25 DE NOVEMBRO: CONTRA O MALTRATO DE XÉNERO

NO DÍA DA PALABRA VIMOS QUE HAI PALABRAS FERMOSAS E PALABRAS QUE NON NOS GUSTAN (MÁIS POLO QUE SIGNIFICAN QUE POLAS LETRAS QUE LEVAN).UNHA DESTAS ÚLTIMAS É: MALTRATAR A PARTIR DO 25 DE NOVEMBRO IMOS `POÑER O NOSO GRAN DE AREA CONTRA O MALTRATO.
PRIMEIRO TRABALLAREMOS EN EQUIPOS PARA COMENTAR QUE ENTENDEMOS POR MALTRATO, RECOLLEREMOS ISTO COA ESTRATEXIA DE FOLIO XIRATORIO.POÑERÉMOLO EN COMÚN E VEREMOS UNHA PRESENTACIÓN PARA CONTRASTAR A NOSA OPINIÓN CON OUTRAS.
TEMOS A PRESENTACIÓN TAMÉN PARA PEQUES


NA PRESENTACIÓN APARECE QUE UNHA FORMA DE MALTRATO É "O BICO Á FORZA" E TEMOS UN CONTO QUE NOLO EXPLICA. HAI BICOS QUE NOS GUSTAN E BICOS QUE NON...

"NIN UN BIQUIÑO Á FORZA" (A NOSA ADAPTACIÓN DO CONTO, PARA MAIORES E PARA PEQUES DE INFANTIL)

23 DE NOVEMBRO: DÍA DA PALABRA

NOS LIBROS HAI PALABRAS: PALABRAS QUE SE REFIREN A ANIMAIS, A PLANTAS, A PERSOAS, A PAÍSES, A...
PALABRAS ENORMES E PALABRAS PEQUENIÑAS.
PALABRAS SOLITARIAS E PALABRAS ACOMPAÑADAS.
PALABRAS MOI DIFÍCILES DE DICIR, PALABRAS DOADIÑAS.
PALABRAS COÑECIDAS E PALABRAS INVENTADAS.
PALABRAS CURIOSAS, PALABRAS IMPOSIBLES, PALABRAS CON DOBRE SENTIDO.
PALABRAS REPETIITIVAS, PALABRAS UNIVOGÁLICAS.
PALABRAS EN DIFERENTES IDIOMAS.
PALABRAS SAUDABLES.
PALABRAS DE CONTO.
PALABRAS...

IMOS COCIÑAR CON PALABRAS.
IMOS FACER SOPAS CON PALABRAS.

AS MASCOTAS SUXÍRENNOS DOUS LIBROS ESTUPENDOS QUE VERSAN SOBRE AS PALABRAS E QUE SEGURO GUSTARÁN MOITO:

 

 

AMBOS ESTÁN PROTAGONIZADOS POR NENAS: UNHA QUE ODIABA OS LIBROS ATA QUE DESCUBRÍU NELES... (NON VOLO CONTO, MELLOR LÉDEO) E OUTRA QUE CULTIVABA PALABRAS E TECÍA HISTORIAS E... (CASE, CASE,... NON VOS DIGO MÁIS... LEDE E VEREDES QUE BONITO)

DURANTE A SEMANA PASADA AS FAMILIAS SEGUIRON A COLABORAR COA CAMPAÑA "ENSÍNANOS UN XOGO".
CAMPAÑA QUE XA TOCA AO SEU FIN.
AGRADECEMOS A TODAS AS FAMILIAS QUE NOS TEÑAN FEITO UN OCO NA SÚA APERTADÍSIMA AXENDA E AGASALLADO CO SEU TEMPO E COS SEUS XOGOS, CANTIGAS, XOGUETES, LERIAS,... MOITAS GRAZAS.
TODOS ESTES XOGOS ADEMAIS DE ACHEGARLLE A CULTURA POPULAR AO NOSO ALUMNADO, SUPUXO UNHA APLICACIÓN DO APRENDIDO SOBRE TEXTOS INSTRUTIVOS, POIS, NAS AULAS ESTÁN A RECOLLER OS XOGOS E XOGUETES EN FICHAS , EMPREGANDO ESTE TIPO DE TEXTO. FAREMOS DESPOIS UN LIBRIÑO CONXUNTO DE CENTRO QUE SE EXPORÁ NA BIBLIOTECA E MESMO SE PODERÁ EMPRESTAR.
ALGUNHAS DAS ACHEGAS DESTA SEMANA FORON:

- AS DO PAI E DA NAI DE MIGUEL (5 anos A) E ÁLEX (3º A) QUE FIXERON AO ALUMNADO PARTÍCIPES DO XOGO CHAMADO O BOTE.

- AS QUE TIVERON LUGAR NAS AULAS DE 2º COA NAI DE SARA (2ºB)

TODOS OS XOGOS, XOGUETES, CANCIÓNS,... APARECERÁN RECOLLIDOS EN FICHAS QUE O ALUMNADO ELABORARÁ NAS AULAS CO GALLO DO TRABALLO AO REDOR DO TEXTO INSTRUTIVO QUE SE ESTÁ A DESENVOLVER EN TODOS OS NIVEIS E QUE ABRANGUEU: RECEITAS EN VARIOS IDIOMAS EN MAGOSTO E SAMAÍN, TEXTOS INSTRUTIVOS SOBRE EXPERIMENTOS EN PROXECTOS E DÍA DA BIBLIOTECA E INSTRUCIÓNS PARA XOGOS NA CAMPAÑA "ENSÍNANOS UN XOGO".

DEREITOS DA INFANCIA

DURANTE ESTES DÍAS ESTIVEMOS A TRABALLAR AO REDOR DOS DEREITOS DA INFANCIA. 

ESTE ANO FIXÁMONOS ESPECIALMENTE NO DEREITO Á SAÚDE.

HOUBO OBRADOIROS SOBRE SAÚDE, ANIMACIÓNS E LECTURAS VARIAS.

PARTICIPAMOS COA FUNDACIÓN MENIÑOS NO SEU CONCURSO COS NOSOS DEBUXOS E RELATOS...

HAI CREACIÓNS REALMENTE FERMOSAS!

APRENDEMOS QUE TEMOS DEREITO A QUE NOS COIDEN, A QUE INVESTIGUEN PARA QUE NON TEÑAMOS ENFERMIDADES,A QUE NOS PROCUREN  UNHA ALIMENTACIÓN ADECUADA, A QUE SE PREOCUPEN DE QUE MEDREMOS SANS TANTO A NIVEL FÍSICO, COMO SOCIAL E PSÍQUICO.

NOS BLOGS DE NIVEL ATOPAREDES IMAXES DAS ACTIVIDADES NAS AULAS.

UNHA NOTICIA SOBRE UN DESASTRE DÁ LUGAR A PROXECTOS

O TIFÓN EN FILIPINAS DÁ LUGAR A DIFERENTES PROPOSTAS NAS AULAS:
- TRABALLO AO REDOR DO TEXTO, A NOVA, DEBATE SOBRE A MAGNITUDE DO DESASTRE,..
- TRABALLO CON VALORES
- SEGUIMENTO DA NOVA
- UNHA CURIOSIDADE PARA COMPLETAR PROXECTOS SOBRE ESPAÑA
- UN PROXECTO SOBRE FILIPINAS E O CONTINENTE AO QUE PERTENCE, O CLIMA, A CULTURA,... (PODEREDES SEGUILO NO BLOG DE 6º)

E XA SON 50000!

EN MASCOTILANDIA ESTAMOS MOI FELICES... ACABAMOS DE CUMPRIR 50000 VISITAS!

doctor reviews

free photo rating

E... HOUBO MAGOSTO!

O TEMPO ESTIVO O SUFICIENTEMENTE BEN PARA PODER CELEBRAR A FESTA.
MERECIÁMOLO, DESPOIS DE TRABALLAR MOITO SOBRE CONTOS E TEXTOS INSTRUTIVOS, ARTE DE OUTONO, XOGOS DESTA ESTACIÓN, ADIVIÑAS OUTOUNAIS, INVESTIGACIÓNS SOBRE COMO SE CELEBRA A FESTA,...
ESTE ANO O MAGOSTO TIVO MÁIS XOGOS QUE EN NINGÚN CURSO. REQUIRÍU DE MOITA ORGANIZACIÓN, PERO A PROBA FOI SUPERADA CON MOITO ÉXITO. NON FALLOU NADA!
HOUBO XOGOS QUE ENSINARON AS FAMILIAS, PERO TAMÉN XOGOS EMPRESTADOS POLO CONCELLO DO GROVE... UNHA AUTÉNTICA MARABILLA DE XOGOS COS QUE GOZAMOS MOITO.
NON PODÍAN FALTAR AS CASTAÑAS ASADAS!
PACO CUMPRÍA ESTE ANO OS 25 ANOS ELABORANDO MAGOSTOS, E CLARO, SAÍULLE ESTUPENDO AXUDADO POLAS ALUMNAS E OS ALUMNOS DE 6º, QUE FIXERON UN TRABALLO FENOMENAL COLABORANDO TAMÉN NO REPARTO E NA TITORIZACIÓN COAS PEQUENAS E OS PEQUENOS.
AGORA QUÉDANOS RECOLLER A FESTA EN NOTICIAS, DEBUXOS, FOTONOVELAS,...

DEIXÁMOSVOS UNHAS POUCAS FOTOS. HAI MÁIS NOS BLOGS DE NIVEL E NO BLOG DO EQUIPO DE DINAMIZACIÓN.
AS NENAS E OS NENOS DE 6º AXUDARON COA ORGANIZACIÓN, AS PROFES E OS PROFES NON PARARON DE TRABALLAR NIN UN INTRE, PACO ACHEGOU TAMÉN O TRABALLO XUNTO COA SÚA INESTIMABLE EXPERIENCIA E BO SABER NO TEMA DO ASADO:

ENTRE OS PREPARATIVOS ESTIVO O DA ELABORACIÓN DE CUCURUCHOS, INFANTIL XA OS ELABORARA DÍAS ANTES E EN TRES ANOS CON AXUD A DO ALUMNADO MAIOR. NALGUNHAS CLASES ELABORARON CESTIÑAS

O PROGRAMA DA CELEBRACIÓN TIÑA DE TODO:

ASÁRONSE AS CASTAÑAS.

OS XOGOS APARECERON EN CADA ESPAZO DO CENTRO E ALGÚNS CELEBRÁRONSE AO AIRE LIBRE


COMÉRONSE AS CASTAÑAS.

E MAÑÁ, SE O TEMPO O PERMITE, MAGOSTO

XA ESTÁ TODO PREPARADO:
- AS CASTAÑAS QUE TROUXERON AS NENAS E OS NENOS, MOITAS XA AMOSEGADAS, E OUTRAS QUE TIVO QUE AMOSEGAR ANTÍO PARA QUE NON ESTOUREN AO ASAR
- OS CUCURUCHOS, AS NENAS E NENOS DE 6º PRACTICARON COMO FACELOS PARA ENSINARLLES ÁS NENAS E NENOS DE 3º.
- A LEÑA, TRAÍDA DAS CASAS
- OS XOGOS POPULARES, LIDOS, APRENDIDOS COAS FAMILIAS, COLOCADOS NUNHA EXPOSICIÓN CEDIDA POLO GROVE (VER BLOG DE DINAMIZACIÓN LINGÜÍSTICA)
- ANTÍO, QUE XA AFIOU OS DENTES PARA A DEGUSTACIÓN
- AS NENAS E OS NENOS QUE VAN PREPARARSE PARA FACER UNHA LUPANDA.
AGORA SÓ PRECISAMOS QUE O TEMPO TAMÉN ESTEA PREPARADO... SERÁ?

AS NOSAS INVESTIGACIÓN DO OUTONO

ADEMAIS DE TODO O QUE TRABALLAMOS SOBRE A ESTACIÓN DO ANO (QUE XA VOS CONTAMOS), TAMÉN ELABORAMOS PRESENTACIÓNS SOBRE AS CELEBRACIÓNS DA ÉPOCA(PODEREDES IR VÉNDOAS NOS BLOG DE NIVEL), POEMAS, TEXTOS EXPOSITIVOS E NARRATIVOS,ORGANIZADORES COMPARATIVOS... TODO PARA RECOLLER A INFORMACIÓN.
TRABALLAMOS COA ARTE DE OUTONO, RAZOANDO, INVESTIGANDO, CREANDO, ELABORANDO TEXTOS INSTRUTIVOS, GOZANDO DA ARTE:
 ARTE CON COUSAS DE OUTONO
ARTE DE ARTISTAS IMPORTANTES E QUE RECOLLE ASPECTOS DO OUTONO (QUE CLASIFICAMOS, CATEGORIZAMOS, OBSERVAMOS, COMENTAMOS,...).
ENTRE ESES ARTISTAS ESTÁ ARCIMBOLDO. DESCUBRIMOS OS SEUS CADROS E... SABEDES? TAMÉN TEÑEN QUE VER COA COMIDA (SOBRE A QUE ESTAMOS A TRABALLAR DENDE O COMEZO DE CURSO NAS AULAS E DE DIFERENTES XEITOS)

SE QUEREDES CREAR CADROS DE ARCIMBOLDO, ADEMAIS DOS REALIZADOS NAS CLASES, PODEDES CLICAR AQUÍ.

USAMOS NAS AULAS MATERIAIS DIVERSOS, ENTRE ELES SINALAMOS:

•   PRESENTACIÓN DE IMAXES PARA CREAR HISTORIAS:
 

• ESQUEMAS PARA REXISTRAR EVENTOS E TAREFAS VARIADAS

•  O CONTO DA CASTAÑA FALADORA


• O MAGOSTO EN PASOS


• BUSCANDO A ESTACIÓN QUE CORRESPONDE