Celebramos o Magosto na escola!
Chega o outono e, con el, unha das festas máis tradicionais e queridas de Galicia: o Magosto!
No noso centro preparámonos para gozar dunha xornada moi especial na que as castañas, os xogos, a música e a convivencia serán os grandes protagonistas.
O Magosto é unha celebración que nos permite coñecer e manter vivas as nosas tradicións, achegarnos á natureza e compartir momentos divertidos con compañeiras, compañeiros e profesorado. E, por suposto, non pode faltar unha canción adaptada a LSE, que nos lembra que o outono xa está aquí!
Será unha ocasión perfecta para aprender, rir, xogar e desfrutar xuntos e xuntas dunha festa chea de sabor e tradición.
Queremos agradecer a todas as persoas que colaboran na organización desta actividade, facendo posible que o noso alumnado viva estas experiencias tan enriquecedoras.
Viva o Magosto! Viva o outono! E que non falten as castañas!
