREMOS CONTANDO NOS BLOG

13/1/14

UNHA VISITA NAS AULAS

NADA MÁIS COMEZAR TIVEMOS CARTA DAS MASCOTAS DE CLASE QUE NOS PRESENTAN A LORETO.
COÑECÉDELA?

LORETO TEN UN ABRIGO CHEO DE PETOS E DELES SAEN MOOOOOITAS COUSAS...: OBXECTOS VARIOS, PALABRAS,...
ESTÁN SAÍNDO MESMO HISTORIAS.
SON HISTORIAS QUE LORETO NOS CONTA PARA QUE APRENDAMOS A DEFENDERNOS CONTRA O ACOSO.
LORETO QUERE QUE LOITEMOS POLA PAZ... E O ACOSO ESTÁ CONTRA A PAZ.
AS NOSAS MANS SERÁN "OS INSTRUMENTOS PARA A PAZ", XA VEREDES QUE DE COUSAS FACEMOS.