DESPOIS DUN TRIMESTRE DE TRABALLO... VACACIÓNS!!!

XA ESTAMOS NAS VACACIÓNS!
AS NENAS E OS NENOS DO COLEXIO NESTES ÚLTIMOS DÍAS ELABORARON DEBUXOS PARA UNHA TARXETA DE NADAL, ADEMAIS CADA CLASE REMITIU O SEU DESEXO PARA UN ACRÓSTICO.
VELAQUÍ COMO QUEDOU TODO...

O CENTRO ESTIVO CHEO DE TRABALLOS RELACIONADOS CON ESTAS DATAS, COS PROXECTOS REMATADOS, COAS NOSAS CREACIÓNS ORIXINAIS,...SUPOÑEMOS QUE OS VISTES XA, ASÍ QUE SÓ VOS DEIXAMOS UN ANAQUIÑO DO MURAL DE INGLÉS...

DENTRO DUNS DÍAS ENTRAREMOS NUN NOVO ANO.
OGALLÁ SEXA UN BO ANO PARA TODAS E TODOS.
VÉMONOS EN XANEIRO!
VIREMOS CON MOITA ENERXÍA, EN PARTE PORQUE HOXE TOMAREMOS UNHA ESTUPENDA CHOCOLATADA E VISITARANOS PAPA NOËL.


A CHOCOLATADA FOI ELABORADA POLA ANPA, MIRADE COMO ESTÁN EN PLENA FAENA MENTRES NÓS SABOREAMOS ROSCA E CHOCOLATE. PAPÁ NOËL APARECEU POR SORPRESA NAS CLASES...TODO UN AGASALLO POR ADIANTADO.

UNHA CHARLA COA POLICÍA

A POLICÍA ESTIVO NO COLEXIO PARA INFORMARNOS SOBRE OS PERIGOS QUE TEN UN USO IRRESPONSABLE DE INTERNET.
FOI UNHA CHARLA MOI INSTRUTIVA. PENSAMOS TOMAR BOA NOTA DO QUE NOS DIXERON

MENTRES IMOS PECHANDO TRIMESTRE...

PECHAMOS TRIMESTRE,
 REMATAMOS PROXECTOS,
 PREPARAMOS CHOCOLATADA...
FALANDO DE CHOCOLATADA... CALCULAMOS O PREZO?

TRABALLAMOS EN EI COS DATOS DO EVENTO?

LEMBRADES QUE ESTIVO A RADIO NO COLE?

SE QUEREDES ESCOITAR O QUE GRABAMOS PARA ONDACERO, A PARTIR DO LUNS 17 DE DECEMBRO E ATA O VENRES 18 (DE LUNS A VENRES, AMBOS INCLUSIVE) DE 11:50 A 12 HORAS PODEDES ESCOITARNOS EN DIRECTO.
PARA MÁIS DETALLES ENTRADE NO BLOG DO EQUIPO DE DINAMIZACIÓN.

12-12-12 ÁS 12

DESPOIS DE TRABALLAR ESTES DÍAS SOBRE A FIGURA DE CELSO EMILIO, OS SEUS POEMAS, A SÚA BIOGRAFÍA.
DESPOIS DE LER PRESENTACIÓNS EN POWER POINT, DE REALIZAR ESQUEMAS VARIADOS SOBRE A SÚA VIDA: ÁLBUM, LIÑA BIOGRÁFICA...
DESPOIS DE RECITAR POEMAS, DE ICONOGRAFIALOS,... DESPOIS DE RAPEAR UN DOS SEUS POEMAS MÁIS COÑECIDOS...
DESPOIS DE ELABORAR UNHA FERMOSA PANCARTA...


CELEBRAMOS TODO O COLE XUNTO O CENTENARIO DO NACEMENTO DESTE INSIGNE ESCRITOR!

POREMOS MÁIS FOTOS NO BLOG DO EQUIPO DE DINAMIZACIÓN.

OS NOVOS PROXECTOS DO TRIMESTRE

ESTÁN EN MARCHA NOVOS PROXECTOS NAS AULAS.
ALGÚNS VAN TER CONTINUIDADE NO SEGUINTE TRIMESTRE E OUTROS REMATARÁN AO FINAL DESTE ANO 2012...
ENTRANDO NOS BLOG PODEDES VELOS E OBSERVAR COMO AVANZAN:

• AS TARXETAS
• ANIMAIS DA GRANXA
• PICASSO
• AS PLANTAS
• SISTEMA SOLAR
• OS ANIMAIS
• AS AUTONOMÍAS. GALICIA.

E EN INGLÉS TAMÉN INVESTIGAMOS SOBRE ALGÚNS DOS PROXECTOS

UNHA VISITA MOI AGARDADA

ANXO MOURE, O AUTOR DO LIBRO " O CARBALLO CON BOTAS" ESTIVO NO COLEXIO PARA QUE AS NENAS E NENOS DE 1º E DE INFANTIL QUE LERAN O SEU LIBRO, PUIDESEN COMENTALO CON EL.
FOI UNHA SESIÓN ESPUPENDA.

CELEBRAMOS NO COLEXIO O CENTENARIO DO NACEMENTO DE CELSO EMILIO FERREIRO

CELSO EMILIO FERREIRO NACEU EN 1912.
NO CENTRO ESTAMOS A TRABALLAR PARA COÑECELO UN CHISCO MELLOR:

• A SÚA BIOGRAFÍA.


Celso emilio from zuceac


• ALGÚNS DOS SEUS POEMAS QUE RECITAMOS, ICONOGRAFAMOS, CANTAMOS,...
• AS SÚAS REINVIDICACIÓNS

TAMÉN CON LOLA ESTAMOS RAPEANDO UN DOS SEUS POEMAS MÁIS COÑECIDOS.

USAMOS ESTRATEXIAS COOPERATIVAS PARA RESUMIR, PARA LER, PARA CONSENSUAR...

NA BIBLIOTECA APARECE UN POEMA DO AUTOR E UNHA ESCOLMA DE LIBROS.
IMOS FACER UNHA ACTIVIDADE CONXUNTA O 12-12-12 ÁS 12. SE QUEREDES SABER ALGO MÁIS DELA VISITADE O NOSO BLOG DE DINAMIZACIÓN DENTRO DUNS DÍAS.

ONDACERO E AS NOSAS INVESTIGACIÓNS

LEMBRADES QUE PARA O MAGOSTO TODO O COLEXIO CONTRIBUÍU CUNHA INVESTIGACIÓN? POIS...
GRABAMOS PARA ONDACERO ALGUNHAS COUSIÑAS DAS QUE INVESTIGAMOS:

• COMO SE CELEBRA O MAGOSTO
• O MAGOSTO NO NOSO COLEXIO
• A GASTRONOMÍA NO MAGOSTO
• REFRÁNS
• O VESTIARIO DE OUTONO
• O CLIMA, AS CORES, A METEREOLOXÍA
• OS ANIMAIS NO OUTONO
• AS PLANTAS NO OUTONO E AS FLORES
• A ASTRONOMÍA OUTONAL
• AS CELEBRACIÓNS E AS FAENAS AGRÍCOLAS E GANDEIRAS NO OUTONO
• ...

NO NOSO BLOG DO EQUIPO DE DINAMIZACIÓN TEMOS TAMÉN INFORMACIÓN SOBRE O EVENTO.

XA PODEDES VISITAR A EXPOSICIÓN DOS RESULTADOS

AS PALABRAS, 23 DE NOVEMBRO

DICIAMOS NA ENTRADA ANTERIOR QUE IAMOS REINVIDICAR O DEREITO Á EDUCACIÓN E A LOITA CONTRA O MALTRATO DE XÉNERO CON PALABRAS FERMOSAS.
 VELAQUÍ ALGUNHAS:

NESTE NOVEMBRO...

O DEREITO Á EDUCACIÓN ESTÁ RECOLLLIDO "NA DECLARACIÓN DOS DEREITOS DAS NENAS E DOS NENOS" (20 DE NOVEMBRO): TODAS E TODOS TEMOS DEREITO A SER EDUCADAS E EDUCADOS EN IGUALDADE. EN MOITOS PAÍSES HAI QUEN NON PODE ASISTIR Á ESCOLA BEN PORQUE NON A HAI PRETO, BEN PORQUE LLE OBRIGAN A TRABALLAR,... HAI QUEN NON RECOÑECE PARA AS NENAS O DEREITO Á EDUCACIÓN... (LOITA CONTRA O MALTRATO DE XÉNERO: 25 DE NOVEMBRO).
MALALA VAINOS CONTAR ESTES DÍAS A SÚA HISTORIA, DE COMO LOITOU POR APRENDER, DE COMO LOITOU POLO DEREITO DAS MULLERES A IR Á ESCOLA...

Quero ir á escola from zuceac

TRABALLAREMOS COA SÚA BIOGRAFÍA, CON FRAGMENTOS DO SEU BLOG E CON CONTOS RELACIONADOS. LEREMOS ARTIGOS SOBRE O ATAQUE QUE SUFRIU E SEGUIREMOS A SÚA RECUPERACIÓN.
NÓS IMOS AXUDALA A REINVIDICAR O DEREITO A EDUCACIÓN ELABORANDO, O 23 DE NOVEMBRO - NO DÍA DA PALABRA- CARTÓNS CON PALABRAS FERMOSAS RELACIONADAS COA ESCOLA E CONTRA A DISCRIMINACIÓN DA MULLER. EN NOVEMBRO TRABALLAREMOS AO REDOR DO 2O, 23 E 25... UNÍDESVOS A NÓS?

A FESTA DO MAGOSTO

Despois de investigar todas estas semanas e de aprender sobre as celebracións do outono, o clima, a vida dos animais e das persoas, os refráns,... Fixemos o magosto no colexio... Á primeira hora comezaron os preparativos. 6º e 5º colaboraron: Recolleron as castañas, axudaron co lume e co asado, prepararon o circuíto de xogos para educación infantil, primeiro e segundo ciclos, repasaron as regras de cada estación do circuíto e foron recoller aos equipos que xa estaban distribuídos por cores (amarelo, azul, verde e vermello).


 

 Ás once e media o alumnado do centro xa estaba xogando nos circuítos: baile, culler castaña, petanca, tira-soga,... Cada xogo estaba dirixido polo alumnado maior do centro. Todo estupendo!


 Mentres ocorrían os xogos, Paco e o algún alumnado maior asaba nas castañas.

Ao remate dos xogos repuxéronse forzas coas castañas.

A EXPOSICIÓN VAI COLLENDO FORMA...

NAS CLASES DANSE OS ÚLTIMOS RETOQUES ÁS IMAXES  E Á INFORMACIÓN PARA A EXPOSICIÓN. NUNS DÍAS ESTARÁ LISTA
ALGUÉN AXUDOU A LAMPI E APARECEU O LIBRO QUE LLE FALTABA... A VERDADE É QUE ESTABAN MÁIS BONITAS AS COLABORACIÓNS QUE FIXERON AS NENAS E OS NENOS DAS DIFERENTES CLASES... PERO ALEDÁMONOS POR LAMPI. NESTES DÍAS TODO O ALUMNADO PODERÁ LER NA BIBLIOTECA A VERSIÓN REAL E VER SE ACERTARON COAS SÚAS HIPÓTESES.
O VENRES... TEMOS PREPARADOS UNHA CHEA DE XOGOS, VAI HABER VARIOS CIRCUITOS E O ALUMNADO DE 3º CICLO VAI COLABORAR NA BOA MARCHA DOS MESMOS... XA NOS TARDA A CHEGADA DESE DÍA! ADEMAIS... (SE NON CHOVE)... FAREMOS O MAGOSTO!

MÁIS TRABALLO RELACIONADO COA EXPOSICIÓN: "AO REDOR DO MAGOSTO, NO OUTONO"

LAMPI, DENDE A BIBLIOTECA QUERE COLABORAR NA EXPOSICIÓN PROPOSTA POR ANTÍO. ASÍ QUE ACHEGOU LIBROS PARA QUE O ALUMNADO POIDA BUSCAR A INFORMACIÓN QUE PRECISA. MOITOS DESES LIBROS ESTÁN NO EXPOSITOR DA BIBLIOTECA.


 LAMPI, A NOSA MASCOTA DA BIBLIOTECA ACABA DE PROPOÑERNOS UNHA ACTIVIDADE DE ANIMACIÓN LECTOESCRITORA E É QUE A POBRE LAMPI PERDEU UN DOS SEUS LIBROS FAVORITOS E SÓ APARECERON DÚAS PÁXINAS... TEMOS QUE AXUDALA E RECONSTRUÍR ESE LIBRO OU NON PARARÁ EN TODO O OUTONO.

 TODO O CENTRO ESTÁ TAMÉN A PARTICIPAR NUN CONCURSO DE CABAZAS. XA VOS IREMOS INFORMANDO DE COMO VAI. POLO DE AGORA MIRADE ALGÚN EXEMPLO...
 DENDE INGLÉS COLABORAMOS NA EXPOSICIÓN CUNHA INVESTIGACIÓN SOBRE O SAMAÍN, HAI UNHAS PREGUNTAS QUE DIRIXEN A INVESTIGACIÓN:

XA VÉN ANTÍO

A CHEGADA DE ANTÍO AO COLEXIO SIGNIFICA QUE O MAGOSTO ESTÁ PRETO. ANTÍO ESTE ANO TEN PENSADO PREPARAR NO SOUTO ONDE VIVE UNHA ENORME EXPOSICIÓN SOBRE O OUTONO, PIDE AO ALUMNADO AXUDA. ASÍ QUE... MANS Á OBRA!!!

Ao redor do magosto from zuceac

VAI ENGADIRLLE Á EXPOSICIÓN UN REFRÁN, ASÍ QUE SE QUEREDES BUSCAR REFRÁNS CLICADE AQUÍ OU AQUÍ.

XA ESTAMOS A TODO DAR!

Durante esta última quincena, nas clases xa xurdiron moitas actividades diferentes, por poñer algúns exemplos observade: - Traballamos sobre Groenlandia, buscamos información, elaboramos esquemas (mapas mentais, esquemas de esferas,...), lemos textos usando estruturas cooperativas,... Todo isto en infantil, en 1º, en 3º, en... - Elaboramos libros sobre o noso incio no curso, en 3 anos, en 4 anos,... - Iniciamos algún proxecto novo: sobre a foca, sobre o oso, sobre o porco, sobre a Terra,... - Debatemos sobre como se produce o día e a noite, igual que fixeron neste cole do vídeo - Facemos un obradoiro para buscar información sobre as cartas... e... falando de cartas... AS MASCOTAS NON PARAN DE MANDARNOS MISIVAS VARIAS... e en 5º andarán copiándoas en breve... van facer un obradoiro sobre as cartas e... quen sabe! igual escriben a alguén especial! Ah! E un tal Félix tamén manda cartas a Sofía... quen serán?

Félix

O PRIMEIRO DÍA DE COLE DO CURSO 2012-2013

O DÍA 12 COMEZARON AS CLASES. NENAS E NENOS, PROFES E FAMILIAS AGARDAN CON IMPACIENCIA, MOITAS PREGUNTAS E ILUSIÓN A HORA DE COMEZAR.
COMO SERÁ A CLASE?
EN QUE MESA ESTAREI?
VIRÁN AS MIÑAS AMIZADES?
....

O ALUMNADO QUE XA ESTABA NO CENTRO O CURSO PASADO ENTRA CON SEGURIDADE. COÑECE O COLEXIO... TAMÉN HAI ALUMNADO NOVO AO QUE LLE DAMOS A NOSA MELLOR BENVIDA. DENTRO DESTE GRUPO DE ALUMNADO NOVO ESTÁN AS NENAS E OS NENOS DE TRES ANOS QUE VAN FACER UNHA ENTRADA ESCALONADA. AQUÍ ESTÁ O PRIMEIRO GRUPO, QUE NO SEU PRIMEIRO DÍA, NON TARDARON NADA EN POÑERSE MANS Á OBRA, MIRADE COMO TRABALLAN... EN DÍAS SUCESIVOS FORON ENTRANDO OUTROS GRUPOS DE TRES ANOS... MIRADE ALGUNHAS FOTOS

XA FALTA POUQUIÑO

A VINDEIRA SEMANA, O DÍA 12, IMOS VERNOS DE NOVO.
HABERÁ NOVIDADES NO COLEXIO?
EN MASCOTILANDIA HAI UNHA CHEA DE NOTICIAS QUE DAR. TEMOS PREPARADO TODO O QUE PRECISAMOS PARA SAUDARVOS NO REENCONTRO... E VÓS? VILAVERDIÑO ESTÁ MOI ATAREFADO DANDO OS ÚLTIMOS RETOQUES ÁS SÚAS PLUMAS E O RESTO DE MASCOTAS ESTÁN IMPACIENTES... NON SABEMOS QUE ARGALLARÁN PORQUE ANDAN POR AÍ CON ANACOS DE XEO.

7 de septiembre de 2012

DEICA MÉRCORES!!!

FIN DO CURSO 2011-2012

Nas aulas organizáronse festas para despedir o curso.

Ademais no patio:

-          asistimos á representación da obra de teatro “Arco da vella” coa actuación do alumnado de 5 anos C.

-          despois houbo baile, onde gozamos coas danzas aprendidas na clase con Lola durante todo o curso. Temos uns bailaríns e unhas bailarinas xeniais!

Ata o curso vindeiro!

XA É 22 DE XUÑO E HOXE REMATAMOS AS CLASES POR ESTE CURSO.
AS MASCOTAS SAÍMOS DE MASCOTILANDIA E MARCHAMOS DE VACACIÓNS DE VERÁN, AS NENAS E OS NENOS VAN DESCANSAR ÁS SÚAS CASAS E O PROFESORADO... BEN, O PROFESORADO INDA QUEDA UN CHISQUIÑO MÁIS NO COLE...
FELIZ VERÁN!
ATA SETEMBRO!!

DESPEDIDAS

6º REVISA A SÚA HISTORIA NO COLEXIO Nesta última semana o profesorado despídese do alumnado de 6º e entre as actividades estivo a sorpresa de amosarlles as súas fotos dende infantil. O ALUMNADO DESPÍDESE DO PROFESORADO O alumnado de 6º despídese do profesorado. Hai fotos, agasallos, dedicatorias,... Tamén hai un agasallo e unha despedida especial para Nieves, que durante moitos cursos mantivo coa clase unha relación especial. A despedida máis emotiva foi a que o alumnado dedicou a Sita pola súa xubilación: ramo de flores, libro especial con cartolinas e dedicatorias e... unha cantiga con letra do alumnado de 6º e voces do coro do colexio.

XUBILACIÓN

NO COLEXIO, XUBÍLASE ESTE CURSO UNHA PROFE QUE LEVA CONNOSCO MOITOS ANOS POLO QUE VARIAS XENERACIÓNS DE ALUMNADO PUIDERON TRABALLAR CON ELA.
DESEXAMOS QUE O PASE MOI BEN DENDE XA, QUE TEÑA MOITA SORTE NA NOVA VIDA QUE COMEZA. NÓS BOTARÉMOLA DE MENOS.
NON DIXEMOS INDA O NOME...ESTE CURSO XUBÍLASE A PROFE SITA. DESPOIS DE MÁIS DE TRES DÉCADAS DEDICADA AO ENSINO, 24 ANOS TRABALLANDO CO ALUMNADO NO CEIP DE VILAVERDE, VAI GOZAR COAS SÚAS MÚLTIPLES AFECCIÓNS: A LECTURA, A CAMIÑADA, AS VIAXES, A FOTOGRAFÍA E AS TECNOLOXÍAS, A PRAIA,...GRAZAS POLA TÚA PROFESIONALIDADE, INCANSABLE COLABORACIÓN E AMIZADE, GRAZAS POR PERMITIRNOS APRENDER CONTIGO. GRAZAS PROFE SITA.

FESTA DA COMUNIDADE ESCOLAR ORGANIZADA POLA ANPA

O sábado 16 de xuño tivo lugar no centro unha festa. Foi a festa de final de curso. A ela asistiron as familias, o alumnado e o profesorado.

UNHA VISITA DUNHA ESCRITORA PARA 4º

O Venres 15 de xuño de 2012 a escritora Mariné Corcoba presentou o seu fermoso libro “Un soño na bandexa” ao alumnado de 4º de primaria da aula de relixión. As nenas e nenos agasallaron á autora cun libro feito por eles e elas onde ían debuxados os seus mellores soños.

XA ESTÁ COLOCADA A EXPOSICIÓN DAS POESÍAS VOANDEIRAS

COMO LEMBRAREDES, CO GALLO DO XX CERTAME DE POESÍA, PROPUXEMOS QUE EN CADA CLASE, FAMILIA E ALUMNADO, CONSTRUÍSEN UN ENORME POEMA EN COLABORACIÓN. A ACTIVIDADE CHAMOUSE POESÍA VOANDEIRA E LEVA PERCORRENDO OS DIFERENTES FOGARES DENDE COMEZOS DE MAIO. QUEDARON FERMOSAS... E É QUE A POESÍA É O PUNTO FORTE DA NOSA COMUNIDADE ESCOLAR... VERDADE QUE SI? VELAQUÍ UNHAS FOTOS DA EXPOSICIÓN QUE PODEDES VER EN DIRECTO VISITANDO O COLEXIO.

TRABALLAMOS SOBRE HIXIENE POSTURAL

ESTES DÍAS NO COLEXIO, ESTAMOS A TRABALLAR AS POSTURAS CORRECTAS. MARCELA - A NAI DUN ALUMNO DO CENTRO- ESTÁ ENSINÁNDONOS MOITO SOBRE ESTE TEMA. IREMOS POÑENDO FOTOS. GRAZAS MARCELA! ESTE TRIMESTRE TAMÉN TRABALLAMOS SOBRE AS MOCHILAS E CALES SON AS MÁIS ADECUADAS. TEMOS UN VÍDEO NO BLOG http://xianadecide.blogspot.com.es/, NON DEIXEDES DE REPASAR O QUE FALAMOS SOBRE ISTO NA AULA.

UNHA SEMANA DE ACOLLIDAS

ESTA SEMANA COMEZAN AS ACOLLIDAS DO ALUMNADO QUE CAMBIA DE CICLO. É A PRIMEIRA FASE DO PLAN DE ACOLLIDA. O ALUMANDO DE INFANTIL DE 5 ANOS VISITARÁ AS AULAS DE 1º E VERÁN QUE TEÑEN AXENDA, QUE NON LEVAN MANDILÓN, QUE ESCRIBEN MOITÍSIMO, QUE TAMÉN FAN PROXECTOS,... LEVAN MOITAS PREGUNTAS PARA FACERLLES DE COMO É ESTAR EN 1º. O ALUMNADO DE 2º VAI VISITAR 3º PARA QUE LLES FALEN DOS MATERIAIS, DAS AXENDAS, DO QUE SE APRENDE... O ALUMNADO DE 4º VAI A 5º, ALÍ VERÁN COMO SON AS AXENDAS DO ALUMNADO MAIOR, COMO SON OS CADERNOS QUE USAN, QUE COUSAS TRABALLAN NA AULA,... E... O MELLOR... TEÑEN PORTÁTILES! MIRADE QUE FOTOS!

ESTA SEMANA TEMOS AO NOVO ALUMNADO NO CENTRO

AS NENAS E OS NENOS QUE O VINDEIRO CURSO ESTARÁN EN INFANTIL DE TRES ANOS, DURANTE ESTA SEMANA COÑECEN AS QUE SERÁN AS SÚAS NOVAS AULAS. VEÑEN CON MOITA ILUSIÓN; MAMÁS, PAPÁS, AVOAS E AVÓS, TAMÉN. MOITAS E MOITOS ESTÁN TAN A GUSTO QUE NON QUEREN MARCHAR. ATA HAI QUEN SE ATOPOU NO PATIO COA IRMÁ OU IRMÁN MAIOR. IMOS IR POÑENDO FOTOS PARA QUE AS E OS VAIADES COÑECENDO.

UNHA ANIMACIÓN NA BIBLIOTECA PARA INFANTIL DE 5 ANOS

AS NENAS E OS NENOS DE INFANTIL DE 5 ANOS TRABALLARON SOBRE UN LIBRO "BESOS PARA CADA MOMENTO" E HOXE RECIBIRON A VISITA DUN ANIMADOR", DIXO QUE NON SABÍA CONTOS E QUE ERA GRANXEIRO... PASÁMOLO ESTUPENDO NA BIBLIOTECA E AXUDÁMOLO. DESPEDÍMOLO CON BICOS VARIADOS E UNS MOI, MOI SONOROS. DESPOIS DE TRABALLAR E LER O LIBRO LEVÁMOLO PARA CASA, ALÍ IMOS LERLLO A MAMÁ E A PAPÁ.

A PUBLICACIÓN DO CARTAFOL DO LÉREZ

HOXE O ALUMNADO DO 3º CICLO TIVEMOS UNHA VISITA. VEU XENTE DO CONCELLO E TROUXÉRONNOS UNHA PUBLICACIÓN: UN Nº DO "CARTAFOL DO LÉREZ", NELA APARECE UNHA REPORTAXE SOBRE A NOSA BIBLIOTECA E RECÓLLENSE OS OBRADOIROS QUE TIVERON LUGAR NO NOSO CENTRO DURANTE O MES DE MAIO. NO COLEXIO, NO EDIFICIO DE SECRETARÍA, HAI UNHA FERMOSÍSIMA EXPOSICIÓN DE FOTOS RELACIONADAS CO NOSO RÍO LÉREZ. NON A PERDADES, É ESTUPENDA!AS CLASES VAN VÉNDOA POUCO A POCO.

UN OBRADOIRO MEDIOAMBIENTAL

DENDE HAI UNS DÍAS TRABALLAMOS SOBRE A CONSERVACIÓN DO MEDIO. O DÍA DO MEDIOAMBIENTE O ALUMNADO DE 6º REALIZOU UN OBRADOIRO MEDIOAMBIENTAL CON VARIAS ACTIVIDADES. O OBRADOIRO TIVO LUGAR NO PATIO.

UNHA VISITA DE FINA CASALDERREY

1º E 6º RECIBIRÁN A VISITA DE FINA CASALDERREY. DURANTE ESTE TRIMESTRE TRABALLARON CON LIBROS ("ÁS DE MOSCA PARA ANXO" E "QUEN ME QUERE ADOPTAR?") DESTA FABULOSA ESCRITORA E AGORA AGARDAN CON IMPACIENCIA VELA E FALAR CON ELA DA SÚA OBRA. O VENRES COLOCARON TODOS OS TRABALLOS QUE REALIZARON: CARICATURA DA ESCRITORA, UN POEMA DEDICADO, TRABALLOS COOPERATIVOS SOBRE QUE SE PODE ADOPTAR... PALABRAS PARA REGALAR A FINA,... TAMÉN HAI UNHA MINIEXPOSICIÓN DA SÚA OBRA. E CHEGOU O DÍA... 1º 6º

COIDAR O MEDIO AMBIENTE: UNHA OBRIGA

MOI PRONTO VAI CELEBRARSE O DÍA DO MEDIOAMBIENTE. COMO TODOS OS ANOS QUEREMOS LEMBRAR A NECESIDADE DO SEU COIDADO. PODEDES LER HISTORIAS E VER VÍDEOS NO BLOG http://xianadecide.blogspot.com.es/... E ADEMAIS TRABALLAR USANDO ESTES MATERIAIS:

O día mundial do medio ambiente ei

View more documents from xianadecide.

COLOCADO O RESULTADO DA INVESTIGACIÓN SOBRE PAZ ANDRADE

Na planta baixa do centro estase a colocar o resultado das investigacións, guiadas por webquest, que cada equipo realizou sobre aspectos variados da vida de Valentín Paz Andrade: biografía, viaxes, obra, vida política. Velaquí como vai quedando: - Espiral de biografía elaborada polo alumnado de infantil e 1º de E.P:

1ª FASE DO PERÍODO DE ADAPTACIÓN:RECEPCIÓN DE FAMILIAS

Hpxe, ás 18 horas tivo lugar a recepción de familias do novo alumnado que se incorporará ao centro o vindeiro curso. Nesta xuntanza, ademais das familias estiveron presentes, o equipo directivo, o presidente da ANPA, o equipo de profesorado de educación infantil e a orientadora. Programouse coas familias a actividade de recepción de nenas e nenos no colexio que terá lugar a vindeira semana, comeza así a primeira fase do período de adaptación que terá continuidade en setembro.

FALAMOS NA RADIO

O MÉRCORES, 22 DE MAIO, ONDACERO VEU AO COLEXIO. NENAS E NENOS ESTIVEMOS RECITANDO, CONTANDO CHISTES E MESMO CANTANDO. IMOS SAÍR NA RADIO!!! FOI UNHA EXPERIENCIA MOI INTERESANTE. PUIDEMOS RECITAR OS POEMAS QUE ELABORAMOS PARA O CERTAME DE POESÍA, CONTAR OS CHISTES DO FESTIVAL DAS LETRAS GALEGAS E CANTAR ALGUNHAS CANTIGAS QUE COÑECEMOS NO NOSO IDIOMA. MIRADE ALGUNHA FOTO DESE DÍA.

FESTIVAL DAS LETRAS GALEGAS 2012

O día 16 de maio celebramos no colexio o Festival das Letras Galegas. Fixémolo bailando. Cada nivel bailou cunha canción do grupo Pesdelán... e sabedes? o grupo actuou en directo para nós. Foi xenial escoitar cantigas na nosa lingua e bailar ...

XX CERTAME DE POESÍA

O XX Certame de Poesía, tivo un curso máis un recital. Nenas e nenos dos diferentes ciclos recitaron os seus poemas ás compañeiras e compañeiros de ciclo. Tamén foron seleccionados os mellores chistes para seren contados durante o Recital poético no patio O día 15 de maio, celebrouse o Recital no patio. Comezou a celebración coa lectura do manifesto “Vitaminas para o galego”, realizada por nenas e nenos de 6º. Elas e eles tamén se encargaron da presentación durante o recital, que rematou cos agasallos e cos chistes... Mellor dito... que rematou cunha fermosísima actuación do coro do colexio dirixido pola profe Lola. Vemos 1º ás nenas e aos nenos de Infantil cos seus recitados E a continuación o recitado do alumnado de primaria.

EXPOSICIÓN: 20 ANOS DO CERTAME DE POESÍA

Xa vos contaramos que estamos de celebración. Celebramos os 20 anos do noso Certame de Poesia. Así que puxemos unha exposición das nosas publicacións. Esta exposición imos completala coas poesías voandeiras que se están a facer con axuda das familias en cada clase. Veredes que preciosidades! É que as nosas nenas e os nosos nenos son grandes artistas pero as familias inda o son máis!

REMATAMOS DE INVESTIGAR SOBRE EUROPA

Rematada a investigación sobre países europeos, estamos xa a colocar os murais nos corredores. Velaquí o de inglés e o de Educación física Aquí está o de cada clase

UNHA QUINCENA DEDICADA A VALENTÍN PAZ ANDRADE

AS MASCOTAS DE AULA DECATÁRONSE DE QUE LAMPI ESQUECEU MENCIONAR QUE ADEMAIS DE POR CERVANTES, POR SHAKESPEARE,POLO O INCA GARCILASO,...POR SER O DÍA DO LIBRO,... O 23 DE ABRIL É UNHA DATA IMPORTANTE PORQUE NELA NACEU UN PONTEVEDRÉS IMPORTANTE: VALENTÍN PAZ ANDRADE A EL DEDÍCASE ESTE ANO O DÍA DAS LETRAS GALEGAS.
NO COLEXIO XA ESTAMOS TRABALLANDO SOBRE EL. DESENVOLVEREMOS XUNTO CO EDL UN TRABALLO RELACIONADO CON "CATRO ESFERAS" SOBRE ESTE FAMOSO PONTEVEDRÉS: A BIOGRÁFICA, A VIAXEIRA, A POLÍTICA E A LITERARIO-ESCRITORA. QUEDA AQUÍ UN POEMA SEU PARA IR LENDO: Vén o aire ateigado de palabras, cada mañá chamando aos nosos vidros, para por a xermolar son e semente. As palabras decote están falando e somos nós os xordos á mensaxe que no seo das sílabas carrexan.

UNHA EXPOSICIÓN NO COLEXIO: MULLERES NO TEMPO, MULLERES NA HISTORIA

DENDE O VENRES, NUN CORREDOR DO 1º ANDAR, TEMOS UNHA EXPOSICIÓN INTERESANTE. É UN CALENDARIO. CADA DÍA DE CADA MES RECOLLE UN EVENTO OU UN PERSONAXE. HAI DIFERENTES PERSONAXES FEMININAS QUE SE DEDICARON Á INVESTIGACIÓN, Á POLITICA,... OU QUE FORON COÑECIDAS POLA SÚA OBRA OU AS SÚAS ACHEGAS Á LIBERDADE, Á XUSTIZA, AO PENSAMENTO,... A EXPOSICIÓN FOI EMPRESTADA AO CENTRO POLA STEG. NON DEIXEDES DE VISITALA.
TRATA DE VISIBILIZAR A ALGUNHAS DAS MULLERES QUE DEIXARON A SÚA PEGADA AO LONGO DOS TEMPOS.
PODEMOS XOGAR A ATOPAR:

NOME DUNHA ESPÍA

• NOME DUNHA PILOTO
• NOME DA INVENTORA DO TIPEX
• NOME DE QUEN GAÑOU O NOBEL DE FÍSICA EN 1903
• NOME DA PRIMEIRA MINISTRA DA DEMOCRACIA ESPAÑOLA
• NOME DA PRIMEIRA MULLER XEFA DE ESTADO NUN PAÍS DE ÁFRICA

¿QUE MÁIS ATOPASTES?

REMATAN PROXECTOS E TAREFAS

NESTA SEMANA ESTAMOS REMATANDO:
- O PROXECTO SOBRE PAÍSES DA UNIÓN EUROPEA
- A INVESTIGACIÓN SOBRE DICKENS
- O PROXECTO PARA ELABORAR UN ÁLBUM DA IDADE CONTEMPORÁNEA
- O TRABALLO SOBRE A POESÍA
- O PROXECTO SOBRE DALÍ
- OS PROXECTOS SOBRE AS CORES
...
ALGÚNS PODEDES SEGUILOS NOS BLOG DE NIVEL

UNHA CELEBRACIÓN POR TODO O ALTO

VILAVERDIÑO ESTÁ FELIZ. ESTE ANO CELEBRARASE NO CENTRO O XX CERTAME DE POESÍA, É DICIR, ESTE CURSO CÚMPRESE O XX ANIVERSARIO DO CERTAME DE POESÍA EN GALEGO DO NOSO CENTRO.
CO GALLO DESTA CELEBRACIÓN VILAVERDIÑO ANIMA ÁS FAMILIAS DO CENTRO A FACER COAS NENAS E COS NENOS DENDE A CASA UNHA CONTRIBUCIÓN Á POESÍA DA CLASE. CHAMÁMOSLLE "POESÍA VOANDEIRA". MOITAS DAS MAMÁS E DOS PAPÁS PARTICIPARON COMO ALUMNAS E ALUMNOS NALGÚN DESES CERTAMES E HOXE PODEN LEMBRAR ESE EVENTO COLABORANDO NUNHAS POESÍAS CONXUNTAS. EXPORANSE OS RESULTADOS DURANTE O MES DE MAIO. VAN QUEDAR FERMOSOS!

23 DE ABRIL: DÍA DO LIBRO

DESTA VEZ LAMPI, A MASCOTA DA NOSA BIBLIOTECA, PENSOU QUE PARA CELEBRAR O DÍA DO LIBRO PODIAMOS LER ALGUNHA OBRA DE CHARLES DICKENS. ESTE ANO CÚMPRENSE OS 200 ANOS DO NACEMENTO DESTE ESCRITOR. AS SÚAS OBRAS FIXERON GOZAR A NENAS E A NENOS DE VARIAS XERACIÓNS. GRAZAS A DICKENS PODEMOS MOVERNOS POLA INGLATERRA DO SÉCULO XIX. UN LIBRO COÑECIDO DE DICKENS É "CONTO DE NADAL", QUEREDES VER UNHA VERSIÓN? LAMPI CONVÍDANOS Á BIBLIOTECA PARA LER ALGUNHA XOIA DA BIBLIOGRAFÍA DE CHARLES DICKENS E TAMÉN PARA LEMBRAR A OBRA CUME DE CERVANTES... AQUÍ DEIXAMOS ALGUNHAS FOTOS DO DÍA

UNHA NOVA EDICIÓN DE CROSS

ESTE SÁBADO TIVO LUGAR UNHA NOVA EDICIÓN DO CROSS ESCOLAR NO COLEXIO, É XA O XVIII CROS ESCOLAR COLEXIO VILAVERDE – MOURENTE. A METEREOLOXÍA PORTOUSE BEN E PERMITIUNOS GOZAR DO DÍA. HOUBO PARTICIPACIÓN DE VARIOS CENTROS DE PONTEVEDRA E CORRERON 255 NENAS E NENOS. TAMÉN HOUBO UNHA CARREIRA DE NAIS E PAIS QUE DEMOSTRARON ESTAR EN FORMA.

UNHA QUINCENA CHEA DE EXPERIENCIAS DE LABORATORIO

O LABORATORIO DO CENTRO ESTAS SEMANAS NON TEN DESCANSO:
- HAI EXPERIENCIAS CON ELECTRICIDADE E PILAS
- HAI EXPERIENCIAS COA AUGA
- HAI EXPERIENCIAS CON CORES
- HAI OBSERVACIÓN COA LUPA E CO MICROSCOPIO
NOS DIFERENTES BLOGS DE NIVEL IRÁN APARECENDO AS TAREFAS.

20 ANOS DA UNIÓN EUROPEA

ESTE ANO CÚMPRENSE OS 20 ANOS DO TRATADO DE MAASTRICHT. FOI UN TRATADO ESPECIAL PARA EUROPA. EN MASCOTILANDIA IMOS CELEBRALO INVESTIGANDO SOBRE DIVERSOS PAÍSES EUROPEOS... QUEREDES UNIRVOS A NÓS?
PODEDES COMEZAR CLICANDO AQUÍ, AQUÍ OU AQUÍ.
SABES QUE HAI UNHA BANDEIRA EUROPEA? E UN HIMNO?

CADA PAÍS TAMÉN TEN A SÚA BANDEIRA, MÍRAAS NESTE MEMORY.
HAI EN EUROPA MOITAS LINGUAS,MÁIS DE 23. QUERES VER COMO SE SAÚDA EN CADA LINGUA?. POIS CLICA. XOGA DESPOIS NESTE LABIRINTO.
PARA COÑECER OS PAÍSES CLICA NO MAPA QUE ATOPARÁS AQUÍ, APRENDE OS SEUS NOMES E CAPITAIS E XOGA COS MAPAS INTERACTIVOS E COS QUEBRACABEZAS FÁCILES E DIFÍCILES.
NESTE ENLACE PODES SEGUIR A VIAXE DUNHA CIGOÑA QUE VOA POLOS PAÍSES EUROPEOS NA BUSCA DE CONTOS TÍPICOS DE CADA UN.
O EURO É A MOEDA MAIORITARIA EN EUROPA. XOGA E APRENDE SOBRE EL. DISTINGUE OS FALSOS.
VAI DE TENDAS, ESCOLLE A COMPRA E PAGA CON EUROS. SUMA E RESTA EUROS.
CONTA EUROS.  MERCA MÁIS CON EUROS.  VENDE CON EUROS.  EMPARELLA CON EUROS
PODES IR MERCAR NA TENDA CON EUROS SEN EQUIVOCARTE?
REPASA COUSIÑAS SOBRE EUROPA XOGANDO E XOGANDO.
A MÁQUINA DO TEMPO DARACHE UN PASEO POLA HISTORIA. PARA SABER MOITO MÁIS CLICAMOS NESTES ENLACES: 1- 2

QUEREDES APRENDER ALGO SOBRE O SÉCULO XX?

O ALUMNADO DE INFANTIL DE CINCO ANOS ESTÁ TRABALLANDO AO REDOR DA FIGURA DE MONDRIAN. TRABALLAN A SÚA ÉPOCA, OS PERSONAXES MÁIS INTERESANTES, O CINE DA ÉPOCA, OS INVENTOS MÁIS SALIENTABLES DO SÉCULO... QUEREDES SABER MÁIS? POIS ENTRADE NO SEU BLOG E VEREDES.
ADEMAIS, EN INGLÉS, O ALUMNADO TRABALLA SOBRE O TITANIC E A WHITE STAR LINE...

ESTE ANO TAMÉN SE CUMPREN OS 20 ANOS DO TRATADO DE MAASTRICHT... UN EVENTO IMPORTANTÍSIMO PARA A FORMACIÓN DA UNIÓN EUROPEA
6º INICIA UN PROXECTO SOBRE A IDADE CONTEMPORÁNEA.

UN 200 ANIVERSARIO: A CONSTITUCIÓN DE 1812 HOXE CUMPRE ANOS

HAI HOXE 200 ANOS QUE, EN CÁDIZ, AS CORTES APROBAN UNHA CONSTITUCIÓN PARA ESPAÑA. É CONSIDERADA UNHA ANTEPASADA DA NOSA ACTUAL CONSTITUCIÓN.
LEMBRADES QUE É UNHA CONSTITUCIÓN E PARA QUE SERVE? SABEDES POR QUE LLE CHAMARON A PEPA Á CONSTITUCIÓN DE 1812? IMAXINADES POR QUE FOI APROBADA EN CÁDIZ? LEMBRADES EN QUE ANO E DÍA FOI APROBADA A CONSTITUCIÓN QUE AGORA TEMOS?
ESTES VÍDEOS E AS PRESENTACIÓNS EN POWER QUE VOS MANDAMOS ÁS CLASES AXUDARANVOS A CONTESTAR ESTAS E OUTRAS PREGUNTAS.

UNHA CHEA DE CONFERENCIAS INTERESANTES

REMATAN VARIOS PROXECTOS NO COLEXIO, NENAS E NENOS COMUNICAN O QUE PARENDERON A TRAVÉS DE CONFERENCIAS. AQUÍ TEMOS DOUS EXEMPLOS:
- INFANTIL DE TRES FÁLALLES DO POLO NORTE AO ALUMNADO DE INFANTIL DE CATRO


- INFANTIL DE CINCO ANOS DÁ UNHA CONFERENCIA SOBRE VAN GOGH A 6º (DESPOIS DE QUE ESTE ESTIVERA TRABALLANDO SOBRE UN DOS SEUS CADROS COÑECIDOS). 6º APLAUDE CON FORZA AO FINAL

NOS RESPECTIVOS BLOGS HAI MÁIS DATOS.

QUERES LER O XORNAL CONNOSCO?

O ALUMNADO DO TERCEIRO CICLO, DURANTE ESTA SEMANA CONVIDOU AO ALUMNADO MÁIS PEQUENO A FACER UNHA ANÁLISE E LECTURA DO XORNAL CON ELAS E ELES.
DENDE HAI ALGO MÁIS DE 400 ANOS QUE APARECERA O PRIMEIRO XORNAL EN EUROPA, ESTE CONVERTEUSE NON INSTRUMENTO VALIOSO DE INFORMACIÓN E... LECER.
O ALUMNADO DE SEXTO FIXO A PROPOSTA DE LECTURA A EDUCACIÓN INFANTIL, MIRADE AS FOTOS DA EXPERIENCIA.

TRABALLAMOS POLA IGUALDADE

A VINDEIRA SEMANA TODAS AS MASCOTAS VAN ESTAR TRABALLANDO AO REDOR DA IGUALDADE ENTRE OS SEXOS. TEÑEN UNHA CHEA DE VÍDEOS, DE CONTOS, DE VIÑETAS,... SOBRE O TEMA. ALGUNHAS DESTAS COUSAS XA AS COLOCARON NO BLOG
http://xianadecide.blogspot.com/, BOTADE ALÍ UNHA OLLADIÑA.

ALGUNHAS DAS ACTIVIDADES SOBRE ROSALÍA

DAS DIFERENTES AULAS XURDIRON VARIADAS ACTIVIDADES SOBRE ROSALÍA DE CASTRO:
LIÑAS BIOGRÁFICAS, RECITADO DE POEMAS, COMPLETAR DATOS BIOGRÁFICOS, ELABORAR UNHA BIOGRAFÍA DESEÑADA,RELACIONAR A ÉPOCA DE ROSALÍA COA DE OUTROS PERSONAXES TRABALLADOS NO CENTRO (SEURAT, VAN GOGH,...,... E TAMÉN EN CINCO ANOS ELABORARON UN AUDIO XENIAL PODEDES VELO NO SEU BLOG.

EN INFANTIL DE CATRO ANOS DESCUBRIRON QUE ROSALÍA TEN UNHA POESÍA MOI BONITA, SABEN VARIOS VERSOS DE MEMORIA E TEÑEN MOITA INTRIGA POR QUEN FORON A NAI E O PAI DE ROSALÍA. TAMÉN DESCUBRIRON QUE HABÍA UN BILLETE ANTIGO CO ROSTRO DE ROSALÍA, ERA O BILLETE DE 500 PESETAS E FIXERON UNHA FICHA CON EL.

MOITAS NENAS E NENOS FORON VISITAR A CASA DE ROSALÍA EN PADRÓN

HOXE 1º CICLO TIVO UNHA ACTIVIDADE COA POLICÍA

NO CENTRO ESTIVO HOXE A POLICÍA NACIONAL. NON PASOU NADA POLO QUE PREOCUPARSE... SÓ QUE AS NENAS E NENOS DE 1º CICLO PUIDERON APRENDER MOITAS COUSAS SOBRE O QUE FAN, QUE USAN,... E O QUE MÁIS ILUSIÓN LLES FIXO: TER UN CARNÉ DE POLICÍA!!
PODEDES VER O QUE SUCEDEU NOS SEUS BLOGS

MAÑÁ TEREMOS UNHA VISITA ESPECIAL NAS AULAS

CO GALLO DO 24 DE FEBREIRO, UNHA ESCRITORA MOI RELEVANTE DA NOSA CULTURA VISITARÁ AS NOSAS AULAS.
FALARANOS DENDE O SEU RETRATO, DEIXARANOS UNS RETAZOS DA SÚA BIOGRAFÍA PARA QUE A COMPLETEMOS... PERO... SOBRE TODO DEIXARANOS A SÚA POESÍA. UNHA POESÍA FERMOSA QUE LEREMOS, RECITAREMOS, ANALIZAREMOS E... CANTAREMOS. QUEREDES ACOMPAÑARNOS?




NA BIBLIOTECA TEREMOS ALGÚNS LIBRIÑOS RELACIONADOS CON ELA, NON VOLOS PERDADES.

E CLICANDO NAS PLABRAS DE COR ATOPARÁS MÁIS RECURSOS.

FESTA DO ENTROIDO NO COLEXIO

DESPOIS DE TANTO TRABALLO PREPARANDO COPLAS, FACENDO COMPLEMENTOS, CANTANDO, ESCRIBINDO LADAÍÑAS,... CHEGOU A FESTA!!!
O GALO VILAVERDIÑO AGARDA IMPACIENTE A QUE O ALUMNADO DE 6º O BAIXE AO PATIO


AS NENAS E OS NENOS DISFRÁZANSE E MESMO SE DISFRAZAN AS BONECAS...


FACEMOS AS FOTOS DE GRUPO. MIRADE QUE FERMOSURA DE DISFRACES, TODOS RELACIONADOS CON SUPERSTICIÓNS... DE BOA OU MALA SORTE... NA ELABORACIÓN DE MOITOS DELES COLABORARON CON AGARIMO AS FAMILIAS (MAMÁS, PAPÁS, AVOAS, AVÓS,...)E DÁMOSLLES AS GRAZAS POR AXUDAR A QUE ESTE DÍA FOSE ESPECIAL.

BAIXAMOS AO PATIO... QUE ILUSIÓN! CANTA XENTE CON CÁMARAS!!!

DESFILAMOS CON MÁIS OU MENOS MOVEMENTO, UN DESFILE AMENIZADO POLAS CANCIÓNS QUE COLOCA A PROFE LOLA...

XULGAMOS AO GALO E LEMOS AS COPLAS DE ACUSACIÓN. DESPOIS LEMOS A CONDEA: IMOS QUEIMALO POR SUPERSTICIOSO. 6º É O ENCARGADO DESE XUÍZO.

O GALO, A TRAVÉS DE REPRESENTANTES, O ALUMNADO DE 5º, FAI LER O SEU TESTAMENTO

E CHEGA O MOMENTO DE PROBAR AS LARPEIRADAS QUE VENDE O ALUMNADO DE 6º CON AXUDA DE PROFES E A ANPA E QUE DENDE MOI CEDIÑO ESTIVERAN CORTANDO E REPARTINDO AS PROFES ÁNGELES E PILI R. ...

CANTAMOS ÁS LADAÍÑAS AO GALO, 3º E 4º POÑEN AS VOCES E A LETRA

O CORO DO COLEXIO DESPIDE AO GALO CUNHA CANTIGA ESPECIAL...

EN PROCESIÓN LEVAMOS O GALO A QUEIMAR. O ALUMNADO DE 6º LEVA AO GALO E O RESTO CHORAMOS UN CHISQUIÑO DETRÁS...

E... REMATOU O ENTROIDO! QUEIMAMOS A VILAVERDIÑO!
PERO NON VOS PREOCUPEDES... O VINDEIRO ANO TEREMOS UN NOVO GALO.

XA VILAVERDIÑO, O GALO, TEN CASE TODAS AS PLUMAS

HOXE ESTIVEMOS POÑÉNDOLLE AS PLUMAS A VILAVERDIÑO. TEN UNHA CHEA DELAS!
FIXEMOS PLUMAS ABONDO: PLUMAS DE CORES, PLUMAS DE PAPEL DE REVISTAS, PLUMAS DE PAPEL DE XORNAL,... DECIDIMOS POÑERLLE DE TODO PARA EVITAR QUE SE QUEIXE PORQUE ALGO LLE DEA MALA SORTE... ESTÁ TAN INSOPORTABLE CON TANTA SUPERSTICIÓN!

AS NENAS E OS NENOS PASAN POR ALÍ PARA VER COMO VAI QUEDANDO, CADA MINUTO ESTÁ MÁIS GUAPO, VAI MELLORANDO SEGUNDO VAN PASANDO OS GRUPOS PARA PEGARLLE AS PLUMAS QUE FIXERON...
MENTRES TANTO NA CLASE DE MÚSICA PREPÁRASE LETRA E MÚSICA A UNHA CANTIGA PARA O GALO (SERÁ UNHA ADAPTACIÓN DA CANTIGA DE LEILÍA). CANTARAA O ALUMNADO DO CORO E VAI TODA SOBRE AS SUPERSTICIÓNS, VELAQUÍ UN ANAQUIÑO:
VAI TI (2012)
VAI TI, VAI TI, VAI ELA,
NON VERTAS SAL NA TERRA,
VAI TI, VAI TI, VAI ELA,
TOCA BEN A MADEIRA
O galo Vilaverdiño
debaixo dunha escaleira!
iso dá moi mala sorte,
lisca rapidiño dela!!!
Ao Vilaverdiño ímolo queimar,
primeiro xulgalo e despois chorar,
ao Vilaverdiño ímolo queimar,
outro ano máis non se vai zafar.
VAI TI, VAI TI, VAI ELA,
NON VERTAS SAL NA TERRA,
VAI TI, VAI TI, VAI ELA,
TOCA BEN A MADEIRA.
O galo Vilaverdiño
tirou o saleiro ao chan,
o que non sabe este galo:
que a mala sorte virá.
Ao Vilaverdiño ímolo queimar,
primeiro xulgalo e despois chorar,
ao Vilaverdiño ímolo queimar,
outro ano máis non se vai zafar.
VAI TI, VAI TI, VAI ELA,
NON VERTAS SAL NA TERRA,
VAI TI, VAI TI, VAI ELA,
TOCA BEN A MADEIRA.
...

XA FALTA MENOS! SÓ TEMOS ESTA SEMANA...

SÓ TEMOS UNS DÍAS DESTA SEMANA PARA ULTIMAR O GALO, REMATAR OS DISFRACES, FACER AS COPLAS, ENSAIAR AS LADAIÑAS, BUSCAR A MÚSICA DO DESFILE DE DISFRACES,... UF!!! CASE NON DAMOS CHEGADO... TEMOS O ENTROIDO MÁIS SUPERSTICIOSO DE TODA A HISTORIA DO COLEXIO. IDE CRUZANDO OS DEDOS POR SE ACASO...

UN AGASALLO NA BIBLIOTECA ÁS MELLORES LECTORAS E AOS MELLORES LECTORES

NA BIBLIOTECA, GO GALLO DO ENTROIDO, LAMPI PIDE QUE SE AGASALLE ÁS PERSOAS QUE MÁIS LERON DO COLEXIO. SON AS NENAS E OS NENOS DE 1º, QUE GAÑARON LIBRETOS SOBRE DISFRACES E MÁSCARAS.

LAMPI GARDA AÍNDA ALGUNHA SORPRESA MÁIS... XA VEREDES!

REMATANDO PROXECTOS

AS NENAS E OS NENOS DE INFANTIL DE 5 ANOS REMATARON O SEU PROXECTO SOBRE VAN GOGH. FIXERON UNS CADROS FERMOSÍSIMOS.
PODEDES VER A EVOLUCIÓN DO PROXECTO NO SEU BLOG, CLICANDO NO RECANTIÑO DA DEREITA. ALÍ TAMÉN TEÑEN UN LIM COMO RESUMO DO QUE APRENDERON...
HABERÁ MÁIS PROXECTOS, COMEZARÁN OUTRO DE CONTADO E TERÁ QUE VER CON ESTE PERSONAXE...

COMEZARÁN AS CONFERENCIAS INTERCLASES CO APRENDIDO NOS PROXECTOS, XA VEREDES QUE CARTELEIRA DE EVENTOS TAN INTERESANTE!!!

VAI CHEGANDO O ENTROIDO

INDA QUE NAS CLASES LEVAN O TEMA CON SEGREDO... AS MASCOTAS CONSEGUIMOS ENTERARNOS DE TODO. XA SE ESTÁN PLANIFICANDO OS DISFRACES!
IMOS DEIXAR UNHA PISTA...: TEÑEN QUE VER COAS SUPERSTICIÓNS!

ADEMAIS, COMO TODOS OS ANOS PREPARAN A CELEBRACIÓN:

DESEÑAMOS AS PLUMAS DO GALO (ESTE ANO CON TANTA CRISE TEMOS QUE POÑERLLE PLUMAS RECICLADAS), INVENTAMOS AS COPLAS DO XUÍZO, ESCRIBIMOS O TESTAMENTO E ENSAIAMOS O CANTO DAS LADAÍÑAS.

SEGUIMOS COAS SUPERSTICIÓNS

EN MASCOTILANDIA NON SE CONTENTARON CON QUE INVSTIGARAMOS SOBRE AS SUPERSTICIÓNS, CLARO QUE NON. AGORA MÁNDANNOS TEXTOS SOBRE ELAS: TEMOS INFORMACIÓN SOBRE AS SUPERSTICIÓNS NA ANTIGÜEDADE, SOBRE OS AMULETOS, SOBRE A SANTA COMPAÑA, SOBRE OS CONXUROS,...
PENSADES QUE XA ESTÁ?
POIS NON...
LEMBRADES QUE FALAMOS DOS XESTOS NOS CÓMICS? DAS EXPRESIÓNS DOS PERSONAXES? POIS SEGUIMOS INVESTIGANDO NOS CÓMICS, NAS CLASES FIXEMOS UN OBRADOIRO SOBRE CÓMICS VARIADOS... E ESTA SEMANA ESTAMOS PLANIFICANDO UN CÓMIC. A QUE NON ADIVIÑADES SOBRE QUE TEMA? CLARO... SOBRE AS SUPERSTICIÓNS. ESTAMOS TENTANDO DESEÑAR CÓMICS PROTAGONIZADOS POLAS NOSAS MASCOTAS E UNHA SUPERSTICIÓN QUE SE TIVO QUE ELIXIR ENTRE AS MOITAS TRABALLADAS.
TEREMOS CÓMICS EN GALEGO E EN INGLÉS... VEREDES QUE EXPOSICIÓN MONTAMOS!

UN ENORME XESTO DE PAZ NO PATIO

XA VOS DICÍA EU QUE TODO ISTO DE XESTOS ÍA REMATAR CUNHA CELEBRACIÓN!
O 30 DE XANEIRO, DESPOIS DE TRABALLAR CON XINXI SOBRE OS XESTOS DE PAZ, TIÑAMOS UN RETO: DESCIFRAR O CARTEL DO QUE NOS FALABA XINXI NA HISTORIA; ERA UN XEROGLÍFICO, O LUNS APARECEU NA ENTRADA DO COLEXIO... MOI BONITIÑO PERO... DABA MOITO QUE PENSAR.
DESPOIS DO RECREO SAÍMOS AO PATIO CUN MISTERIOSO NÚMERO NO PEITO (HABÍA EN CADA CLASE NÚMEROS DE 1 A 25). NO PATIO CUBERTO HABÍA 25 ENORMES CÍRCULOS... QUE ENIGMÁTICO TODO! POUCO A POUCO OS CÍRCULOS FORON ENCHÉNDOSE CON NENAS E NENOS, SABEDES COMO? POIS, TODAS AS NENAS E TODOS OS NENOS QUE TIÑAN O NÚMERO 1 ÍAN AO CÍRCULO 1, OS QUE TIÑAN O 2 AO CÍRCULO 2,... E ASÍ SUCESIVAMENTE. O ALUMNADO DE 6º LEVABA O XEROGLÍFICO QUE TENTAMOS DESCIFRAR E UN CARTEL CUNHA PALABRA QUE TIÑAMOS QUE VER ONDE ÍA. ALGÚNS GRUPOS TARDARON MOITO E OUTROS POUQUIÑO... DESPOIS FOMOS DESVELANDO UNHA A UNHA AS PALABRAS E QUEDOU UN ESLOGAN XENIAL.
UN BAILE DE CELEBRACIÓN PUXO O PUNTO FINAL AO DÍA... BAILAMOS UNHA CANCIÓN DE SAÚDO (QUE PREPARAMOS COAS PROFES LOLA E ÁNGELES E CO PROFE SUSO), XA QUE O SAÚDO É UN DOS XESTOS DE PAZ POR EXCELENCIA.
XA VEREDES QUE FOTOS!

A CLASE DE INGLÉS ESTÁ CHEA DE TREVOS

XA VOS COMENTARAMOS QUE ESTABAMOS A INVESTIGAR EN TODAS AS CLASES SOBRE AS SUPERSTICIÓNS. ANOTAMOS O QUE ATOPAMOS EN TREVOS DE CATRO FOLLAS E POÑEMOS OS TREVOS EN MURAIS...
EN INGLÉS TAMÉN. INVESTIGAMOS AS SUPERSTICIÓNS RELACIONADAS COS PAÍSES DE FALA INGLESA...
ATOPAMOS TANTAS SUPERSTICIÓNS QUE ENCHEMOS AS PAREDES DA AULA CON TREVOS!

TRABALLAMOS CON XESTOS: XESTOS PARA A PAZ, XESTOS SUPERSTICIOSOS,...

OS MURAIS DO COLE ESTÁN QUEDANDO PEQUENOS... NON CABEN TODAS AS SUPERSTICIÓNS QUE TEMOS INVESTIGADAS. ASÍ QUE POÑEMOS ALGUNHAS NO MURAL XERAL E OUTRAS NOS MURAIS DE NIVEL OU CICLO.
LEMOS TEXTOS VARIADOS SOBRE SUPERSTICIÓNS, ESCOLLEMOS CÓMICS RELACIONADOS, SEGUIMOS ATOPANDO CANCIÓNS QUE RECOLLEN SUPERSTICIÓNS...

TEMOS XESTOS SUPERSTICIOSOS, SUPERSTICIÓNS SOBRE ANIMAIS, SUPERSTICIÓNS CON COUSAS, SUPERSTICIÓNS CON PERSOAS, SUPERSTICIÓNS CON FENÓMENOS... TEMOS SUPERSTICIÓNS GALEGAS, CASTELÁS, INGLESAS,...

E TAMÉN INVESTIGAMOS CON XESTOS DE PAZ E VEMOS COMO SON ESTES EN DIFERENTES PAÍSES,... XINXI DIRÍXENOS NA INVESTIGACIÓN QUE FACEMOS... SEGURO QUE TODO VAI REMATAR CUNHA CELEBRACIÓN FANTÁSTICA NO PATIO... ACERTAREMOS?

XESTOS POLA PAZ

A PAZ ÁS VECES NON PRECISA DE GRANDES XESTOS PARA CONSEGUIRSE. PODE ACADARSE A TRAVÉS DE PEQUENOS SINAIS, DE XESTOS COTIÁS.
SAUDAR, DESPEDIRSE, AGRADECER,PRESTAR AXUDA,... SON ALGÚNS DESES XESTOS QUE DENDE MASCOTILANDIA PRACTICAMOS DE COTE.
SABER RELACIONARSE CON CORRECCIÓN IMPIDE CONFLITOS E MALOS ENTENDIDOS, PROMOVE A CONSIDERACIÓN EO RESPECTO CARA ÁS OUTRAS PERSOAS E A SOLIDARIEDADE...
DEIXÁMOSVOS UNHA PRESENTACIÓN QUE NOS PODE AXUDAR A TRABALLAR E INVESTIGAR SOBRE ESES XESTOS DE PAZ

Paz nuns xestos

View more presentations from xianadecide.

XA ESTAMOS NUN NOVO ANO E... AS MASCOTAS DANDO TRABALLO!

XA LAMPI APUNTARA ALGO ANTES DE MARCHAR DE VACACIÓNS... DÁBANOS CONSELLOS PARA TER BOA SORTE NO 2012... NON NOS DECATARAMOS, PERO ESTABA INTRODUCÍNDONOS NO TEMA DAS SUPERSTICIÓNS.

XA VEDES, EN MASCOTILANDIA TEÑEN INTERESE POLAS SUPERSTICIÓNS...

QUE SON?

QUE SUPERSTICIÓNS EXISTEN? CALES TEÑEN RELACIÓN COA BOA SORTE? CALES COA MALA SORTE? HAI SUPERSTICIÓNS TÍPICAS DE GALICIA?
PARA IR TOMANDO CONTACTO COA TEMÁTICA PODEMOS VER O VÍDEO SEGUINTE COA CANCIÓN "TOCAR MADERA" DE M. TENA

ADEMAIS HAI UNHA CANCIÓN DE DES`REE QUE TERÁ MOITO QUE VER CO NOSO TRABALLO DURANTE ESTE TRIMESTRE... AXUDÁDENOS PROFES DE INGLÉS!!!

Chorus:
Life, oh life, oh life, oh life,
doo, doot doot dooo.
Life, oh life, oh life, oh life,
doo, doot dooo

I'm afraid of the dark,
'specially when I'm in a park
And there's no-one else around,

Ooh, I get the shivers
I don't want to see a ghost,
It's a sight that I fear most
I'd rather have a piece of toast
And watch the evening news
(Repeat Chorus)

I'm a superstitious girl,
I'm the worst in the world
Never walk under ladders,
I keep a rabbit's tail

I'll take you up on a dare,
Anytime, anywhere
Name the place, I'll be there,
Bungee jumping, I don't care!
(Repeat Chorus)

life, doo, doot dooo
doo, doot dooo

So after all is said and done
I know I'm not the only one
Life indeed can be fun, if you really want to

Sometimes living out your dreams,
Ain't as easy as it seems
You wanna fly around the world,
In a beautiful balloon
(Repeat Chorus)