UNHA COMISIÓN DE ELABORACIÓN DA CONSTITUCIÓN

NAS CLASES ELABORAMOS OS ARTIGOS PARA A NOSA CONSTITUCIÓN PARA A PAZ. HABÍA ARTIGOS CURTOS E MOI CONTUNDENTES, ARTIGOS ESCRITOS POR TODAS AS NENAS E TODOS OS NENOS DA CLASE, VARIADOS ARTIGOS EN PAPEIS DE CORES, ARTIGOS LONGOS - LONGUÍIIIIIIIIIISIMOS,...

DESPOIS DE QUE NA CLASE SE PROPUXESEN ARTIGOS PARA A CONSTITUCIÓN, ESES SON LEVADOS A UNHA COMISIÓN.
HOXE REUNIUSE A "COMISIÓN DA CONSTITUCIÓN PARA A PAZ NO COLEXIO". FORMAN PARTE DELA UNHA ALUMNA OU UN ALUMNO DE CADA CLASE, QUE LEVA Á COMISIÓN UNHA PROPOSTA DE ARTIGOS PARA A CONSTITUCIÓN.

NA COMISIÓN COMENTOUSE CALES ERAN DEREITOS E CALES DEBERES, MODIFICOUSE O QUE SE CONSIDEROU, ESCRIBIUSE TODO ORDENADO, ELIMINOUSE O REPETIDO... ESCRIBÍRONSE;NO ORDENADOR E NA PANTALLA IAMOS VENDO SE NA ESCRITA HABÍA ALGÚN ERRO.
AGORA TEMOS TODO NUN DOCUMENTO COMÚN..:A CONSTITUCIÓN PARA A PAZ NO COLE.

A CONSTITUCIÓN ELABORADA NA COMISIÓN VOLVERÁ ÁS AULAS MAÑÁ, ONDE TRABALLARÁN CON ELA ANTES DA XORNADA DE REFLEXIÓN E DO DÍA DA VOTACIÓN E ONDE SE ELABORARÁ A CONSTITUCIÓN DEBUXADA QUE SE EXPORÁ NO PATIO.
TEMOS A SEGURIDADE DE QUE SE APROBARÁ, ASÍ QUE PREPARAMOS UN BAILE PARA CELEBRALO!

XA REMATAMOS A HISTORIA DE VILAVERDIÑO MENTIREIRO

NAS AULAS ELABORAMOS O CONTO DE VILAVERDIÑO MENTIREIRO, TEN VARIOS CAPÍTULOS CADA CLASE OU NIVEL ELABOROU UN CAPÍTULO... E É QUE VILAVERDIÑO REALMENTE DIXO TANTAS MENTIRAS QUE AS SÚAS TRASNADAS DERON PARA MOITO.
IMOS PRESENTAR O LIBRO AO "SALÓN DO LIBRO DE PONTEVEDRA" (ONDE PODEREDES VELO SE QUEREDES), PERO DESPOIS XA O EXPOREMOS NO COLEXIO.

IMOS TRABALLAR NO CENTRO SOBRE A PAZ

MASCOTILANDIA, 11 DE XANEIRO DE 2011

OLA NENAS, OLA NENOS! OLA PROFE!: FELIZ ANO 2011!

DENTRO DUNS DÍAS SERÁ O DÍA DA PAZ. DEBERÍAN SER TODOS OS DÍAS DÍAS DE PAZ, ASÍ QUE NO COLE IMOS POÑER O NOSO GRAN DE AREA, NON VOS PARECE?

A FILLA DE CONSTITUCIÓN, MANDOUNOS UNHA CARTA A MASCOTILANDIA PEDÍNDONOS QUE LLE AXUDEMOS A FACER UNHA CONSTITUCIÓN PARA A PAZ NO COLE. ASÍ QUE

1. IMOS REPASAR QUE É ISO DA CONSTITUCIÓN…

IMOS VER ALGUNHA COUSIÑA QUE FALE DE PAZ NO BLOG http://xianadecide.blogspot.com/ (VÍDEOS, POESÍAS,…)

2. EN GRUPOS FALAMOS DO NECESARIO PARA TER PAZ NO COLE E ANOTÁMOLO (FOLIO XIRATORIO)

3. POÑEMOS EN COMÚN TODAS AS IDEAS

4. CADA GRUPO PROPOÑEMOS UN ARTIGO PARA A CONSTITUCIÓN DA PAZ (LAPIS AO CENTRO)

5. NOMEAMOS A ALGUÉN DA CLASE QUE FORME PARTE DA COMISIÓN DO COLE PARA ELABORAR A CONSTITUCIÓN. ESA PERSOA LEVARÁ Á COMISIÓN OS ARTIGOS QUE PROPOMOS

6. CANDO TEÑAMOS TODOS OS ARTIGOS QUE A COMISIÓN SELECCIONOU, FALAREMOS DELES NA CLASE

7. DEBUXAREMOS ARTIGOS PARA O CARTEL DO PATIO (1-2-4)

8. PREPARAREMOS A VOTACIÓN: CENSO, CARNÉS, MESA DE VOTACIÓN….

9. O DÍA DA PAZ VOTAREMOS A NOSA CONSTITUCIÓN E SAÍREMOS AO PATIO CELEBRALO CUNHA CANTIGA E PEGAR O NOSO DEBUXO NO CARTEL.

BICOS, BICOS E MÁIS BICOS

AS MASCOTAS

 A canción que imos bailar na celebración é:

O XOGO DA CARRASQUIÑA

O XOGO DA CARRASQUIÑA

É UN XOGO ASÍ AO LADO.

BAIXAR OS OLLOS EN TERRA

TODO O MUNDO FICA ADMIRADO.

OH! MATILDA SACODE A SAIA,

OH! MATILDA LEVANTA O DEDO.

DÁME UN BEIXO, MARIQUIÑA,

QUE EU CHE DAREI UN ABRAZO.

AI, QUE VIDA É A NOSA

DAR BEIXOS, DAR ABRAZOS 

O REMATE FINAL: O LIBRO DE VILAVERDIÑO MENTIREIRO

COMO VOS DICIAMOS NA ENTRADA ANTERIOR, ESTAMOS A PIQUES DE REMATAR TODO O TRABALLO SOBRE AS MENTIRAS... HOUBERON LECTURAS VARIADAS, CANTIGAS, NOTICIAS,... PERO TAMÉN:
PROXECTOS: COMO O DE PINOCHO EN INFANTIL DE CINCO, O DE DINOSAUROS EN INFANTIL DE CATRO, O DA PREHISTORIA EN 5º,...
FIXÉRONSE MOITAS ACTIVIDADES DE LECTOESCRITURA... E POR FIN ESCRIBIMOS UN CONTO COAS MENTIRAS QUE RECOLLEMOS EN CADA CLASE... OS CONTOS FORMAN PARTE DUN LIBRO TROQUELADO QUE TEN POR PROTAGONISTA Á MASCOTA PRINCIPAL DO COLEXIO (VILAVERDIÑO). PODEDES VER IMAXES NOS BLOG DE CADA NIVEL, PERO TAMÉN AS TEREDES NESTE BLOG.
MAIS TOCAR O LIBRO, FOLLEALO,... E VELO CON DETALLE TEREDES QUE IR ATA O SALÓN DO LIBRO DE PONTEVEDRA.

REMATANDO O TRABALLO SOBRE AS MENTIRAS

IMOS REMATANDO O TRABALLO DAS MENTIRAS. AO LONGO DESTE TEMPO VIMOS MENTIRAS DE TODO TIPO: ASTRONÓMICAS, XEOGRÁFICAS, BOTÁNICAS, XORNALÍSTICAS,... HOUBO MENTIRAS DE CONTO (ROSA NO SEAS MENTIROSA, PINOCHO, O PASTOR E O LOBO, A TARTARUGA MENTIREIRA,...), MENTIRAS POÉTICAS, MENTIRAS NAS NOTICIAS, MENTIRAS DIVERTIDAS, MENTIRAS COMO EXCUSA,... E MESMO CANCIÓNS CON MENTIRAS. FALANDO DE CANCIÓNS... AQUÍ TENDES UNHA PARA POÑER FINAL A ESTE CENTRO DE INTERESE QUE NOS ACOMPAÑOU DURANTE TODO O PRIMEIRO TRIMESTRE.

ESQUECÍA DICIR QUE TAMÉN TEMOS UNHA EXPOSICIÓN DE LIBROS DE LITERATURA INFANTIL E XUVENIL NO CORREDOR DO COLEXIO, A EXPOSICIÓN FOI COLOCADA POLA COMISIÓN DA BIBLIOTECA. HAI LIBROS DE TODO TIPO E TAMÉN HAI UNHAS FIGURAS DE PLASTILINA QUE REPRESENTAN OS PERSONAXES DOS CONTOS: PINOCHO E GEPPETO, CINCENTA, ALÍ BABÁ,...